ჰომეოპათიის (განზავებული მედიცინის) სპეციალისტები დააკავეს - გაირკვა, რომ მათი კვლევები ყალბი იყო

სამეცნიერო ჟურნალში გამოქვეყნებული სტატია, რომელიც კიბოს ჰომეოპათიური მკურნალობის წარმატებას ამტკიცებდა, უკან გაიწვიეს უცნაური მოვლენების სერიის შემდეგ, მათ შორის ორი მთავარი ავტორის დაკავების შემდეგ.

ჰომეოპათია, მსგავსი მსგავსს კურნავს პრინციპზე დაფუძნებული ალტერნატიული მედიცინის მეთოდია, რომელიც თითქმის ათიათასჯერ განზავებული ჰომეოპათიური პროდუქტებით ხორციელდება. მიუხედავად იმისა, რომ მტკიცებულების ერთ-ერთი ყველაზე სუსტი დონის ალტერნატიული მკურნალობაა, წყლის მეხსიერების მტკიცებით კვლავ პოპულარული გახდა. ცხოველური, მცენარეული ან მინერალური კომპონენტები ათასობით განზავების შემდეგ ჰომეოპათიურ პროდუქტად შეიძლება გამოიყენონ. ხშირად არჩეული ერთ-ერთი ასეთი პროდუქტია ქეცის პარაზიტით კანზე გამოწვეული დაზიანებიდან მიღებული სითხე.

-დაკავშირებული თემა: რა არის ჰომეოპათია? აქვს ადგილი კიბოს მკურნალობაში? (დეტალურად)

მტკიცებულებებზე დაფუძნებული დამატებითი და ალტერნატიული მედიცინა (Evidence-Based Complementary and Alternative Medicine) ჟურნალში გამოქვეყნებული სტატია, მკითხველთა შეშფოთებისა და ოფიციალური გამოძიების შემდეგ, თებერვლის ბოლოს უკან გაიწვიეს.

სტატიის თემა იყო ფსორინუმით მკურნალობისდა მისი გამოყენება კუჭის, ნაღვლის ბუშტის, პანკრეასისა და ღვიძლის კიბოების მკურნალობაში. ფსორინუმი ჰომეოპათების უცნაური ფავორიტია, ქეცის მიკრობის მიერ კანზე წარმოქმნილი ჭრილობებიდან/დაზიანებებიდან დამზადებული ნივთიერების სახით აღწერილი.

ჰომეოპათები ფსორინუმის ამ მკურნალობას - განკურნების მტკიცებულების არარსებობის მიუხედავად - ფსორიაზის, კუჭის წყლულისა და უძილობის სამკურნალოდ ცდიან. თუმცა აქამდე კიბოს განკურნების მტკიცება იშვიათად გვხვდებოდა.

უკან გაწვეულ სტატიაში მთავარი ავტორები მამა და შვილი შვილი არადიპ და აშიმ ჩატერჯი იყვნენ. ამ ორმა ადამიანმა კიბოს პაციენტებში ჰომეოპათიური მკურნალობების გამოსაცდელად 2001 წელს კლინიკა დააარსა და ქეცის სითხეს სხვა ჰომეოპათიურ ნივთიერებებთან ერთად, ჩვეულებრივი კიბოს წამლების სრულიად გამოუყენებლად აძლევდა.

მათი ცდების კლინიკური კვლევის ეთიკისა და წესებისგან სრული დაშორება კრიტიკის მიზეზი გახდა, თუნდაც ის, რომ არ არსებობდა სტანდარტული მკურნალობის მიმღები საკონტროლო ან პლაცებოს ჯგუფი, რომელთანაც საკუთარ პრაქტიკას შეადარებდნენ.

რა თქმა უნდა, მათ კვლევაში ეს ერთადერთი უცნაურობა არ იყო. ინდოეთისკოლკატის რეგიონში მომხდარ ამ შემთხვევაში, ჩატერჯების კლინიკებმა, მიუხედავად 2001 წელს ინდოეთის კრიტიკული კიბოს მართვის კვლევითი ცენტრისგან მიღებული ნებართვისა, კარი პირველად 2008 წელს გახსნა.

არადიპ ჩატერჯი ივნისში 2017-ში, მამა კი აგვისტოში 2017-ში შესაფერისი კვალიფიკაციის გარეშე სამედიცინო საქმიანობისთვის დააკავეს.

სტატიის დანარჩენი ოთხი ავტორიდან სამმა განაცხადა, რომ სინამდვილეში თვითონაც არ ეთანხმებოდა შედეგებს, მეოთხემ კი კითხვებს არ უპასუხა.

ასევე დაუკავშირდნენ სხვა ჟურნალებს, სადაც ჩატერჯების სტატიები გამოქვეყნდა, რედაქტორები იკვლევენ; ერთ-ერთი მათგანია Journal of Clinical Oncology.

სამწუხაროდ, მიუხედავად ამ მოვლენებისა, რომლებიც როგორც ჩატერჯების ე.წ. კვლევების, ისე მათი საკუთარი სანდო მტკიცებულების არქონას აჩვენებს, ბევრი ჰომეოპათი ფსორინუმითა და სხვა მათ მიერ დამზადებული განზავებული ელექსირებით კიბოს მკურნალობის მტკიცებას განაგრძობს. გთხოვთ, ბოლოს და ბოლოს დავასრულოთ ეს ალტერნატიული მოტყუებები.

ქვემოთ, სტატიის უკან გაწვევისშესახებ Evidence-Based Complementary and Alternative Medicine სახელწოდების ჟურნალის გაფრთხილებას იხილავთ:

დაკავშირებული თემა:

- ყველა დროის ყველაზე პოპულარული 10 ალტერნატიული მკურნალობა