Bütün döş radioterapiyası ilə müqayisədə sürətləndirilmiş qismən radioterapiyanın 10 illik nəticələri

Döş xərçəngi əməliyyatısonrası adjuvant, yəni xəstəliyin təkrarlanma ehtimalını azaldan qismən döş şüalanması (accelerated partial-breast irradiation, APBI) alan xəstələrin 10 illik izləmə tədqiqatı xərçəngin təkrarlanma nisbətinin bütün döş şüalanması (whole-breast irradiation, WBI) alanlarla eyni olduğunu göstərib. İş Meattini və həmkarları tərəfindən 2019 San Antonio Döş Xərçəngi Simpoziumuçərçivəsində (Xülasə GS4-06) təqdim olunub. Nəticələr tətbiqi və xəstə tərəfindən qəbulu daha asan/praktik olan qismən döş radioterapiyasının erkən mərhələ xəstələr üçün məqbul seçim ola biləcəyini göstərir. Erkən mərhələ döş xərçəngi diaqnozu qoyulmuş çoxlu xəstəyə lumpektomiya və sonra radioterapiya tətbiq edilir. Baş müəllif Florensiya Universitetindən Dr. Icro Meattini, “Əməliyyatdan sonrakı şüalanma yerli döş xərçəngi yaranma nisbətini əhəmiyyətli azalda bilən adjuvant müalicənin əsası olaraq qalır” deyib. Son illərdə tədqiqatçılar qismən şüalanmanın təkrarı önləməkdə bütün döş şüalanması qədər effektiv olub-olmadığını müəyyən etməyə çalışıblar.
Tədqiqatın təfərrüatları
Meattininin işi randomizə edilmiş faza III klinik tədqiqat olan APBI IMRT tədqiqatıiştirakçılarının 10 illik izləmə məlumatlarını araşdırıb. İşin 5 illik nəticələrində şiş təkrarı və ya sağqalma baxımından əhəmiyyətli fərq yox idi. APBI IMRT-yə 40 yaşdan yuxarı, mərhələ I və ya II döş xərçəngli 520 qadın daxil edilib. 2005-2013 arasında xəstələr APBI və ya WBI üçün təsadüfi 1:1 nisbətində iki qrupa ayrılıb. APBI qoluna 5 günlük fraksiyalarda şiş yatağına cəmi 30 Gy, WBI qoluna isə 25 gündə bütün döşə 50 Gy və əlavə olaraq şiş yatağına 5 günlük 10 Gy şüalanma verilib. Qollar yaş, şiş ölçüsü və tipi, adjuvant endokrin müalicə baxımından müqayisəyə uyğun olub və hər ikisində orta izləmə 10 il təşkil edib. Çoxlu xəstədə hormon reseptoru müsbət, HER2 mənfi döş xərçəngi olub və əksəriyyəti 50 yaşdan yuxarı idi.
Əsas tapıntılar
• 10 ildən sonra APBI qrupunun % 3.3-ündə, WBI qrupunun % 2.6-sında döş xərçəngi təkrarlanıb.
• 10 illik ümumi sağqalma oxşar olub: APBI alanlarda % 92.7, WBI alanlarda % 93.3. Hər iki fərq statistik əhəmiyyət daşımayıb. Tapıntılar 5 illik işin ümidverici nəticələrini gücləndirir və qismən şüalanmanın çox yaxşı xəstəlik nəzarəti verdiyini göstərir. Düzgün seçilmiş hallarda qismən və ya bütün döş şüalanması nəticələrdə fərq yaratmır. Qismən şüalanmanın kosmetik dəyişiklik yaratma ehtimalı daha azdır, lakin daha bahalı müalicədir. Rejim daha az yan təsirlə həyat keyfiyyətini artıra və müalicənin ümumi müddətini xeyli qısalda bilər. Qismən döş şüalanması döş onkologiyasında müalicənin effektiv azaldılması/sadələşdirilməsinin (de-escalation) əsas nümunələrindəndir. Bir çox xəstə üçün nisbətən uyğun qiymətli, təhlükəsiz və effektiv optimal seçim ola bilər.
Mənbələr
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.