კანის ბაქტერიების დამცავი სარგებელი კანის კიბოს წინააღმდეგ

გამოთვლით ჩვენს ორგანიზმში დაახლოებით 30 ტრილიონი ადამიანის უჯრედია და ბოლო კვლევებით ვარაუდობენ, რომ ჩვენივე უჯრედების რაოდენობის, ანუ 30 ტრილიონი სასარგებლო ბაქტერია გვყავს. ბაქტერიული ფლორა, მიკრობიოტა ან მიკრობიომი სახელით ცნობილი ეს ბაქტერიები, რომლებიც ჩვენთან ურთიერთსარგებლის ურთიერთობაში (კომენსალიზმი) ცხოვრობენ და ჯანმრთელობისთვის მრავალი მნიშვნელობა აქვთ, კანის ყველგან და ნაწლავებში გვხვდება. დიდი რაოდენობის მიუხედავად ბაქტერიული უჯრედების მოცულობა მცირეა და 70 კილო ადამიანში 1.5 კილოგრამი ბაქტერიაა. აქამდე ჩატარებული მეცნიერული კვლევები ბაქტერიულ ფლორას კოლორექტალურ კიბოებს, კანის კიბოსა და იმუნური სისტემის კიბოზე პასუხს უკავშირებს. ამასთან, მიუხედავად მრავალი მტკიცებისა, რომელიც მიკრობიოტას 2. ტვინს უწოდებს და ფსიქოლოგიურ/ფსიქიატრიულ მდგომარეობებს უკავშირებს, ამ საკითხზე მეცნიერული მტკიცებულებები სუსტია.

- დაკავშირებული თემა: რა არის ნაწლავის ფლორა (მიკრობიოტა მიკრობიომი)? როგორია მისი კავშირი კოლორექტალურ კიბოსთან?

Science Advances ჟურნალში გამოქვეყნებულ კვლევაში კალიფორნიის სან-დიეგოს სამედიცინო სკოლის მკვლევრებმა კანის ზოგი ბაქტერიის ახალი სასარგებლო როლი აღწერეს: კანის კიბოსგან დაცვა.

თაგვებზე ჩატარებულ კვლევაში კანის ფლორაში არსებული Staphylococcus epidermidis სახელწოდების ბაქტერიის სახეობა წარმოქმნიდა ქიმიურ ნივთიერებას, რომელიც კიბოს უჯრედებს კლავს, მაგრამ ნორმალური უჯრედებისთვის ტოქსიკური არ არის. ამ ქიმიური ნივთიერების სახელია 6-N-ჰიდროქსიამინოპურინი (6-HAP). ექსპერიმენტში თაგვები ორ ჯგუფად დაყვეს და ორივე ჯგუფზე მაღალი დოზის კანცეროგენული ულტრაიისფერი (UV) სხივებით იმოქმედეს. 6-HAP-ის არწარმომქმნელი S. Epidermidis-ის მქონე თაგვებში UV ზემოქმედების შემდეგ მრავალი კანის სიმსივნე გაჩნდა, ხოლო 6-HAP-ის წარმომქმნელი S. epidermidis-ის მქონე თაგვებში სიმსივნეები არ გამოვლენილა.

6-HAP მოლეკულის მრავალი ფუნქცია აღმოაჩინეს; დნმ-ის სინთეზად ცნობილი დნმ-ის წარმოქმნის დარღვევა, კიბოდ ქცეული სიმსივნური უჯრედების გავრცელების თავიდან აცილება და UV-ით სტიმულირებული კანის სიმსივნეების დათრგუნვა.

კანის კიბოებს ზოგადად ორ ჯგუფად განიხილავენ: ნაკლებად გავრცელებული ავთვისებიანი მელანომა (%5) და არამელანომური (%95) კანის კიბოები. კანის კიბო მსოფლიოში ყველაზე გავრცელებული კიბოს სახეობაა და უმეტესობას მკურნალობენ არაკომპლექსური, ქიმიოთერაპიის არმომთხოვნი სამედიცინო პროცედურებით. კანის კიბოების % 95-ზე მეტის მიზეზია მზის UV სხივების ჭარბი ზემოქმედება.

კანის მიკრობიომის, როგორც მნიშვნელოვანი ელემენტის წვლილი ადამიანის ჯანმრთელობაში სულ უფრო მტკიცდება. სინამდვილეში წინა კვლევებით უკვე ნაჩვენები იყო, რომ კანის ზოგი ბაქტერია პათოგენური/მავნე ბაქტერიების წინააღმდეგ პეპტიდებს წარმოქმნის.

იმის გასარკვევად, როგორ იცავს კიბოსგან ან ამცირებს მის რისკს, ჯერ 6-HAP-ის წარმოქმნის მექანიზმი უნდა გავიგოთ. ამ საკითხზე შემდგომმა კვლევებმა შეიძლება კანის კიბოსგან ეფექტიანი დამცავი მიდგომების პოვნაში დაგვეხმაროს.

დაკავშირებული თემები:

- კანის კიბოებთან (ბაზალურუჯრედოვან და ბრტყელუჯრედოვან) ბრძოლაში ახალი მკურნალობის არჩევანი: B3 ვიტამინი

- ნაწლავის ფლორის მრავალფეროვნებამ შეიძლება იმუნოთერაპიების ეფექტიანობა გაზარდოს

- რა არის პრობიოტიკი? სასარგებლოა იოგურტი კოლონის კიბოს პრევენციისა და ნაწლავის მიკრობიოტისთვის?

- კანის კიბოების (ბაზალურუჯრედოვანი და ბრტყელუჯრედოვანი) წინააღმდეგ ახალი მკურნალობის არჩევანი: B3 ვიტამინი