İrsi yumurtalıq xərçəngi riski olan şəxslər necə izlənməlidir?

İrsi yumurtalıq (over) xərçəngi riski olan qadınlarda müxtəlif yanaşmalarla bu risk azaldıla bilər. Aşağıdakı yanaşmalar tibbi onkologiya və xərçəng genetikası mütəxəssislərinin risk planları ilə xəstəyə təqdim olunur.

Skrininq üsulları

Amerika Milli Xərçəng Təlimatında BRCA1 və/və ya BRCA2 gen mutasiyalı qadınlar üçün skrininq üsulları müəyyən edilmişdir. - Aylıq özünü süd vəzi müayinəsi (18 yaşından başlayaraq) - İldə iki dəfə klinik süd vəzi müayinəsi (25 yaşından etibarən) - İllik süd vəzi MR skrininqi (25 yaşından etibarən) - Ginekoloji çanaq müayinəsi, transvaginal rəngli doppler ultrasəs, CA-125 qan testi (30 yaşından etibarən) - Profilaktik salpinqo-ooforektomiyanın (yumurtalıqların əməliyyatla çıxarılması) nəzərdən keçirilməsi (40 yaş və yuxarı) Eyni zamanda BRCA1 və ya BRCA2 gen mutasiyalı kişilər üçün də skrininq üsulları müəyyən edilmişdir. - Aylıq özünü süd vəzi müayinəsi (30 yaşlarından etibarən) - İllik klinik süd vəzi müayinəsi (30 yaşlarından etibarən) - İllik prostat xərçəngi skrininqi: barmaqla rektal (anusdan barmaqla) müayinə - Marağınızı çəkə bilər: Genlərimiz eqoist ola bilərmi? İrsi xərçənglər və genləri

Hamiləlik və əmizdirmə

Hamiləlik və əmizdirmə yumurtalıq xərçəngi riskini azaldır. Səbəb qadınların hamiləlik dövründə daha az ovulyasiya etməsidir. Çoxsaylı hamiləliklərdə və ya ilk hamiləliyi 26 yaşından əvvəl yaşayan qadınlarda yumurtalıq xərçənginə tutulma riski azalır.

Hamiləlikdən qorunma həbi (oral kontraseptiv) istifadəsi

Hamiləlikdən qorunma həbi istifadəsi yumurtalıq xərçənginə tutulma riskini azaldır. 5 il və ya daha çox belə həb istifadə edən qadınlarda yumurtalıq xərçəngi riski yüzdə 50 daha azdır. - Marağınızı çəkə bilər: Hamiləlikdən qorunma həbləri - oral kontraseptivlər və XƏRÇƏNG RİSKİ