რა არის სოციალური იზოლაცია? როგორ უნდა მოახდინოს ადამიანმა თვითიზოლაცია? ასტრონავტის რჩევები
კორონავირუსის გავრცელების შესაჩერებლად მსოფლიოში მიღებული სოციალური იზოლაციის ზომების გამო ადამიანები ყოველდღიური ცხოვრების დიდ ნაწილს ახლა სახლში ატარებენ. ეს მეთოდი ეპიდემიის კონტროლს ეხმარება, თუმცა პირად განვითარებასა და პროდუქტიულობაზეც შეიძლება იმოქმედოს.
ამიტომ დიდი მნიშვნელობა აქვს იმას, რისი გაკეთებაც სახლში შეგვიძლია. ამ თემაზე ერთ-ერთი საყურადღებო რჩევა ასტრონავტ Chris Hadfield-ისგან მოვიდა.
კოსმოსში გასული პირველი კანადელი ასტრონავტი Chris Hadfield საერთაშორისო კოსმოსურ სადგურზე გატარებული დროის დღევანდელ მოვლენებთან მსგავსებასეხება. აღნიშნავს, რომ ჩვეულებრივი ცხოვრებიდან მოშორებით, კოსმოსის სახიფათო გარემოში ცხოვრების მიუხედავად, ასტრონავტებმა იზოლირებულად საკუთარი თავის განვითარება და პროდუქტიულობის ზრდა შეძლეს.
კოსმოსური გამოცდილების საფუძველზე Hadfield ამ პერიოდში დროის კარგად გამოსაყენებლად ადამიანებს 4 პრინციპს სთავაზობს:
- არსებული რისკის გაცნობიერება
„ნუ შეგეშინდებათ მომხდარის. სანდო წყაროს გაეცანით და გააცნობიერეთ რისკები, რომელთა წინაშეც ახლა თქვენ და თქვენი საყვარელი ადამიანები დგახართ.“ - განსაზღვრეთ თქვენი მიზანი / ამოცანა
„რის მიღწევა გსურთ კონკრეტულ პერიოდში (დღიურად, კვირეულად, თვიურად)? რომელ სფეროებში გსურთ საკუთარი თავის განვითარება?“ - საკუთარი შეზღუდვების ცოდნა
„რა პასუხისმგებლობები გაქვთ ამ პროცესში? რა საქმეები უნდა შეასრულოთ? როგორია თქვენი ფინანსური მდგომარეობა?“ - განხორციელება
„როგორც წინა ნაბიჯებში აღინიშნა, რისკის გაცნობიერების, მიზნის განსაზღვრისა და შეზღუდვების გაცნობიერების შემდეგ თქვენი მიზნების განხორციელების დრო დგება.“
გააკეთეთ რამე
აუცილებელი არ არის, ეს ადრე გაკეთებული საქმე იყოს. ოჯახთან დროის გატარება, საოჯახო საქმეები, გიტარის დაკვრის სწავლა, ახალი ენის შესწავლა, სავარჯიშო გეგმის შედგენა, კითხვა, წერა… არჩევანი მთლიანად თქვენზეა. ეს პროცესი განსხვავებული რამის შექმნის შესაძლებლობად აღიქვით. განსაკუთრებით ინტერნეტში არსებული უთვალავი წერილობითი თუ ვიზუალური მასალის წყალობით თითქმის ყველა სამუშაო სფეროსთვის არსებობს წყაროები.
იზოლირებულ ცხოვრებაში შესაძლო საქმიანობის მაგალითად გვინდა გაგიზიაროთ საერთაშორისო კოსმოსურ სადგურზე Hadfield-ის მიერ David Bowie-ს სიმღერის Space Oddity შესრულება:
დარჩით სახლში და ჯანმრთელად...
ყველა ჩვენი სტატია კორონავირუსის შესახებ
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.