ქრონიკული ტკივილის მკურნალობაში ოპიოიდების ნაცვლად კიბოს წამლები

ტკივილის სამკურნალოდ ხშირად ვიყენებთ ძლიერ ტკივილგამაყუჩებლებს, რომლებსაც ოპიოიდური ან ნარკოტიკული ეწოდება. მწვანე და წითელი რეცეპტით გასაცემი ეს პრეპარატები მეტად ეფექტურია და თანამედროვე ტექნოლოგიებით მრავალი გვერდითი მოქმედება გაუმჯობესებულია, თუმცა დამოკიდებულების მცირე რისკთან ერთად შეკრულობისა და გულისრევის მსგავსი გვერდითი მოვლენებიც აქვს. 2017 წლის აგვისტოში გამოქვეყნებულ, ჩვენი სტატიის თემად ქცეულ კვლევაში აღმოაჩინეს, რომ კიბოს ზოგმა წამალმა ქრონიკული ტკივილის მკურნალობაში ოპიოიდები შეიძლება ჩაანაცვლოს.

კვლევაში EGFR რეცეპტორის ტკივილის შეგრძნებაში შესაძლო როლის დადგენას ცდილობდნენ.

კვლევის შედეგებით;

• აღმოაჩინეს, რომ EGFR ტკივილში მნიშვნელოვან როლს ასრულებს. თაგვებზე ექსპერიმენტებში ეპირეგულინის ცილასა და EGF რეცეპტორს შორის ურთიერთქმედება ტკივილში მნიშვნელოვან როლს ასრულებდა.
• განსაკუთრებით EGFR მუტაციადადებითი ფილტვის კიბოს სამკურნალო EGFR-ის დამთრგუნველი წამლების თაგვის მოდელებში გამოყენება ქრონიკული ტკივილისა და ანთების მკურნალობაში ეფექტური აღმოჩნდა.

რას ნიშნავს ეს კლინიკურად?

• კიბოში როლის გამო EGFR ერთ-ერთი ყველაზე შესწავლილი და წამლის შექმნის სამიზნედ ქცეული მოლეკულაა. ეს კვლევა EGFR-ისა და ტკივილის კავშირის ამხსნელი პირველი კვლევაა .
• ხაზგასმით უნდა აღინიშნოს, რომ კვლევა მხოლოდ ტკივილში მონაწილე რეცეპტორის აღმოჩენაა. ლაბორატორიული კვლევებით EGFR-ის სამიზნე ონკოლოგიური წამლები ტკივილზე შეიძლება ეფექტური იყოს. მომავალი კვლევები უპასუხებს, მართლაც მოქმედებს თუ არა ადამიანის ქრონიკულ ტკივილზე. ამავე დროს, პრეპარატების ხელახლა დაგეგმვით უფრო ეფექტური ტკივილის მკურნალობა შეიძლება შეიქმნას.

შეიძლება დაგაინტერესოთ:

• მართლა შეუძლებელია კიბოს მქონე პაციენტის ტკივილთან გამკლავება?