ნაწლავის ფლორის მრავალფეროვნებამ შეიძლება იმუნოთერაპიების ეფექტიანობა გაზარდოს
ამ სტატიაში
იმუნოთერაპიის გამოყენება დაიწყო, უპირველესად, კანის კიბო მელანომის, ფილტვის არაწვრილუჯრედოვანი, თირკმლის, თავისა და კისრის, შარდის ბუშტის კიბოებისა და ჰოჯკინის ლიმფომის სამკურნალოდ. თუმცა ყველა პაციენტი მკურნალობაზე კარგად არ პასუხობს. მკვლევრები ატარებენ კვლევებს იმის გასაგებად, თუ რა პირობები მოქმედებს იმუნოთერაპიის ეფექტიანობის ზრდაზე. ბოლო კვლევებმა აჩვენა, რომ ნაწლავის ფლორისმრავალფეროვნებამ შეიძლება იმუნოთერაპიის ეფექტიანობა გაზარდოს.
2016 წლის ნოემბერში გაერთიანებული სამეფოს კიბოს კვლევის ეროვნული ინსტიტუტის კონგრესზე წარმოდგენილ კვლევაში მიკრობიომის ნიმუშები აიღეს და გააანალიზეს შორსწასული მელანომის დიაგნოზის მქონე 200 პაციენტის პირის ღრუდან და 100 პაციენტის ნაწლავიდან.
კვლევის შედეგების თანახმად;
- იმუნოთერაპიაზედადებითი პასუხის მქონე და უპასუხო პაციენტების ნაწლავის ფლორაში ბაქტერიული მრავალფეროვნება მნიშვნელოვნად განსხვავდებოდა. შესაბამისად, მკურნალობაზე დადებითი პასუხის მქონე პაციენტების ნაწლავებში ბაქტერიული მრავალფეროვნება უფრო მაღალია.
- პირის ღრუში ბაქტერიული მრავალფეროვნების მხრივ პაციენტებს შორის განსხვავება არ დაფიქსირებულა.
რას ნიშნავს ეს კვლევა კლინიკური თვალსაზრისით?
ეს პირველი კვლევაა, რომელმაც ადამიანებში ნაწლავის ფლორის მიერ იმუნოთერაპიის ეფექტიანობის ზრდა აჩვენა.
- ექიმის მეთვალყურეობით ანტიბიოტიკების, პრობიოტიკების ან იმუნოთერაპიამდე ჩატარებული ფეკალური ტრანსპლანტაციის მეშვეობით შეიძლება იმუნოთერაპიის ეფექტიანობა გაიზარდოს.
- ამავდროულად, ნაწლავის ფლორის მანიპულირებასთან ერთად შესაძლებელია იმუნოთერაპიის ეფექტიანობის გამაძლიერებელი სტრატეგიების შემუშავება.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.