Sağlam qəlyanaltı kimi partlamış qarğıdalı

Partlamış qarğıdalını çox sevirsinizsə, yaxşı xəbər var: onu pəhrizinizə əlavə edəcəyiniz sağlam ara yeməyi kimi istehlak edə bilərsiniz. Partlamış qarğıdalı kreker və ya çips kimi qəlyanaltılardan fərqli olaraq olduqca aşağı kalorili və liflidir. Bununla belə, partlamış qarğıdalının hər növü düşündüyünüz qədər sağlam olmaya bilər.

Partlamış qarğıdalının kalori və qida dəyərləri

Partlamış qarğıdalı arıqlamaq üçün pəhriz saxlayanların seçə biləcəyi əla ara yeməyi alternativi ola bilər. Arıqlamaq istəmirsinizsə belə, xüsusilə qablaşdırılmış qəlyanaltı məhsulları ilə müqayisədə, onların əvəzinə evdə özünüz hazırladığınız partlamış qarğıdalıya həm sağlam, həm də dadlı olduğu üçün üstünlük verə bilərsiniz.

1 porsiya (24 gr - təxminən orta ölçülü bir kasa) partlamış qarğıdalı 93 kaloridir; 1 gr yağ, 78 mg kalium, 18 gr karbohidrat, 3.1 gr zülal, 3.5 gr lif ehtiva edir. Hər porsiyada 14,5 gr xalis karbohidrat vardır və bu, əksər qablaşdırılmış hazır qəlyanaltıların kalori və karbohidrat dəyərləri ilə müqayisədə çox aşağıdır.

Lakin bu dəyərlər partlamış qarğıdalını necə hazırladığınıza və ya istehlak etdiyinizə görə ciddi fərqlənir. Məsələn, yağlı bir porsiya partlamış qarğıdalı kalori miqdarını ən azı iki dəfə artırır. Yaxud duzlu yeməyi seçirsinizsə, natrium partlamış qarğıdalını qeyri-sağlam edən digər amil ola bilər. Son vaxtlar qarğıdalını şəkərli istehlak etməyə də üstünlük verilməyə başlanmışdır. Sadə şəkər istehlakı da piylənmə və şirniyyat asılılığı riskini artıran amil olduğu üçün mümkünsə sadə qarğıdalı istehlak edin. Buna görə hazır, qablaşdırılmış və ya kinoteatrlardakı qarğıdalı adətən çox yağlı, duzlu və şəkərli olduğundan qeyri-sağlam kimi xarakterizə edilə bilər.

Partlamış qarğıdalını arıqlamaq üçün pəhrizinizə daxil edə bilərsiniz. Xüsusilə, “partlamış qarğıdalı arıqladır” demək düzgün olmaz, lakin tərkibindəki lif sayəsində digər qəlyanaltılarla müqayisədə daha az yeyərək daha uzun müddət tox hiss edirsiniz və lif həzm sisteminizi hərəkətə gətirir. Digər tərəfdən, çox lif və duzludursa natrium tərkibinə görə yedikdən sonra köp hiss edə bilərsiniz. Bağırsaq hərəkətləriniz də arta bilər. Bu, tamamilə təbiidir.

Nəticə olaraq, partlamış qarğıdalını sağlam pəhrizinizin bir hissəsi kimi evdə yağsız partlada, dadını artırmaq üçün duz əvəzinə yüngül ədviyyat səpərək istehlak edə bilərsiniz.

Əlaqəli mövzu:

- Quru meyvələr sağlamdırmı?