FDA-მ ფოლიკულური ლიმფომის, დიფუზური მსხვილი B-უჯრედული ლიმფომისა და ქრონიკული ლიმფოციტური ლეიკემიისთვის რიტუქსიმაბისა და ადამიანის ჰიალურონიდაზის კომბინაცია დაამტკიცა
ამ სტატიაში
22 ივნისს, 2017 წელს, აშშ-ის სურსათისა და წამლის სააგენტომ FDA ფოლიკულური ლიმფომის, დიფუზური მსხვილი B-უჯრედული ლიმფომისა და ქრონიკული ლიმფოციტური ლეიკემიის მქონე ზრდასრულებში რიტუქსიმაბისა და ადამიანის ჰიალურონიდაზის კომბინაცია (Rituxan Hycela) დაამტკიცა.
საათობით ინტრავენური ინფუზიის ნაცვლად კანქვეშ შეყვანით პროცედურა 5-დან 7 წუთამდე მცირდება. ახალი პროდუქტი ფიქსირებულ დოზირებასაც უზრუნველყოფს.
კომბინაციის დამტკიცებული ჩვენებებია:
- რეციდივირებული ან რეზისტენტული ფოლიკულური ლიმფომა — ცალკე,
- ადრე უმკურნალებელი ფოლიკულური ლიმფომა — პირველი ხაზის ქიმიოთერაპიასთან, ხოლო წინა რიტუქსიმაბ-ქიმიოთერაპიაზე სრული ან ნაწილობრივი პასუხისას — ცალკე შემანარჩუნებლად,
- პირველი ხაზის ციკლოფოსფამიდის, ვინკრისტინისა და პრედნიზონის (CVP) შემდეგ სტაბილური ფოლიკულური ლიმფომა — ცალკე,
- უმკურნალებელი დიფუზური მსხვილი B-უჯრედული ლიმფომა — ციკლოფოსფამიდთან, დოქსორუბიცინთან, ვინკრისტინთან, პრედნიზოლონთან (CHOP) ან სხვა ანტრაციკლინურ ქიმიოთერაპიასთან,
- ადრე უმკურნალებელი ან ნამკურნალები ქრონიკული ლიმფოციტური ლეიკემია — ფლუდარაბინსა და ციკლოფოსფამიდთან. კომბინაცია ავთვისებიანი დაავადებების გარდა სხვა მდგომარეობებისთვის ნაჩვენები არ არის.
შესაძლოა დაგაინტერესოთ:
დამტკიცება რამდენიმე რანდომიზებულ კლინიკურ კვლევას ეფუძნება:
- რიტუქსიმაბი/ადამიანის ჰიალურონიდაზა არანაკლებ 1,400 mg/23,400 ერთეულის კონცენტრაციით შეადარეს ინტრავენურ 375 mg/m2 რიტუქსიმაბს,
- რიტუქსიმაბი/ადამიანის ჰიალურონიდაზა არანაკლებ 1,600 mg/26,800 ერთეულის კონცენტრაციით შეადარეს ინტრავენურ 500 mg/m2 რიტუქსიმაბს,
- ორი პროდუქტის ეფექტიანობა და უსაფრთხოება შედარებადი იყო.
ფოლიკულურ ლიმფომაში ყველაზე ხშირი გვერდითი მოვლენებია (≥% 20) ინფექცია, ცხელებიანი ლეიკოციტების კლება (ნეიტროპენია), გულისრევა, ყაბზობა , ხველა და დაღლილობა. დიფუზურ მსხვილ B-უჯრედულ ლიმფომაში ხშირია (≥% 20) ინფექცია, ცხელებიანი ნეიტროპენია, თმის ცვენა, გულისრევა და ანემია. ქრონიკულ ლიმფოციტურ ლეიკემიაში ხშირია (≥% 20) ინფექცია, ცხელებიანი ნეიტროპენია, გულისრევა, თრომბოციტების კლება (თრომბოციტოპენია), სიცხე, ღებინება და ინექციის ადგილზე სისხლის დაგროვება (ერითემა).
ფოლიკულური და დიფუზური მსხვილი B-უჯრედული ლიმფომისთვის დოზაა 1400 mg rituximab და 23,400 ერთეული ადამიანის ჰიალურონიდაზა; ქრონიკული ლიმფოციტური ლეიკემიისთვის 1600 mg rituximab და 26.800 ერთეული ჰიალურონიდაზა. კომბინაცია იწყება მას შემდეგ, რაც პაციენტი სულ მცირე ერთ სრულ ინტრავენურ რიტუქსიმაბის დოზას მიიღებს.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.