ASCO 2020 konqresi

American Society of Clinical Oncology (Amerika Klinik Onkologiya Cəmiyyəti), qısa adı ilə ASCO, 1964-cü ildə 7 onkoloqun bir araya gəlməsi ilə yaradılmış elmi cəmiyyətdir. Hər il ABŞ-ın Çikaqo şəhərində iyunun ilk həftəsində dünyanın bütün xərçəng mütəxəssislərinin diqqətlə izlədiyi ASCO illik konqresini keçirir. Son illərdə təxminən 40 min iştirakçısı ilə ASCO Konqresi dünyanın ən genişmiqyaslı onkologiya tədbiridir. Onkologiyadakı yeniliklərin təqdim olunması üçün bütün il gözlədiyimiz ASCO konqresi bu il COVID-19 pandemiyası səbəbindən onlayn yayımlanır.