არის ძუძუს კეთილთვისებიანი კვანძების შემდეგ კიბოს რისკი?
ამ სტატიაში
ძუძუს კეთილთვისებიანი დაავადებები — კისტა, ფიბროადენომა, ადენოზი, ცხიმოვანი ნეკროზი, პაპილომა და სხვა — კიბოს მომატებულ რისკს უკავშირდება და ძუძუს კიბოს სკრინინგის სტრატეგიების პერსონალიზაციის რისკფაქტორად არის შემოთავაზებული. რისკი პათოლოგიური ტიპისა და მახასიათებლებით მნიშვნელოვნად იცვლება. ესპანელი მკვლევრების მიხედვით, კეთილთვისებიანი დაავადების გამოვლენის გზა კიბოს ალბათობის მაჩვენებელი შეიძლება იყოს, რაც რეგულარული მამოგრაფიული დაკვირვების მნიშვნელობას კვლავ უსვამს ხაზს. ბარსელონის Hospital del Mar Medical Research Institute-ის ეპიდემიოლოგიის ხელმძღვანელის Dr. Xavier Castells გუნდის შედეგები მე-12 ევროპულ ძუძუს კიბოს კონფერენციაზე წარმოადგინეს.
პირველ სკრინინგზე გამოვლენილი კეთილთვისებიანი დაავადება „prevalent“, არსებული/გავრცელებული ფორმაა, შემდგომზე გამოვლენილი კი „incident“, ახალი შემთხვევაა.
სხვა მკვლევარმა Dr. Marta Román, კონფერენციაზე თქვა: „შედეგებით მეორე სკრინინგიდან დიაგნოსტირებული ქალები მნიშვნელოვნად უფრო მაღალი რისკის არიან, ვიდრე პირველ მამოგრაფიაზე კეთილთვისებიანი დაავადების მქონენი."
600 ათასი ქალის კვლევის დეტალები
- მკვლევრებმა 1995-2015 წლებში 2.327.384 მამოგრაფიის მქონე 629.087 ქალის მონაცემები გააანალიზეს და 2017 წლამდე აკვირდებოდნენ.
- კეთილთვისებიანი დაავადების მქონეებში არმქონეებთან შედარებით 2.67-ჯერ მეტი რისკი აღმოაჩინეს. პირველ მამოგრაფიაზე გამოვლენილებში რისკი 1.87-ჯერ იყო. ანუ შემდგომ მამოგრაფიაზე გაჩენისა და გავრცელების ზრდისას რისკიც იზრდება.
- ასევე სადინარის უჯრედებში ჰიპერპლაზიის მსგავსი ცვლილებების არსებობით კეთილთვისებიანი დაავადება პროლიფერაციულ ანუ სწრაფად მზარდ და არაპროლიფერაციულ სახეებად დაყვეს. პროლიფერაციულის მქონეებში არმქონეებთან შედარებით 3.28-ჯერ გაზრდილი ძუძუს კიბოს რისკი ჰქონდათ, ხოლო არაპროლიფერაციული კეთილთვისებიანი დაავადების მქონე ქალებს 1.96-ჯერ მომატებული რისკი აღმოაჩნდათ.
Dr. Román: „ყველაზე მაღალი რისკი ახლად გამოვლენილ, პროლიფერაციულ კეთილთვისებიან დაავადებაში ვნახეთ. არმქონეებთან შედარებით თითქმის 4-ჯერ მაღალი იყო.“ — განაცხადა მან.
უკეთ გასაგებად მაგალითი:
კეთილთვისებიანი კვანძებისას კიბოს რისკი არმქონეებზე მეტია, ეს უდავოა. თუმცა თავიდანვე არსებული და მოგვიანებით სწრაფად გაჩენილი კვანძები განსხვავდება. თუ პირველ მამოგრაფიაზე არ ჩანდა, შემდეგ კი ჩნდება, ეს სწრაფად მზარდ წარმონაქმნებზე მიანიშნებს და ავთვისებიანი ზრდის რისკსაც ზრდის.
კომენტარები შედეგებზე
მკვლევრებს იმედი აქვთ, რომ შედეგები ეფექტიანობის გასაზრდელად პერსონალიზებული სკრინინგის სტრატეგიების შემუშავებას დაეხმარება.
მამოგრაფიის სარგებლის ალბათობა სიცოცხლის განმავლობაში კლინიკურად მნიშვნელოვანი კიბოს რისკზეა დამოკიდებული. ასაკის გარდა ინდივიდუალური ფაქტორების გათვალისწინებამ ქალები განსხვავებული რისკის ჯგუფებად უნდა დაყოს. არსებული „ყველასთვის ერთი ზომის“ მიდგომის ნაცვლად პერსონალიზებულ რისკზე დაფუძნებულმა სკრინინგმა ეფექტიანობა შეიძლება გაზარდოს. სხვა ფაქტორებთან ერთად კეთილთვისებიანი დაავადების ინფორმაცია გარკვეულ პერიოდში კიბოს განვითარების პროგნოზირებას ეხმარება.
პირადი რისკით სხვადასხვა სტრატეგია შეიძლება: მამოგრაფია, ულტრაბგერა ან მაგნიტურ-რეზონანსული გამოსახულებით ინტერვალის შეცვლა: ყოველ 6 თვეში, ყოველწლიურად ან ყოველ 2 წელიწადში სკრინინგი.
შედეგები ექიმებს განსხვავებული რისკების გაგებასა და პროგნოზის სიზუსტის გაუმჯობესებას დაეხმარება.
- შესაძლოა დაგაინტერესოთ: ძუძუს კიბო ახალგაზრდა გოგონებში და კეთილთვისებიანი კვანძები
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.