ატეზოლიზუმაბმა ფილტვის კიბოს სამკურნალოდ FDA-ის თანხმობა მიიღო

იმუნოთერაპიულმა წამალმა Atezolizumab-მა (Tecentriq) 18 ოქტომბერს 2016 წელს 4. სტადიის (მეტასტაზური) ფილტვის არაწვრილუჯრედოვანი კიბოს სამკურნალოდ FDA-ის თანხმობა მიიღო.

OAK-ისა და POPLAR-ის კლინიკური კვლევების შედეგებმა ახალი თაობის ამ იმუნურ თერაპიას FDA-ის თანხმობა მოუტანა.

OAK კვლევაში ჩაერთვნენ ადრე ფილტვის კიბოსსტანდარტული მკურნალობის, პლატინაზე დაფუძნებული ქიმიოთერაპიის მიმღები და პროგრესირების მქონე 3. ან 4. სტადიის ფილტვის არაწვრილუჯრედოვანი კიბოს პაციენტები. მათ ნაწილს იმუნოთერაპიული წამალი Atezolizumab, ნაწილს კი დოცეტაქსელის ქიმიოთერაპია მიეცა. დოცეტაქსელთან შედარებით Atezolizumab-მა სიცოცხლე საშუალოდ 4 თვით გაზარდა (13,8 თვე 9,6 თვის წინააღმდეგ).

PD-L1 უჯრედის ზედაპირული ცილაა, რომელიც იმუნურ სისტემას აჩუმებს. Atezilozumab კი PD-L1 ცილის სამიზნე წამალია; PD-L1-ს უკავშირდება და მის მიერ იმუნური უჯრედების გაჩუმებას აფერხებს. ამგვარად თავდაცვის სისტემის კიბოს წინააღმდეგ გააქტიურებას ასტიმულირებს.

PD-L1 ზედაპირული ცილა (ლიგანდი) გვხვდება როგორც სიმსივნის, ისე ზოგი იმუნური უჯრედის ზედაპირზე (მაგალითად დენდრიტული უჯრედი). სპეციფიკურ რეცეპტორებთან, PD-1-სა და B7-თან დაკავშირებით იმუნურ უჯრედებს პასიურ მდგომარეობაში გადაჰყავს. ახალი თაობის იმუნოთერაპიული წამლები, მაგალითად Atezolizumab, ამ გამაჩუმებელი მოლეკულების შეფერხებით კიბოს წინააღმდეგ იმუნურ სისტემას ააქტიურებს.

თუმცა ფილტვის კიბოს მეორე ხაზში გამოცდისას ეს წამალი ეფექტიანი იყო PD-L1-ის დონის მიუხედავად, რომელიც სიმსივნური უჯრედების ზედაპირზე განსხვავებული სიმჭიდროვით გვხვდება და სპეციალური პათოლოგიური იმუნოჰისტოქიმიური მეთოდებით იზომება. ანუ Atezolizumab-ის გამოყენებისთვის იმუნური მკურნალობის ბიომარკერად მიჩნეული PD-L1-ის დადებითობა აუცილებელი არ არის.

- დაკავშირებული თემა: Atezolizumab-ს ადრე შარდის ბუშტის კიბოს სამკურნალოდაც ჰქონდა FDA-ის თანხმობა.

ფილტვის არაწვრილუჯრედოვანი კიბოს მეორე ხაზისთვის FDA-ის მიერ დამტკიცებულ წამალს ჩვენს ქვეყანაში გამოყენების თანხმობა ჯერ არ მიუღია. კლინიკური კვლევებით ეფექტიანობის მტკიცებულების მატებისას მომავალში აქაც დამტკიცება მოსალოდნელია. ჩვენს ქვეყანაში დამტკიცებული ახალი კიბოს წამლების შესახებ ცნობებს ჩვენს ვებგვერდზეც შეგიძლიათ ადევნოთ თვალი.