4. mərhələli süd vəzi xərçəngi xəstələrində ömür uzunluğu hər gün artır

Diaqnoz zamanı metastazı olan irəliləmiş mərhələli süd vəzi xərçəngi xəstələrinin 1990-cı illərə nisbətən daha uzun yaşadığını göstərən yeni tədqiqatın nəticələri dərc edildi.
Süd vəzi xərçənginin xərçəng təbabətində ilklərin və ən mühüm inkişafların yaşandığı sahə olduğunu desək, yanılmarıq. İlk uğurlu xərçəng əməliyyatı, ilk hormonal müalicə, ilk hədəfə yönəlmiş xərçəng dərmanı və bir çox mühüm yenilik bu sahədə olmuşdur. Bununla yanaşı süd vəzisində kütlələrin digər xərçənglərdən daha asan əlamət verməsi, mammoqrafiya və süd vəzi ultrasəsi kimi erkən diaqnostika və skrininq üsullarının yayılması və məlumatlılığın artması uğuru daha da artırmışdır. Belə ki, bu inkişaflar sayəsində süd vəzi xərçənginə tutulub yaşayanların sayı hər gün artır; 1. mərhələdən 4. mərhələyədək bütün mərhələlər nəzərə alındıqda 5 illik sağqalım %89-a çatmışdır (erkən mərhələdə %95).
4. mərhələli xərçənglər çox yox, 2000-ci illərin əvvəlinə qədər tam sağalma şansı olmayan və ya çox az olan xəstəliklər kimi tanınırdı. Yavaş, lakin qəti addımlarla bunun dəyişməyə başladığını görmək hamımız üçün sevindiricidir. Hətta xərçəngin tarixini dəyişdirən ən mühüm addımların yaşadığımız bu illərdə atılmağa başladığını deyə bilərik (hədəfə yönəlmiş dərmanlar, immunoterapiyalar, radioterapiya yenilikləri və gələcəyin ən mühüm tibb kəşfi sayılan crispr kimi).

Yuxarıdakı şəkil diaqnoz zamanı metastazı olan, yəni 4. mərhələli süd vəzi xərçənginə tutulmuş qadınlarda zamanla ömür uzunluğunun necə artdığını göstərməsi baxımından çox diqqətçəkən və ümidvericidir. ABŞ-a aid bu statistikanın 2012-ci ilə qədərki dövrü əhatə etdiyini, sonra həm hormon pozitiv həm də her2 pozitiv süd vəzi xərçənginin müalicəsi üçün yeni müalicələrin istifadəyə daxil olması ilə gözlənilən ömrün daha da artdığını demək yanlış olmaz.
Marağınızı çəkə bilər:
Mənbələr
Estimation of the number of women living with metastatic breast cancer in the United States.
Cancer Epidemiology Biomarkers Prev. June 1, 2017.
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.