სტივ ჯობსი და ათასობით სიცოცხლე ალტერნატიულ კიბოს მკურნალობას ეწირება!

ალტერნატიული მედიცინა მხოლოდ ჩვენს პაციენტებს არ აბნევს; მთელ მსოფლიოში, განვითარებულ ქვეყნებშიც განათლებულ და ცნობილ პაციენტთა ცხოვრებაზე მოქმედებს. გაგიზიარებთ ყველასთვის ნაცნობი ადამიანის გასაკვირ მოკლე ისტორიასა და კვლევას, რომელიც მომხმარებელთა სიცოცხლის უარყოფით შედეგს არმომხმარებლებს ადარებს.

Apple-ის თანადამფუძნებელს, სტივ ჯობსს, 31 ივლისს 2004 წელს პანკრეასის ენდოკრინული კიბოს ოპერაციის დროს დიაგნოზიდან 9 თვე ჰქონდა გასული. საკუთარი ხელით უარყო ადრეული დიაგნოზისა და მკურნალობის შანსი, სიცოცხლის მთავარი განმსაზღვრელი. ოქტომბერში 2003 წელს კიბო გაუვრცელებელი და ადვილად ოპერაბელური იყო. რა მოხდა? რატომ არ დათანხმდა ოპერაციას?

კიბოს დიაგნოზი დღემდე ერთ-ერთი ყველაზე შემაშინებელი რეალობაა. მდიდარსა თუ ღარიბს, განათლებულსა თუ არა, თითქმის ყველას პარალიზება, შოკი შეუძლია მოუტანოს. კიბოს მკურნალობაშიწლების გამტარებელ პროფესორად ვცდილობ საზოგადოება გავანათლო და მცდარ-დამახინჯებული ინფორმაციისგან დავიცვა.

ადამიანს მისტიკის, შინაგანი ძალისა და ყველა დაავადების დაძლევის რწმენა ახასიათებს. ყველა მდიდარი თუ ღარიბი ეძებს, სრულ განკურნებას, ანუ უკვდავებას. დიაგნოზის უმწეობაში ზოგჯერ შეფარულად, ზოგჯერ ღიად უკვდავებას ჰპირდებიან. ალტერნატიული მკურნალების ხშირი ფრაზებია, „კიბო დაავადება კი არა მეტაბოლური მდგომარეობაა“, „განკურნება ბუნებაშია“, „თქვენს ენერგიას ყველა დაავადების დაძლევა შეუძლია, ჩვენ მის გამოვლენას გასწავლით“ რაც ადამიანებს გონებას აკარგვინებს.

გასაკვირია, მაგრამ ჯობსიც, ინფორმაციის უდიდესი წვდომის მქონე, შეცდა. ექიმმა დაუყოვნებლივ ოპერაცია ურჩია, მან კი ალტერნატივით დაძლევა იფიქრა. ჯადოსნურ არარეალურ სამყაროში ჩაიძირა და ამერიკიდან ინდოეთამდე მისტიკურ განკურნებას ეძებდა. ჰომეოპათიის, აკუპუნქტურის, ენერგიისა და სხვა მეთოდების არამეცნიერული გამყიდველებისგან განკურნებას ელოდა. რეალობის გააზრებამ და თანამედროვე მედიცინაში დაბრუნებამ 9 თვე და ოქროს დრო დააკარგვინა. გვიან დაწყების მიუხედავად ოქტომბრამდე 2011 წელს, ანუ 8 წელი თანამედროვე მეთოდებით იცხოვრა და სამყაროს თავისი ხედვით მნიშვნელოვანი სიახლეები შესძინა.

ალტერნატივის არჩევა სიცოცხლეს ამოკლებს

თანამედროვე მკურნალობის ნაცვლად ალტერნატივის მაძიებელთა რაოდენობა იზრდება. აშშ-ში ბოლო 10 წელში განკურნებადი კიბოს მიუხედავად სტანდარტის უარმყოფელთა რაოდენობა 2.5-ჯერ გაიზარდა. ეს ოჯახებს ურთულებს მდგომარეობას. თანამედროვე მკურნალობის უდიდესი სარგებლის რწმენის მიუხედავად ალტერნატივის ეფექტიანობის კვლევა შეზღუდულია.

ბევრი ალტერნატივას თანამედროვე მკურნალობას უმატებს, მხოლოდ ალტერნატივის მომხმარებლებზე კი ცოტა რამ ვიცით. შედარებისა და სიცოცხლეზე გავლენისთვის ამერიკის ქირურგთა კოლეჯის კიბოს კომისიისა და კიბოს საზოგადოების პროექტის ეროვნული მონაცემების 840 ძუძუს, პროსტატის, ფილტვისა და კოლორექტალური პაციენტი შეისწავლეს. მონაცემები ქვეყნის დიაგნოზების დაახლოებით %70-ს წარმოადგენს. შეადარეს 560 თანამედროვე და 280 ალტერნატიულად ნამკურნალები.

Journal of the National Cancer Institute ჟურნალის კვლევამ 2004-დან 2013 წლამდე დიაგნოსტირებულები შეისწავლა. ქიმიოთერაპიის, ოპერაციისა და დასხივების ნაცვლად ალტერნატივის მიმღებებს აშკარად ნაკლები სიცოცხლე ჰქონდათ: 5-წლიანი გადარჩენა % 54 იყო, სტანდარტულ ქიმიოთერაპიაში — % 78.

სიცოცხლის აშკარა შემცირების გამო ამ პრაქტიკის მეტი კვლევის საჭიროება ხაზგასმულია.

ალტერნატივაზე ცოტა რამ ვიცით და მტკიცებულების გარეშე გადაწყვეტილებები მიიღება. იმუნიტეტის გამაძლიერებლად წოდებული კურსები, მაღალი დოზის ვიტამინები ან ფიტოთერაპია და ყველა სხვა მეთოდის ეფექტიანობა უკეთ უნდა გავიგოთ, რათა პაციენტებმა გაცნობიერებული არჩევანი გააკეთონ.