ახალგაზრდა ზრდასრულებში სიმსუქნესთან დაკავშირებული კიბო შესამჩნევად იზრდება

25-49 წლის ახალგაზრდა ზრდასრულებში გამოვლინდა, რომ სიმსუქნესთან დაკავშირებული 12 კიბოდან6-ის სიხშირე მნიშვნელოვნად გაიზარდა. კვლევა 2019 წლის თებერვალში Lancet Public Health ჟურნალში გამოქვეყნდა.

კიბოს ყველა შემთხვევის 65 % 65 წლისა და უფროს ასაკში ვლინდება და ამიტომ კიბო ზოგადად "ხანდაზმულობის დაავადებად" არის ცნობილი. ბავშვობასა თუ ახალგაზრდობაშიც გვხვდება, თუმცა იშვიათად. მაგრამ სიმსუქნის მზარდი მაჩვენებლები ახალგაზრდა ზრდასრულებში კიბოს სიხშირის მხრივ საგანგაშოა.

ახალგაზრდა ზრდასრულებში კიბოს განვითარების რისკფაქტორები ხანდაზმულებთან შედარებით ნაკლებადაა შესწავლილი. ამ კვლევის ავტორებმა აჩვენეს, რომ ჭარბი წონის მსგავსი კარცინოგენების ადრეულმა და ხანგრძლივმა ზემოქმედებამ შესაძლოა ადამიანის კიბოს რისკზე იმოქმედოს, განსაკუთრებით სიმსუქნესთან დაკავშირებული ზოგიერთი კიბოს შემთხვევაში.

მკვლევრებმა ანალიზი შემოფარგლეს აშშ-ში 20 წლის განმავლობაში დიაგნოზირებული 30 ტიპის კიბოთი (4-წლიანი ინტერვალების მითითებით: 1995-1999, 2000–2004, 2005–2009 და 2010–2014). კვლევამ აჩვენა, რომ წლების განმავლობაში ახალგაზრდა ზრდასრულებში კიბოს მაჩვენებლები მნიშვნელოვნად გაიზარდა.

შერჩეული იყო სიმსუქნესთან დაკავშირებული შემდეგი 12 ტიპის კიბო (მენინგიომის გარდა):

დანარჩენი 18 ტიპი 25-49 წლის ასაკობრივ ჯგუფში შედარებით ხშირად გამოვლენილი შემდეგი კიბოები იყო: ანუსის, ტვინის, ცენტრალური ნერვული სისტემის, საშვილოსნოს ყელის, საყლაპავის ბრტყელუჯრედოვანი, კუჭის (არაკარდიული), ხორხის, ფილტვისა და ბრონქის, ოროფარინქსის, პროსტატის, სათესლის, შარდის ბუშტისა და ვულვის კიბო, კაპოშის სარკომა, ლეიკემია, ლიმფომა (ჰოჯკინისა და არაჰოჯკინის) და კანის მელანომა. მთლიანობაში გამოვლინდა კიბოს 30 ტიპის წარმომადგენელი 14 მილიონი შემთხვევა.

1995-2014 წლებში ახალგაზრდა ზრდასრულებში (25-49 წლის ასაკში) მრავლობითი მიელომისა და კოლორექტული, საშვილოსნოს, ნაღვლის ბუშტის, თირკმლისა და პანკრეასის კიბოს სიხშირე გაიზარდა. კოლორექტული კიბოს გარდა, ამ კიბოების სიხშირის ნაკლები ზრდა გამოვლინდა ხანდაზმულ ზრდასრულებში.

კერძოდ, ამ 6 კიბოსთვის რაც უფრო ახალგაზრდა იყო ასაკობრივი ჯგუფი, მით უფრო დიდი იყო ზრდა. მაგალითად, პანკრეასის კიბოს ინციდენტობის (ახალი შემთხვევების წლიური სიხშირის) საშუალო პროცენტული ცვლილება 40-დან 84 წლამდე პირებში < 1 % იყო, ხოლო 35-39 წლიდან 25-29 წლამდე ჩამოსვლისას 1.3 %-დან 4.3 %-მდე იზრდებოდა. თუმცა ავტორებმა აღნიშნეს, რომ ამ კიბოების სიხშირე ხანდაზმულ ჯგუფებში უფრო მაღალი იყო, ვიდრე ახალგაზრდა ჯგუფებში. სიმსუქნესთან დაუკავშირებელი დანარჩენი 18 კიბოდან მხოლოდ 2-ში (არაკარდიული კუჭის კიბო და ლეიკემია) გაიზარდა სიხშირე პაციენტის ასაკის შემცირებასთან ერთად.

დაკავშირებული თემა:

• მოზარდობისას სიმსუქნე პანკრეასის კიბოს რისკს 4-ჯერ ზრდის 

ავტორებმა ხაზი გაუსვეს, რომ ეს შედეგები "სიმსუქნის ეპიდემიასა და ახალგაზრდა ასაკში დაწყებულ კიბოს შორის კავშირის შესახებ ჰიპოთეზების ჩამოყალიბებაში შეიძლება დაგვეხმაროს, თუმცა მიზეზობრივი კავშირის შესახებ ინფორმაციას არ იძლევა".