ონლაინ გონებრივი ვარჯიშები კიბოს პაციენტებში ქიმიოტვინის ჩივილების შემსუბუქებას უწყობს ხელს

ონლაინ სასწავლო პროგრამის მიერ ქიმიოტვინის სახელით ცნობილი ნევროლოგიური პრობლემის მქონე კიბოს პაციენტებისთვის დახმარების შესაძლებლობა ავტორიტეტული ონკოლოგიური ჟურნალის Journal of Clinical Oncology-ის 2017 წლის იანვრის ნომერში გამოქვეყნებულმა კვლევამ აჩვენა.

კიბოს პაციენტთა ნაწილში ქიმიოთერაპიის შემდეგ გარკვეული კოგნიტიური (გონებრივი) ჩივილები აღირიცხება. თვით კიბოთი ან ქიმიოთერაპიით გამოწვეული და ქიმიოტვინის სახელით ცნობილი ეს მდგომარეობა ცხოვრების დაბალ ხარისხს, მომატებულ დეპრესიას, შფოთვასა და მკურნალობის შემდეგ გახანგრძლივებულ ქრონიკულ დაღლას უკავშირდება. ამ მდგომარეობის საწინააღმდეგოდ დამტკიცებული მკურნალობა არ არსებობს.

აზროვნების ფუნქციების ეს დარღვევა ბოლო დრომდე აღწერილი არ იყო. რადგან უმეტესად ქიმიოთერაპიას უკავშირდება, მას ქიმიოთერაპიასთან დაკავშირებული აზროვნების დარღვევა, მოკლედ კი ქიმიოტვინი ეწოდება.

კვლევა

ქიმიოთერაპიის 3 ან მეტი კურსის ბოლო 5 წლის განმავლობაში დამასრულებელი, კონცენტრაციის ან მეხსიერების პრობლემების თვითაღმწერი 242 ზრდასრული კიბოს პაციენტი კვლევისთვის გასინჯეს. მონაწილეთა %89 ძუძუს კიბოს მქონე ქალი იყო.

მონაწილეები 2 ჯგუფად გაყვეს: ერთს ონლაინ ნეიროკოგნიტიური სასწავლო პროგრამები, მეორეს კი სტანდარტული მოვლა ჩაუტარდა. ორი ჯგუფი მკურნალობის დასაწყისში, ჩარევიდან 15 კვირის შემდეგ და 6 თვის შემდეგ შეადარეს.

კვლევის შედეგების მიხედვით;

• სტანდარტული მოვლის მიმღები და ონლაინ პროგრამაში მონაწილე პირები ჩარევისთანავე და 6. თვის ბოლოს შეადარეს.
• ონლაინ პროგრამის ჯგუფში სტანდარტულ მოვლასთან შედარებით შფოთვის, დეპრესიისა და გამოფიტვის სიმპტომები მნიშვნელოვნად შემცირდა.
• თავდაპირველად ცხოვრების ხარისხის ცვლილებაში ჯგუფებს შორის განსხვავება არ იყო, თუმცა 6 თვის ბოლოს ონლაინ პროგრამის მიმღებთა ცხოვრების ხარისხი უკეთესი აღმოჩნდა.
• ჯგუფებს შორის ობიექტურ ნეიროფსიქოლოგიურ ფუნქციაში ცვლილება არც ჩარევისთანავე და არც 6 თვის ბოლოს არ გამოვლენილა.

Insight from Posit Science სახელწოდების ამ ონლაინ კოგნიტიური რეაბილიტაციის პროგრამის მიზანი იყო ადაპტირებადი გონებრივი ვარჯიშებით აზროვნების უნარის განვითარება და ინფორმაციის სწრაფად და სწორად დამუშავება.

ფაქტია, რომ კიბოს მკურნალობის მიმღებ ზოგიერთ ადამიანს კონცენტრირება, ფოკუსირება და გარკვეული საგნების გახსენება უჭირს. კიბოს გამოცდილება მკურნალობის ბოლო დღით არ სრულდება. კიბოსთან შეხვედრილმა და ნამკურნალებმა ადამიანებმა უკეთესი ცხოვრებისთვის აქტიური ძალისხმევით ცხოვრების წესის ცვლილებებზეუნდა იფიქრონ.

ძუძუს კიბოს მკურნალობასა და გადარჩენის მაჩვენებლებში სასიხარულო წინსვლაა. ეს ნიშნავს სულ უფრო მეტ ადამიანს, რომელსაც დაავადება დაემართა, მაგრამ წარმატებული მკურნალობის შემდეგ ცხოვრებას აგრძელებს. ცხოვრების ხარისხის გამაუმჯობესებელ პრაქტიკას, როგორიც ეს გონებრივი ვარჯიშის კვლევაა, ჩვენი პაციენტების ცხოვრებაში დადებითი წვლილის შეტანის პოტენციალი აქვს.

თუ მომავალი კვლევებით აზროვნების დარღვევის რისკის ქვეშ მყოფი პაციენტების დადგენა მოხერხდება, უფრო სწრაფი ჩარევა და, სავარაუდოდ, უკეთესი შედეგებიც იქნება შესაძლებელი. კიდევ ერთი მნიშვნელოვანი შესასწავლი საკითხია, აქვს თუ არა სარგებელი ფიზიკური ვარჯიშისა და გონებრივი სწავლების კომბინაციას.