ჰომეოპათიის გამო ბავშვი გარდაიცვალა

ქვემოთ მოცემული ტექსტი ნათარგმნია „ტრადიციული, დამატებითი და ალტერნატიული მკურნალობების“ მსოფლიოში წამყვანი წარმომადგენლის პროფესორი დოქტორი Edzard Ernst-ის 8 ივნისს, 2019 წელს ონლაინ გამოქვეყნებული სტატიიდან 'Another child has died because of homeopathy'.

"ჰომეოპათია უვნებელია; ბოლოს და ბოლოს ჩვეულებრივი ჰომეოპათიური წამალი მოქმედ ნივთიერებას არ შეიცავს!“ მსგავს მტკიცებებს ხშირად შეიძლება შეხვდეთ. სამწუხაროდ, ისინი სწორი არ არის. ჰომეოპათიური ხსნარები უმეტესად (თუმცა განზავების სიძლიერისა და ხარისხის სათანადო კონტროლის მიხედვით სრულად არა) შეიძლება ურისკო იყოს, მაგრამ ჰომეოპათიას პაციენტების მოკვლა შეუძლია. რისკის დამადასტურებელი სიკვდილის შემთხვევების პირქუში სია არსებობს. აი კიდევ ერთი მაგალითი:

• მხოლოდ ჰომეოპათიით ოტიტის (ყურის ანთების) მკურნალობის გადაწყვეტილების შემდეგ გარდაცვლილი შვიდი წლის ბავშვის მშობლები გაუფრთხილებლობით სიკვდილის გამოწვევისთვის დამნაშავედ ცნეს (წყარო 1).
• იტალიის Cagli di Pesaro-ში Francesco 27 მაისს, 2017 წელს, ორმხრივი ბაქტერიული ოტიტით გარდაიცვალა.
• ოჯახი სიკვდილზე პასუხისმგებლად მიიჩნიეს და სამი თვით თავისუფლების აღკვეთა მიუსაჯეს.
• მშობლებს შვილის მოვლა Pesaro-ში ჰომეოპათ ექიმ Massimiliano Mecozzi-სთვის ჰქონდათ მინდობილი, რომლის სასამართლოც 24 სექტემბერს გაიმართებოდა.
• სასამართლომ აღნიშნა, რომ პაციენტის გადამრჩენი ანტიბიოტიკების ნაცვლად ჰომეოპათმა ჰომეოპათიური პროდუქტები ურჩია.
• Francesco გარდაიცვალა ოტიტის ენცეფალიტად ქცევის შემდეგ (ყურის ანთების ტვინში გავრცელება).

სხვა სტატია საქმის რამდენიმე დამატებით დეტალს გვთავაზობს:

Francesco-ს შუა ყურის ანთება ჰქონდა. 55 წლის ექიმი Massimiliano Mecozzi მას ჰომეოპათიური წამლებით მკურნალობდა. რამდენიმე დღის შემდეგ საავადმყოფოში მიყვანისას უკვე გვიანი იყო და მალე გარდაიცვალა. „Corriere della Sera“-ს მიხედვით მშობლებმა სამი წლის ასაკიდან ანტიბიოტიკების არმიცემა გადაწყვიტეს. დაავადება ძლიერი გაციებითა და ცხელებით დაიწყო; ექიმი Mecozzi, რომელიც მშობლებს კლინიკაში ბავშვის მიყვანისკენ უბიძგებდა, ხშირად სტუმრობდა. ბაბუა Maurizio-ს განცხადებით: „ის აშინებდა მათ, რომ ექიმები ბავშვის დამაყრუებელ ან ღვიძლის დამაზიანებელ წამლებს მისცემდნენ. დაჰპირდა, რომ Francesco მალე გამოჯანმრთელდებოდა.“

თუმცა მომდევნო დღეებში მდგომარეობა გაუარესდა და ინფექცია ტვინში გავრცელდა. გადაუდებელ განყოფილებაში მიყვანისას ანთებითი აბსცესი უკვე არსებობდა. Francesco სასწრაფო ოპერაციისთვის Ancona-ს საავადმყოფოში გადაიყვანეს. ამ ეტაპზე ინტენსიურმა ანტიბიოტიკებმაც ვერ უშველა და ბავშვი გარდაიცვალა.

„Corriere“-ს მიხედვით ექიმს საეჭვო კარიერა ჰქონდა: სამედიცინო ასოციაციიდან დროებით გარიცხვის შემდეგ სუპერმარკეტშიც და მოხალისე გარემოსდამცველადაც მუშაობდა. შემდეგ Varese-ს რელიგიურ თემს დაუკავშირდა, რომლის დამფუძნებლებს თაღლითობაში ადანაშაულებდნენ. Pesaro-ში მის ჰომეოპათიურ საქმიანობაზე კითხვისას Mecozzi-მ „ამის თქვენთვის მოყოლა არ მაინტერესებს“, თქვა.

დაკავშირებული თემები:

- კიბოს ყალბი ამბების მატება პაციენტთა სიცოცხლეს საფრთხეში აგდებს

- ჰომეოპათიის (განზავებული მედიცინის) სპეციალისტები დააკავეს — მათი კვლევები ყალბი აღმოჩნდა

ასეთი შემთხვევები ტრაგიკულია და იმედი მაქვს(?) იშვიათიც!

მიზეზი ჰომეოპათის უყურადღებობაა (საკმარისი სამედიცინო მოვლის არუზრუნველყოფა). ცხადია, ასეთი უყურადღებობა ყოველთვის სასიკვდილო არ უნდა იყოს. ვვარაუდობ, რომ ჰომეოპათიით სამედიცინო უყურადღებობის უფრო მსუბუქი ფორმები საკმაოდ ხშირია (ზუსტი რიცხვი არავინ იცის). შეიძლება ითქვას, რომ ჰომეოპათიური მკურნალობა სამ ურთიერთგადამფარავ კატეგორიაში შემავალ სამედიცინო უყურადღებობას მოიცავს:

1. უმეტესად ჰომეოპათიის გამოყენებას ხილული გვერდითი ეფექტი არა აქვს ან ძალიან მცირეა. მაგალითად, გაციების მსგავსი თვითშეზღუდვადი მდგომარეობისთვის წამლის დანიშვნისას პაციენტი მალე გამოჯანმრთელდება, რადგან დაავადება მსუბუქი და ისედაც დროებითია (ჩვეულებრივ ჰომეოპათიის ეფექტურობას ფიქრობს). თუმცა არსებობს უხილავი ზიანი — ხსნარის ხარჯი და ამ გამოცდილებით ყალბი მკურნალობისადმი გაჩენილი მცდარი ნდობა, რომელიც მოგვიანებით ძალიან საზიანო შეიძლება იყოს.
2. ხშირად უყურადღებობა პაციენტებს ზედმეტ ტანჯვას აყენებს, რადგან დაავადების ოპტიმალურად ეფექტური მკურნალობა ან გადადება ხდება. ბევრი ჰომეოპათი ამტკიცებს, რომ ასე ჩვეულებრივ არ არის, რადგან პარალელურად ტრადიციულ მკურნალობასაც ნიშნავს. თუმცა ეს რომ მართალიც იყოს, ისინი მაინც რესურსის ფლანგვის ზიანს მიაყენებენ. 
3. ზოგჯერ ჰომეოპათია ძალიან მძიმე ზიანს და, როგორც ზემოთ ჩანს, სიკვდილსაც იწვევს.

დაკავშირებული თემა: 

Steve Jobs და ათასობით სიცოცხლე ალტერნატიულ კიბოს მკურნალობას ეწირება!