პოპკორნი, როგორც ჯანსაღი წასახემსებელი

თუ პოპკორნი ძალიან გიყვართ, კარგი ამბავია: შეგიძლიათ რაციონს ჯანსაღ წასახემსებლად დაამატოთ. კრეკერისა და ჩიფსის მსგავსი საკვებისგან განსხვავებით, ის დაბალკალორიული და ბოჭკოვანია. თუმცა ყველა სახეობა ისეთი ჯანსაღი არ არის, როგორიც გგონიათ.

პოპკორნის კალორიულობა და კვებითი ღირებულება

პოპკორნი წონის დასაკლებ დიეტაზე მყოფთათვის შესანიშნავი წასახემსებელია. დაკლება რომც არ გინდოდეთ, განსაკუთრებით შეფუთულ მზა საჭმელთან შედარებით, სახლში მომზადებული პოპკორნი ჯანსაღი და გემრიელი არჩევანია.

1 პორცია (24 gr — დაახლოებით საშუალო ჯამი) პოპკორნი 93 კალორიას შეიცავს; მასშია 1 gr ცხიმი, 78 mg კალიუმი, 18 gr ნახშირწყალი, 3.1 gr ცილა და 3.5 gr ბოჭკო. თითო პორციის 14,5 gr წმინდა ნახშირწყალი მზა შეფუთული წასახემსებლების უმეტესობის კალორიებსა და ნახშირწყლებზე გაცილებით ნაკლებია.

თუმცა მნიშვნელობები მომზადებისა და მიღების მიხედვით საგრძნობლად იცვლება. მაგალითად, ცხიმიანი პორცია კალორიას სულ მცირე აორმაგებს. თუ მარილიანს ამჯობინებთ, ნატრიუმიც არაჯანსაღს ხდის. ბოლო დროს ტკბილი პოპკორნიც პოპულარული გახდა. მარტივი შაქრის მოხმარება სიმსუქნის და ტკბილზე დამოკიდებულების რისკს ზრდის, ამიტომ შეძლებისდაგვარად უბრალო პოპკორნი მიირთვით. მზა, შეფუთული ან კინოთეატრის პოპკორნი ჩვეულებრივ ბევრი ცხიმის, მარილისა და შაქრის გამო არაჯანსაღად შეიძლება შეფასდეს.

წონის დასაკლებ რაციონში შეგიძლიათ პოპკორნი ჩართოთ. თუმცა „პოპკორნი წონას აკლებინებს“ თქმა სწორი არ იქნება. ბოჭკოს წყალობით სხვა წასახემსებელთან შედარებით ნაკლებით უფრო დიდხანს დანაყრდებით და მონელებაც გააქტიურდება. თუმცა ჭარბი ბოჭკოსა და, მარილიანისას, ნატრიუმის გამო შებერილობა შეიძლება იგრძნოთ. ნაწლავის მოძრაობაც შეიძლება გაიზარდოს. ეს ბუნებრივია.

დასკვნის სახით, ჯანსაღი კვების ნაწილად სახლში პოპკორნი უცხიმოდ მოამზადეთ და გემოსთვის მარილის ნაცვლად მსუბუქი სანელებელი მოაყარეთ.

დაკავშირებული თემა:

- ჯანსაღია ჩირი?