Homeopatiya (durulaşdırılmış tibb) mütəxəssisləri həbs edildi - Tədqiqatlarının saxta olduğu aydınlaşdı

Xərçəng üçün homeopatik müalicənin uğurlu olduğunu iddia edən və elmi jurnalda nəşr edilmiş məqalə iki əsas müəllifinin həbsi də daxil olmaqla bir sıra qəribə hadisələrdən sonra geri götürüldü.

Homeopatiya, bənzər bənzəri sağaldır prinsipinə əsaslanan və demək olar ki, on minlərlə dəfə durulaşdırılan homeopatik məhsullarla tətbiq edilən alternativ tibb üsuludur. Sübut səviyyəsi ən zəif alternativ müalicələrdən olsa da, suyun yaddaşı olduğu iddiası ilə yenidən populyarlaşıb. Heyvan, bitki və ya mineral komponentləri minlərlə dəfə durulaşdırılaraq homeopatik məhsul kimi istifadə edilə bilər. Tez-tez seçilən bu məhsullardan biri də qoturluq parazitinin dəridə yaratdığı zədədən əldə edilən mayedir.

-Əlaqəli mövzu: Homeopatiya nədir? Xərçəng müalicəsində yeri varmı? (ətraflı)

Sübuta əsaslanan tamamlayıcı və alternativ tibb (Evidence-Based Complementary and Alternative Medicine) jurnalında nəşr edilmiş məqalə oxucuların narahatlıqlarını bildirməsindən sonra rəsmi araşdırma nəticəsində fevralın sonlarında geri götürüldü.

Məqalənin mövzusu psorinum müalicəsinin mədə, öd kisəsi, mədəaltı vəzi və qaraciyər xərçənglərinin müalicəsində istifadəsi idi. Psorinum homeopatların qəribə sevimlisidir, qoturluq mikrobunun dəridə yaratdığı yara/törəmələrdən hazırlanmış maddə kimi təsvir edilmişdir.

Bu psorinum müalicəsi homeopatlar tərəfindən – sağaldıcı sübutu olmadığı halda – psoriaz, mədə xorası və yuxusuzluğun müalicəsində sınanır. Lakin indiyə qədər xərçəngi müalicə etməsi iddiası çox görülməmişdi.

Geri götürülən məqalənin əsas müəllifləri ata-oğul Aradeep və Ashim Chatterjee idi. Bu iki şəxs xərçəng xəstələrində homeopatik müalicələri sınamaq üçün 2001 ilində klinika qurdu və qoturluq mayesini digər homeopatik maddələrlə birlikdə, ənənəvi xərçəng dərmanları tamamilə olmadan tətbiq etdi.

Sınaqlarının klinik tədqiqat etikası və qaydalarından tamamilə məhrum olması tənqidlərə səbəb oldu; ən sadə nümunə tətbiqlərini müqayisə edəcəkləri standart xərçəng müalicəsi alan nəzarət və ya plasebo qrupunun olmamasıdır.

Əlbəttə, tədqiqatlarındakı yeganə qəribəlik bu deyildi. Hindistanın Kolkata bölgəsindəki bu hadisədə Chatterjeelərin klinikası 2001 ilində Hindistan Kritik Xərçəng İdarəetmə Araşdırma Mərkəzindən təsdiq alsa da, qapılarını ilk dəfə 2008 ilində açdı.

Aradeep Chatterjee İyun 2017 tarixində, atası isə Avqust 2017 tarixində uyğun ixtisaslara malik olmadan tibbi fəaliyyətlə məşğul olduqları üçün həbs edildi.

Məqalənin digər dörd müəllifindən üçü əslində nəticələri özlərinin də qəbul etmədiyini söylədi, dördüncü müəllif isə suallara cavab vermədi.

Həmçinin Chatterjeelərin məqalələrinin nəşr olunduğu digər jurnallarla da əlaqə saxlanıldı, redaktorlar araşdırırlar; bu jurnallardan biri Journal of Clinical Oncology-dir.

Təəssüf ki, Chatterjeelərin həm saxta araşdırmalarının, həm də özlərinin etibarlı sübut təqdim etmədiyini göstərən bu hadisələrə baxmayaraq, bir çox homeopat psorinum və hazırladıqları digər durulaşdırılmış iksirlərlə xərçəngi müalicə etdikləri iddialarını davam etdirirlər. Xahiş edirik, artıq bu alternativ aldanışlara son verək.

Aşağıda, məqalənin geri götürüldüyünə dair Evidence-Based Complementary and Alternative Medicine adlı jurnalın xəbərdarlığını görə bilərsiniz:

Əlaqəli mövzu:

- Bütün dövrlərin ən populyar 10 alternativ müalicəsi