Prostat xərçəngi üçün yeni müalicələrdən Enzalutamid artıq ölkəmizdə apteklərdə yerini aldı

Dünyada kişilərdə ən çox rast gəlinən xərçəng prostat xərçəngidir. Ömür müddətinin uzanması ilə bu gün prostat xərçəngində artım müşahidə olunsa da, prostat xərçənginə bağlı ölüm göstəriciləri çox aşağıdır. Bunda ən böyük pay prostat xərçəngi müalicəsindəki inkişaflara aiddir.

Prostat xərçəngi kişi reproduktiv vəzilərindən olan prostat vəzisindəki hüceyrələrin nəzarətsiz böyüməsi ilə yaranır. Hüceyrələr nəzarətsiz böyüyüb prostat xərçəngi yaratdıqda əvvəlcə prostat daxilində yayılır, sonra prostatı əhatə edən kapsulu aşaraq ətraf toxumalara yayıla bilər. Prostat xərçəngi hüceyrələri böyümək üçün androgen adlandırılan hormonal stimullara ehtiyac duyur. Kişilərin əsas androgen hormonu testosterondur. Androgen basdırıcı müalicə (ABT) ilə bədəndə testosteronun ya istehsalı dayandırılır, ya da təsiri əngəllənir.

Metastatik prostat xərçəngli xəstələrdə uzunmüddətli istifadə olunan ABT-yə qarşı rezistentlik inkişaf edə bilər. Normalda androgenlər öz reseptorlarına bağlandıqda reseptor hüceyrənin nəzarət mərkəzinə böyümə və bölünmə siqnalı göndərir. Yeni nəsil androgen basdırıcı müalicə üsulu olan Enzalutamide (Xtandi kapsul) bu siqnalı bloklayaraq təsir edir. Tədqiqatlarda sağqalım töhfəsi verdiyi göstərilən bu dərman 2012-ci ildə hormona rezistent prostat xərçəngində əvvəllər dosetaksel kimyaterapiyası almış xəstələr üçün FDA (Amerika Dərman İdarəsi) təsdiqi aldı.

Əlavə təsir baxımından asan dözülən dərmanın ən mühüm üstünlüyü digər müalicə üsullarında istifadə edilməli kortizona ehtiyac olmaması və gündə bir dəfə ağızdan həb şəklində qəbul edilməsidir. Xtandi-nin artıq ölkəmizdə də hormona rezistent metastatik prostat xərçəngində dosetaxel kimyaterapiyası istifadə etmiş xəstələrdə tətbiqi uyğun görüldü.

Xəstələrimizin daha bir yeni müalicə seçiminə çata bilməsi gözəl inkişafdır. Artıq xərçəng müalicəsində xəstəyə xüsusi fərdiləşdirilmiş müalicə seçimlərinin istifadə olunduğu prosesdəyik. Hansı müalicənin sizə uyğun olduğunu həkiminiz deyəcək. Sağlam qalın…