ექსტრა ვირჯინ ზეითუნის ზეთი მეხსიერებას აძლიერებს და ალცჰაიმერისგან იცავს

აღმოჩნდა, რომ ხმელთაშუაზღვის სამზარეულოს მნიშვნელოვანი ნაწილი, ზეითუნის ზეთი, ალცჰაიმერსა და ტვინის ფუნქციის შენელებასაც ეხმარება.

ხმელთაშუაზღვის დიეტის ბოსტნეულზე დაფუძნებისა და ზეითუნის ზეთის ხშირი გამოყენების მრავალი სარგებელი უკვე ცნობილი იყო. ამ ახალი კვლევით მკვლევრებმა აღმოაჩინეს მეხსიერებისა და სწავლის გაუმჯობესება, აგრეთვე ალცჰაიმერის გამომწვევი ამილოიდ-ბეტა ფოლაქებისა და ნეიროფიბრილური გორგლების შემცირება [ნეიროფიბრილური გორგლები (neurofibrillary tangles - NFTs) ალცჰაიმერის მთავარი ბიომარკერია და ჰიპერფოსფორილირებული ტაუს ცილის დაგროვებაა).

რა არის ალცჰაიმერის დაავადება?

ალცჰაიმერი ქრონიკული ნეიროდეგენერაციული დაავადებაა, რომელიც სავარაუდოდ მსოფლიოში 46 მილიონ ადამიანს ეხება. დემენციის ყველაზე ხშირი მიზეზია. მკურნალობა მხოლოდ სიმპტომებს ამსუბუქებს; მიზეზზე მოქმედი დამაკმაყოფილებელი თერაპია ჯერ არ არსებობს, ამიტომ კვლევების უმეტესობა პრევენციას ეხება. ნიშნებია გონებრივი დარღვევები, პიროვნების ცვლილება, გულმავიწყობა და მეხსიერების პროგრესული კლება.

კვლევა

კიდევ მნიშვნელოვანი აღმოჩენაა, რომ ზეითუნის ზეთი ტვინში ანთების წარმოქმნას ამცირებს და აუტოფაგიას , ანუ დაზიანებული უჯრედული სტრუქტურების მოცილებას, ააქტიურებს.

ექსპერიმენტი თაგვებში ჩატარდა; ისინი 2 ჯგუფად გაყვეს. 1. ჯგუფის ჩვეულებრივ საკვებს ექსტრა ვირჯინ ზეითუნის ზეთი დაუმატეს, 2. ჯგუფს კი დანამატი არ მიუღია. 9. და 12. თვეების შეფასებით ზეთის ჯგუფის მეხსიერება და სწავლა გაუმჯობესდა, საკონტროლოში კი ცვლილება არ იყო.

შედეგად, ხმელთაშუაზღვის დიეტის შეუცვლელი ზეითუნის ზეთის მიერ აუტოფაგიის გააქტიურებით ალცჰაიმერის დაწყების გამომწვევი ამილოიდისა და ფოსფორილირებული ტაუს დაგროვების შემცირება იმედისმომცემი და ამაღელვებელია. მკვლევრები შემდეგ რეგულარული მოხმარებით დაავადების პრევენციისა თუ შეჩერების შესაძლებლობას შეისწავლიან. ზეთი სამზარეულოში იქონიეთ და სალათში, მისაყოლებელში, კერძსა და საუზმეში ჯანსაღად გამოიყენეთ.