აგრესიული ტვინის სიმსივნის, გლიობლასტომის მკურნალობის ახალი სამიზნე: ტელომერის ცილები!
ამ სტატიაში
გლიობლასტომა (GBM) ტვინის კიბოს რთულად სამკურნალო ტიპია. წამლების მიერ ჰემატოენცეფალური ბარიერის ეფექტიანად გადალახვის შეუძლებლობა და ტვინის სიმსივნეების განსხვავებული გენეტიკური და ბიოლოგიური მექანიზმები დაავადების მიმდინარეობას აუარესებს. ნოემბერში 2017 წელს Cançer Cell ჟურნალში გამოქვეყნებული კვლევის თანახმად, აღმოაჩინეს გლიობლასტომის უჯრედების ზრდის შემაფერხებელი ეფექტიანი მეთოდი.
კვლევაში ძირითად სამიზნე მოლეკულებს წარმოადგენდა ტელომერთან დაკავშირებული ცილები. როგორც ცნობილია, კიბოს უჯრედებში ტელომერაზის აქტივობა ძალიან მაღალია. ამის წყალობით ტელომერებს გარკვეულ დონეზე ინარჩუნებენ და შეუზღუდავი გამრავლების უნარი აქვთ. მკვლევრებმა შეისწავლეს, იქნებოდა თუ არა ტელომერის ცილების ბლოკირება ეფექტიანი განსხვავებული ბიოლოგიის მქონე გლიობლასტომაში.
გლიობლასტომა, ნერვული სისტემის ვარსკვლავისებრი უჯრედებიდან, ასტროციტებიდან წარმოიშობა. ეს სიმსივნეები ჩვეულებრივ გლიობლასტომის ღეროვან უჯრედებს შეიცავს, რომლებიც მის უწყვეტ გამრავლებას უზრუნველყოფს. გლიობლასტომის ღეროვან უჯრედებში TRF1 ცილის მაღალი აქტივობა გამოვლინდა. TRF1 ტელომერებს ფუნქციების შესრულებაში ეხმარება. ამავდროულად ის მნიშვნელოვან როლს ასრულებს გლიობლასტომის ღეროვანი უჯრედების თვითგანახლებაში.
ამ ინფორმაციის გათვალისწინებით შეისწავლეს, მოქმედებდა თუ არა TRF1 ცილის აქტივობის დათრგუნვა გლიობლასტომის სიმსივნეების ზრდაზე.
კვლევის შედეგების თანახმად;
- ცხოველთა ლაბორატორიულ მოდელებში TRF1 აქტივობის დათრგუნვის შედეგად სიმსივნის ზრდის შემცირება დაფიქსირდა და სიცოცხლის ხანგრძლივობა 80 პროცენტამდე გაიზარდა.
- ცხოველთა მოდელებში მკურნალობით გამოწვეული გვერდითი ეფექტი არ გამოვლენილა.
რას გვეუბნება ეს კვლევა?
- კიბოს ღეროვან უჯრედებში ტელომერაზის აქტივობა ძალიან მაღალია. ამიტომ ფერმენტ ტელომერაზაზე ან ტელომერულ მექანიზმებზე მიმართული მკურნალობა კიბოს ღეროვანი უჯრედების ეფექტიანად აღმოფხვრას შეიძლება ახერხებდეს.
- აღმოაჩინეს ეფექტიანი სამკურნალო სტრატეგია ისეთი რთულად სამკურნალო სიმსივნეების წინააღმდეგ, როგორიცაა გლიობლასტომა.
- ხაზგასმით უნდა აღინიშნოს, რომ ეს კვლევა ჯერ ლაბორატორიულ პირობებში გამოიცდება. საჭიროა შემდგომი კვლევებით მისი სისწორისა და ეფექტიანობის დადასტურება.
ასევე აღსანიშნავია, რომ ბოლო წლებში იყიდება სხვადასხვა პროდუქტი, რომლებიც ხანგრძლივ სიცოცხლეს გვპირდება და ამტკიცებს, რომ ტელომერაზის აქტივობის გაზრდით ტელომერებს აგრძელებს. ისინი წამლებად კი არა, დანამატებად იყიდება. ფერმენტი ტელომერაზა ყველაზე აქტიურად კიბოს უჯრედებში გვხვდება. კიბოს უჯრედებმა ტელომერების სიგრძის შემცირების საწინააღმდეგო მექანიზმები განავითარეს. ამ პირობებში უნდა აღვნიშნოთ, რომ ტელომერების გასახანგრძლივებლად დანამატების მიღებას კიბოს თვალსაზრისით საკმაოდ სარისკოდ მივიჩნევთ. ტელომერების დაცვის ყველაზე ბუნებრივი და სწორი გზაა ჯანსაღი ცხოვრების ჩვევები, სწორი კვება და რეგულარული ვარჯიში.
წყაროები
Inhibition of TRF1 Telomere Protein Impairs Tumor Initiation and Progression in Glioblastoma Mouse Models and Patient-Derived Xenografts.
Cancer Cell, November 2017
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.