Sosial təcrid nədir? İnsan özünü necə təcrid etməlidir? Astronavtdan tövsiyələr

Koronavirusun yayılmasının qarşısını almaq üçün dünyada görülən sosial təcrid tədbirləri ilə insanlar gündəlik həyatlarının böyük hissəsini artıq evdə keçirirlər. Bu üsul epidemiyanı nəzarətə almağa kömək etsə də, fərdin şəxsi inkişafına və məhsuldarlığına da təsir göstərə bilər.

Buna görə evdə edə biləcəklərimiz böyük əhəmiyyət daşıyır. Mövzu ilə bağlı diqqətçəkən tövsiyələrdən biri astronavt Chris Hadfieldtərəfindən gəldi.

Kosmosa çıxan ilk kanadalı astronavt Chris Hadfield Beynəlxalq Kosmik Stansiyada keçirdiyi vaxtın bu gün yaşananlarla oxşarlığınatoxunur. Adi həyatlarından uzaqda, kosmosda təhlükəli mühitdə yaşasalar da, astronavtların təcrid şəraitində özlərini inkişaf etdirdiyini və məhsuldarlığını artırdığını bildirir.

Hadfield kosmos təcrübəsinə əsaslanaraq insanlara bu dövrdə vaxtlarını yaxşı dəyərləndirmək üçün 4 prinsip təqdim edir:

1. Mövcud riskin fərqində olmaq
   “Baş verənlərdən qorxmayın. Etibarlı mənbəyə baxıb hazırda sizin və sevdiklərinizin qarşılaşdığı riskləri bilin.”
2. Hədəfinizi / vəzifənizi müəyyənləşdirin
   “Müəyyən vaxt ərzində (gündəlik, həftəlik, aylıq) nələrə nail olmaq istəyirsiniz? Hansı sahələrdə özünüzü inkişaf etdirmək istəyirsiniz?”
3. Məhdudiyyətlərinizi bilmək
   “Bu dövrdə hansı məsuliyyətləriniz var? Hansı işləri yerinə yetirməlisiniz? Maddi vəziyyətiniz necədir?”
4. Həyata keçirmək
   “Əvvəlki addımlarda deyildiyi kimi, riski anlayıb hədəfinizi müəyyənləşdirdikdən və məhdudiyyətlərinizi bildikdən sonra artıq məqsədlərinizi həyata keçirmək vaxtıdır.”

Nəsə edin

Bunların əvvəllər etdiyiniz işlər olması şərt deyil. Ailə ilə vaxt keçirmək, ev işləri, gitara çalmağı və ya yeni dil öyrənmək, idman planı qurmaq, oxumaq, yazmaq… Tamamilə sizə bağlıdır. Bu dövrə fərqli şeylər yaratmaq fürsəti kimi baxın. Xüsusilə internetdə saysız yazılı və vizual materiallarla, demək olar, hər fəaliyyət sahəsinə uyğun mənbələr var.

Təcrid həyatında edilə biləcəklərə nümunə kimi Hadfield-in Beynəlxalq Kosmik Stansiyada David Bowie-nin Space Oddity mahnısını ifa etməsini bölüşmək istəyirik:

Evdə və sağlam qalın... 

BÜTÜN KORONAVİRUS YAZILARIMIZ

Xarici məzmunu görmək üçün seçimləri tənzimləyin

Xarici məzmunu görmək üçün seçimləri tənzimləyin