როგორ უნდა მიმდინარეობდეს საკვერცხის მემკვიდრეობითი კიბოს რისკის მქონე პირთა მეთვალყურეობა?

საკვერცხის (ოვარიული) მემკვიდრეობითი კიბოს რისკის მქონე ქალებში სხვადასხვა მიდგომით ამ რისკის შემცირება შეიძლება. ქვემოთ ჩამოთვლილი მიდგომები პაციენტს სამედიცინო ონკოლოგისა და კიბოს გენეტიკის სპეციალისტის მიერ რისკის დაგეგმვის საფუძველზე ეთავაზება.

სკრინინგის მეთოდები

ამერიკის კიბოს ეროვნულ სახელმძღვანელოში BRCA1 და/ან BRCA2 გენის მუტაციის მატარებელი ქალებისთვის სკრინინგის მეთოდებია განსაზღვრული. - ძუძუს ყოველთვიური თვითგასინჯვა (18 წლიდან) - ძუძუს კლინიკური გასინჯვა წელიწადში ორჯერ (25 წლიდან) - ყოველწლიური ძუძუს MRI სკრინინგი (25 წლიდან) - მცირე მენჯის გინეკოლოგიური გასინჯვა, ტრანსვაგინალური ფერადი დოპლერ-ულტრასონოგრაფია, სისხლის CA-125 ტესტი (30 წლიდან) - პროფილაქტიკური სალპინგოოოფორექტომიის (საკვერცხეების ოპერაციული მოცილების) განხილვა (40 წლის და უფროს ასაკში). ასევე განსაზღვრულია სკრინინგის მეთოდები BRCA1 ან BRCA2 მუტაციის მატარებელი მამაკაცებისთვის. - ძუძუს ყოველთვიური თვითგასინჯვა (30-იანი წლებიდან) - ძუძუს ყოველწლიური კლინიკური გასინჯვა (30-იანი წლებიდან) - ყოველწლიური პროსტატის კიბოს სკრინინგი: თითით რექტალური (სწორი ნაწლავიდან) გასინჯვა - შესაძლოა დაგაინტერესოთ: შეიძლება ჩვენი გენები ეგოისტური იყოს? მემკვიდრეობითი კიბოები და მათი გენები

ორსულობა და ძუძუთი კვება

ორსულობა და ძუძუთი კვება საკვერცხის კიბოს რისკს ამცირებს. ამის მიზეზია ორსულობის პერიოდში ოვულაციის ნაკლები რაოდენობა. მრავალჯერადი ორსულობისას ან ქალებში, რომელთაც პირველი ორსულობა 26 წლამდე ჰქონდათ, საკვერცხის კიბოს განვითარების რისკი მცირდება.

ჩასახვის საწინააღმდეგო აბების (ორალური კონტრაცეპტივების) გამოყენება

ჩასახვის საწინააღმდეგო აბების გამოყენება საკვერცხის კიბოს განვითარების რისკს ამცირებს. ქალებს, რომლებიც ამ აბებს 5 ან მეტი წლის განმავლობაში იყენებდნენ, საკვერცხის კიბოს რისკი 50 პროცენტით ნაკლები აქვთ. - შესაძლოა დაგაინტერესოთ: ჩასახვის საწინააღმდეგო აბები — ორალური კონტრაცეპტივები და კიბოს რისკი