Halsted cərrahiyyəsi 1904 – İnsan bədəninə hörmət

1889-cu ildə Johns Hopkins Xəstəxanası, Baltimorda açıldı və cərrahların hazırlanması sistemi başladı. Bu sistem tələbənin universitet proqramında qeydiyyatda olduğu və eyni zamanda xəstəxana ilə əlaqələndirildiyi müasir internatura sisteminə gətirib çıxardı. Bu sistemdə tələbələr bacarıqlarını tədricən inkişaf etdirir və klinik məsuliyyətlər götürürlər. 

Amerikalı cərrah William Halsted, Johns Hopkins Xəstəxanasının Cərrahiyyə şöbəsinin ilk rəhbəri kimi Amerika Birləşmiş Ştatlarında ilk rəsmi cərrahi rezidentura təlim proqramını yaratdı. Halsted rezidentlərin yalnız cərrah olmağı deyil, eyni zamanda cərrahiyyə müəllimi olmağı da öyrənməli olduqlarını vurğuladı. Rezidentləri adətən başqa məktəblərdə nüfuzlu cərrahlara çevrilir və müəllimlərinin fikirlərini dəstəkləyirdilər.

Halsted həmçinin "Halsted cərrahi texnikaları" ilə məşhurdur; yavaş və sistemli yanaşmanı mənimsəyir. Cərrah insan toxumalarına hörmət göstərir, zədələnməni və qan itkisini minimuma endirmək üçün toxumalarla son dərəcə həssas davranır. 

Bundan əlavə, Halsted;

• Tikişlər üçün hələ də pişik bağırsaqlarının istifadə edildiyi dövrdə toxuma zədələnməsini və infeksiyanı minimuma endirmək üçün nazik ipək istifadəsini vurğuladı. 
• Əməliyyat otağında rezin əlcəkləri və əməliyyat geyimlərini tətbiq etdi. 
• Məşhur qalxanabənzər vəzi, bağırsaq və yırtıq əməliyyatları uyğun formanı və funksiyanı bərpa etmək üçün uğurla hazırlanmışdı.

1913-cü ildə cərrah Harvey Cushing Halstedin yanaşması barədə belə dedi: 

"Müşahidəçilər artıq əməliyyat otağında həyəcan gözləmirlər; keçmişin təsirli açıq nümayişləri artıq xoş qarşılanmır, onların yerini sakit, xeyli darıxdırıcı prosedurlar tutur... Masadakı xəstə, avtomobildəki sərnişin kimi, sürət həddini aşan, çoxdanışan sürücüsü olduqda daha böyük risk altındadır."

Halsted tibb məktəbində təhsil alarkən bir çox cərrah küçə geyimində və çılpaq əllərlə əməliyyat aparırdı. Keçmişin cərrahları 30 saniyəlik amputasiyaları ilə öyünürdülər, indi isə diqqətli Halsted cərrahları toxuma qatlarını bir-bir bağlayırlar. 

1904-cü ildə "Cərrahın təhsili" adlı çıxışında Halsted belə dedi: 

”Bizə sadəcə cərrahlar deyil, ən yüksək səviyyəli cərrahlar yetişdirəcək sistem lazımdır və şübhəsiz belə sistem olacaq; bu sistem ölkənin ən yaxşı gənclərini cərrahi tədqiqatlar aparmağa həvəsləndirəcək" 

Yazıdakı şəklin izahı: William Stewart Halstedin portreti, Yale Universitetinin 1874-cü il buraxılışı. (Foto Yale Universiteti tərəfindən təqdim edilmişdir.)

Yazıda adı çəkilən şəxslər: William Stewart Halsted (1852–1922)

• Əvvəlki mövzu: Şüa müalicəsi 1903 – Radioterapiya və ya şüalandırma müalicəsi
• Sonrakı mövzu: Buynuz qişa transplantasiyası 1905 – Yenidən dünyaya göz açmaq