ყველა დროის 10 ყველაზე პოპულარული ალტერნატიული მკურნალობა

• Turmeric (კურკუმა) – კურკუმის ინგლისური სახელია Turmeric, აქტიურ ნივთიერებას კი კურკუმინი ეწოდება. იყიდება სასწაულ სანელებლად, რომელსაც კიბოდან სპორტულ ტრავმამდე ყველაფრის მკურნალობა შეუძლია. კიბოში კურკუმინის არაეფექტიანობის ისტორიას კურკუმა (კურკუმინი) და კიბო სტატიაში წაიკითხავთ.
• ჰომეოპათია – მტკიცებების მხრივ ერთ-ერთი ყველაზე სუსტი ალტერნატიული მკურნალობაა. 200 წლის წინ აღმოჩენის მიუხედავად წყლის მეხსიერების აღმოჩენით ისევ პოპულარული გახდა. ჰომეოპათია, მსგავსი მსგავსს კურნავს პრინციპს ეფუძნება; მრავალჯერ განზავებული პრეპარატები გამოიყენება ავადმყოფებში იმ ნიშნებით, რომლებსაც ჯანმრთელებში წარმოქმნის. ერთ მხარეს მაღალი დოზის ვიტამინები და კურკუმინი, მეორეზე ათასჯერ განზავებული ფიტოთერაპია; ალტერნატიული მედიცინა იდეალს ვერ პოულობს…

- დაკავშირებული თემა: ჰომეოპათიის გამო ბავშვი დაიღუპა

• ქილებით თერაპია – რეკორდსმენი მოცურავის მაიკლ ფელპსის წყალობით მსოფლიოში გაცნობის მიუხედავად, ძალიან ძველი ისტორია აქვს. ფიზიოთერაპიის საშუალებად გამოიცდება. კიბოზე პრეტენზია არ აქვს, ამიტომ დეტალებს არ შევეხებით.
• არომათერაპია – სასიამოვნო სურნელები ნერვების დამშვიდებას შეიძლება დაეხმაროს. მასაჟის თერაპიის კარგი შემავსებელია.
• დეტოქსი – შეიძლება ვთქვათ, რომ მხოლოდ სახელიც საკმარისია გასაყიდად. ამტკიცებს, რომ სხეულს მძიმე მეტალებისგან წმენდს. ასობით, შესაძლოა ათასობით მეთოდის გამო „დეტოქსის“ ქვეშ მოქცეული მეთოდების სამედიცინო ეფექტის გაზომვა თითქმის შეუძლებელია. დღეს ის უფრო კეთილდღეობის მომსახურებაა, ვიდრე ჯანმრთელობის პრეტენზია.
• ყავის ოყნები – „მომხრეები“, რომლებიც ვაქცინებსა და მეცნიერებისა და ტექნოლოგიის თითქმის ყველა პროდუქტს აუტიზმის მიზეზად მიიჩნევენ, ამტკიცებენ, რომ ყავის ოყნით აუტიზმის მკურნალობა შეიძლება.

- დაკავშირებული თემა: აუტიზმი: ვაქცინები, სპეციალური დიეტები და კიბოსთან კავშირი

• შავი მალამო – ისტორიაში ამ სახელით მრავალი ნარევი გამოიყენებოდა. ჩვენთან შესაბამისია იხტიოლის მალამო. იხტიოლი ნედლი ნავთობის გოგირდმჟავით დამუშავებული და წყალში ხსნადი ფორმაა. გამოიცდება ეგზემასა და კანქვეშა აბსცესებში, ხალხში ძირმაგარებად ცნობილში. მსოფლიოში დღემდე არის რეგიონები, სადაც ზედაპირულ სიმსივნეებს შავი მალამოთი მკურნალობენ. ზოგი ქიმიური თვისებებით ჭრილობებს წვავს და მოწვავს. დიდი ტკივილის მიუხედავად ძალიან მცირე სარგებელი…
• პალეო დიეტა – ქვის ხანის დიეტადაც ცნობილი კვება ამერიკის დამატებითი და ალტერნატიული მედიცინის საზოგადოების მიხედვით საუკეთესო აღმოჩენილი დიეტაა. თუმცა სამეცნიერო მტკიცებულებები საპირისპიროს ამბობს; ის მსოფლიოს ყველაზე ჯანსაღი დიეტების სიის ბოლოშია.

- დაკავშირებული თემა: გამოცხადდა მსოფლიოს საუკეთესო დიეტებისა და კვების პროგრამების სია

• ქიროპრაქტიკული მანიპულაცია – გასაკვირი არ არის, რომ ქიროთერაპიული მანიპულაცია ყველა დამატებითი და ალტერნატიული მკურნალობის ერთ-ერთი საუკეთესო და მომგებიანია. ქიროპრაქტიკა (ბერძნული chiro ხელი + praktikós შესრულებული), ნერვული სისტემის მოსაწესრიგებლად ხერხემალზე, ძვლებსა და კუნთებზე ჩარევაა. ბოლო დროს სულ უფრო მეტი მშობელი ქიროპრაქტიკოსს ახალშობილის ხერხემლის მანიპულირების უფლებას აძლევს. განსაკუთრებით ჩვილებში სიფრთხილის გარეშე მძიმე შედეგები აშკარად მოსალოდნელია.
• კანაფი – ყველა ცნობილი დაავადების მკურნალი სასწაულებრივი (?) მცენარე ბევრ ქვეყანაში აკრძალულია ან სახელმწიფოს კონტროლით იწარმოება. მომხრეებით, თუ კიბოს პაციენტი გასაჯანსაღებლად იყენებს და მაინც იღუპება, სავარაუდო მიზეზია დაგვიანებული დაწყება, სხვა კონვენციური თერაპია ან არასწორი მცენარის გამოყენება.

- დაკავშირებული თემა: შეიძლება კანაფის სამედიცინო გამოყენება? რა პოტენციური რისკები და სარგებელი აქვს?

მსოფლიოში დამატებითი და ალტერნატიული მკურნალობის ავტორიტეტად მიჩნეულმა პროფესორმა დოქტორმა ედცარდ ერნსტმა მხოლოდ გასართობად და დასაფიქრებლად ამ სიას სატირულად შემდეგი დაამატა.

• ბახის ყვავილების წამლები – მოცარტის შოკოლადის ბურთულებივით კარგი არ არის.
• კრანიოსაკრალური თერაპია – ტვინში გაელვება კარგ ანაზღაურებასთან ერთად. - გერსონის დიეტა – ყავით ტკბობის ალტერნატიული გზა.
• შარდით მკურნალობა – საკუთარი წამლის დამზადება აფთიაქში ფულის ხარჯვას აგარიდებთ.
• B17 ვიტამინი – გარგარი ძალიან კარგია, მცირე გემრიელ გადახვევად ღირს.
• ქელაციური თერაპია – სისხლიდან კალციუმს იღებენ, რათა შემდეგ კალციუმის დანამატი მიიღოთ.
• კოლოიდური ვერცხლი – ნუ მოტყუვდებით, ოქრო ყოველთვის უკეთესია.
• გუა შა – ტკივილის გარეშე მოგება არ არის (შემსრულებლებისთვის).
• გახდომის დანამატები – თქვენი საფულის შემსუბუქება გარანტირებულია.
• ნატუროპათია – „ბუნებრივი = კარგი“ შეცდომის წარმატებულ ვაჭრობად ქცევის ხელოვნება.
• ფითრი – საშობაოდ მოსალოდნელი ღირებული რამაა.

სიაში ათეულობით მკურნალობა შეიძლება დაემატოს. შესაძლოა უფრო მნიშვნელოვანი საკითხი განსახილველია: კიბოში დამატებითი და ალტერნატიული მკურნალობის საჭიროების განცდის მიზეზები