რა როლს ასრულებს პუდრი საკვერცხის კიბოს განვითარებაში?
იწვევს თუ არა პუდრი კიბოს? აშშ-ში ტალკზე დაფუძნებული პროდუქტის მწარმოებელ Johnson & Johnson-ის წინააღმდეგ სარჩელის შემტანი სულ მცირე 13.000 ადამიანი ასე ფიქრობს. თუმცა სასამართლოს ნაფიცები და მეცნიერები აქამდე ერთ აზრზე ვერ შეთანხმდნენ. 2019 წლის მარტში, 1 ადამიანის მეზოთელიომისმიზეზად ბავშვის პუდრის მწარმოებლის დადანაშაულების საქმე ნიუ-ჯერსის ნაფიცებმა პაციენტის საწინააღმდეგოდ დაასრულეს, ხოლო მისურის სასამართლომ 22 ქალის საკვერცხის კიბოზე Johnson & Johnson პასუხისმგებლად მიიჩნია და კომპანიას 4.69 მილიარდი დოლარის გადახდა დააკისრა. ერთ წაგებულ საქმეში საკვერცხის კიბოს მქონე პაციენტი 20 წელზე მეტხანს ჭარბი წონის გამო გამოყელილი საზარდულის სიმშრალის შენარჩუნებას ტალკით ცდილობდა.
ეს კითხვა ახლა სამეცნიერო სამყაროს აქტიურად აინტერესებს. Wayne State უნივერსიტეტის მკვლევარი დოქტორი Ghassan Saed-იც გენიტალურ (საზარდულის) უბანზე ტალკის გამომყენებელი მილიონობით ქალის მსგავსად ფიქრობდა, რომ პუდრში სიმინდის სახამებელთან ერთად ხშირად გამოყენებული თიხის მინერალი ქიმიურად ინერტული და უვნებელი იყო.
თუმცა 2019 წლის გინეკოლოგიური ონკოლოგიის საზოგადოების ყოველწლიურ შეხვედრაზე წარმოდგენილ ახალ კვლევაში დოქტორი Saed-ის გუნდმა ნორმალურ და საკვერცხის კიბოს უჯრედებში ტალკსა და ანთებას შორის კავშირი აჩვენა. კერძოდ, განსაზღვრეს პუდრის მიერ CAT, NOS და GPX1 გენების მუტაციების გამოწვევის მოქმედების მექანიზმი. მეანობის, გინეკოლოგიისა და უჯრედული ბიოლოგიის ასოცირებული პროფესორი დოქტორი Saed ამბობს: „ლაბორატორიაში წავედი, პუდრი ავიღე და საკვერცხის კიბოს უჯრედულ ხაზებს დავუმატე. აღმოვაჩინეთ, რომ ამან უჯრედების ოქსიდაციური სტრესი გაზარდა.“ გასაკვირია, რომ ჯანმრთელი ფალოპის მილის უჯრედებიც მსგავსად რეაგირებდა; ეს მიგნება შეესაბამება მოსაზრებას, რომ საკვერცხის კიბო ფალოპის მილებში იწყება. „ამავდროულად ეს პირველი in vitro (ლაბორატორიული) კვლევაა, რომელიც აჩვენებს პუდრის პირდაპირ ბიოლოგიურ გავლენას როგორც საკვერცხის კიბოს, ისე ფალოპის მილების ნორმალურ უჯრედებზე“, თქვა მან.
მსოფლიოში ყოველწლიურად დაახლოებით 220 ათას ქალს საკვერცხის კიბოს დიაგნოზს უსვამენ. ტალკის გამოყენების გაზრდილ რისკთან კავშირის მტკიცებულებების უმეტესობა 2016 წელს საკვერცხის კიბოს მქონე ქალების კითხვარით ჩატარებული 2 შემთხვევა-კონტროლის კვლევიდან მოდის.
მაგალითად, აფროამერიკელთა კიბოს ეპიდემიოლოგიის კვლევამ საკვერცხის კიბოს მქონე 584 აფროამერიკელი ქალი 745 ჯანმრთელს შეადარა და გენიტალურ უბანზე პუდრის რეგულარულ მომხმარებლებში დიაგნოზის % 44-ით მეტი ალბათობა აღწერა.
2017 წლის მეტაანალიზმა24 შემთხვევა-კონტროლისა და 3 კოჰორტული კვლევის მონაცემები შეისწავლა და ტალკის გენიტალურ გამოყენებასა და საკვერცხის კიბოს შორის მკაფიო კავშირი ვერ აჩვენა; აღნიშნა, რომ რისკის მატების არსებული მტკიცებულებები თანმიმდევრული არ არის. ნიუ-იორკის Tisch კიბოს ინსტიტუტის ონკოლოგიური მეცნიერებებისა და საზოგადოებრივი ჯანმრთელობის პროფესორმა დოქტორმა Paul Boffetta-მ „ჩვენი შედეგები აჩვენებს, რომ მტკიცებულება გარკვეულწილად ბუნდოვანია და ცხადად არცერთი მიმართულებით არ მიდის. არსებობს კავშირის მიმანიშნებელი ელემენტები. მეორე მხრივ, არსებობს საფუძველი, რომ კავშირი სხვა ფაქტორებიდან მოდიოდეს“, განაცხადა.
დოქტორმა Boffetta-მ თქვა, რომ Wayne State-ის ლაბორატორიული კვლევის შედეგები პირდაპირ ადამიანებზე ვერ განზოგადდება და ძნელია ვიცოდეთ, ლაბორატორიაში ტალკზე მყოფი უჯრედები ქალის სხეულშიც იმავე რეაქციას გამოავლენს თუ არა. „ხელოვნურ გარემოში უჯრედებზე ცდა მნიშვნელოვანია, მაგრამ არ ვიცით, იგივე ხდება თუ არა რეალური ქალის საკვერცხეში in vivo. [ეს] მონაცემები [რა თქმა უნდა] საინტერესოა, თუმცა მეტი პროსპექტიული კვლევის ნახვა მსურს. ეს აკლია ჩვენს ერთობლივ გაგებას“, თქვა მან. დოქტორი Saed-ის შემდეგი პროექტი ტალკის უშუალოდ თაგვების რეპროდუქციულ სისტემაში ინექციაა.
დოქტორმა Saed-მა "იმედი მაქვს, მომავალი კვლევები ჩვენს მიგნებებს დაადასტურებს და საზოგადოებას მნიშვნელოვან ინფორმაციას მიაწვდის ტალკის გამოყენების შესაწყვეტად." განაცხადა.
წყაროები
2. Hsu, T. Johnson & Johnson told to pay $4.7 billion in baby powder lawsuit. The New York Times. Published July 12, 2018. Accessed June 15, 2019.
3. National Cancer Institute, Surveillance, Epidemiology and End Results Program, 2018. Cancer stat facts: ovarian cancer. Accessed June 15, 2019.
4. Schildkraut JM, Abbott SE, Alberg AJ, et al. Association between body powder use and ovarian cancer: The African American Cancer Epidemiology Study (AACES). Cancer Epidemiol Biomarkers Prev. 2016.
5. Cramer DW, Vitonis AF, Terry KL, Welch WR, Titus Genital use of talc and risk of ovarian cancer: A meta-analysis LJ. The association between talc use and ovarian cancer: A retrospective case–control study in two US states. Epidemiology. 2016.
6. Berge W, Mundt K, Luu H, Boffetta P. Genital use of talc and risk of ovarian cancer: A meta-analysis. Eur J Cancer Prev. 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.