რა არის D-Limonene? აქვს ლიმონის ქერქის ზეთს ადგილი კიბოს მკურნალობაში?
ამ სტატიაში
D-ლიმონენის სხვა ცნობილი სახელები:
- D-Limonene
- ფორთოხლის ქერქის ზეთი
- ციტრუსის ქერქის ზეთი
- ციტრინი
- p-menta-1,8-dien (სამეცნიერო სახელი)
რა არის D-ლიმონენი და რა გავლენა აქვს ჯანმრთელობაზე?
ციტრუსის ქერქიდან, განსაკუთრებით ლიმონიდან, მიღებულ და სუნის მიმცემ ტერპენების ჯგუფის ნაერთებს D-ლიმონენები ეწოდება. ხმელთაშუაზღვის დიეტის მიმდევრებში ნაკლები კიბოსა და გულ-სისხლძარღვთა დაავადების ერთ-ერთ მიზეზად ციტრუსის უხვი მიღება მიიჩნეოდა.
თუმცა D-ლიმონენის მიერ კიბოს პრევენცია ან მკურნალობა არ გამოვლენილა.
ლაბორატორიულ კვლევებში ანთების საწინააღმდეგო,, ჭრილობის შემახორცებელი და სიმსივნის შემამცირებელი ეფექტები აჩვენა. ასევე ლაბორატორიაში კიბოს უჯრედების ზრდის სასიგნალო გზებზე მოქმედება და პროგრამირებულ სიკვდილამდე (აპოპტოზამდე) მიყვანა გამოვლინდა. ცხოველებში D-ლიმონენმა პანკრეასის, კუჭის, კოლონის, კანისა და ფილტვის კიბოს ზრდა შეანელა. კანცეროგენების ზემოქმედებისას სიმსივნის წარმოქმნა და პროგრესიც შეანელა. თუმცა ადამიანებში ეს ეფექტები არ გამოვლენილა.
რა სამედიცინო მიზნებისთვის ცდიან D-ლიმონენს?
კიბოს პრევენციისა და მკურნალობისთვის
ლაბორატორიაში D-ლიმონენმა დოცეტაქსელის ქიმიოთერაპიის პროსტატის კიბოს უჯრედებზე ეფექტიანობა გაზარდა. ეპიდემიოლოგიურმა კვლევამ ციტრუსის ქერქის მიღებასა და კანის ბრტყელუჯრედოვან კიბოს შორის უკუკავშირი აღწერა. თუმცა შედეგები კლინიკურმა კვლევებმა ვერ დაადასტურა. კიბოს პრევენციასა და მკურნალობაში როლის გასარკვევად მეტი კვლევაა საჭირო.
გულძმარვისა და რეფლუქსის სამკურნალოდ
განსაკუთრებით რეფლუქსისთვის აქტიურად გამოიცდება, თუმცა მტკიცებულება შეზღუდულია და თავადაც ხშირად კუჭის ჩივილებს იწვევს. მეტი კვლევაა საჭირო.
D-ლიმონენის გვერდითი ეფექტები
- გულისრევა
- ღებინება
- დიარეა
- კანის ალერგიული გამონაყარი
- ასთმის გამოწვევა
წყაროები
Phase I and pharmacokinetic study of d-limonene in patients with advanced cancer.
Cancer Chemother Pharmacol 1998.
2. Hakim IA, Harris RB, Ritenbaugh C.
Citrus peel use is associated with reduced risk of squamous cell carcinoma of the skin.
Nutr Cancer. 2000
3. Topham EJ, Wakelin SH.
D-Limonene contact dermatitis from hand cleansers.
Contact Dermatitis. 2003
4. Rabi T, Bishayee A.
d -Limonene sensitizes docetaxel-induced cytotoxicity in human prostate cancer cells: Generation of reactive oxygen species and induction of apoptosis.
J Carcinog. 2009
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.