სიმსუქნის მქონეთა COVID-19-ის გამო ჰოსპიტალიზაციის რისკი 2-ჯერ მეტია

მეცნიერებმა ახალი ანალიზების მეშვეობით სიმსუქნეს (ჭარბ წონას) და COVID-19-ს შორის მკაფიო კავშირი დაადასტურეს: სიმსუქნის მქონე ადამიანების ჰოსპიტალიზაციის რისკი %113-ით; ხოლო COVID-19-ის დიაგნოზის, ინტენსიურ განყოფილებაში მკურნალობისა და სიკვდილის რისკები %46 -ით უფრო მაღალი აღმოჩნდა.
სიმსუქნისა და COVID-19-ის შესახებ ამ ახალ კვლევაში იანვრიდან ივნისამდე გამოქვეყნებული კვლევები ხელახლა გააანალიზეს: COVID-19 დიაგნოზის მქონე 399.461 პაციენტის მომცველი 75 კვლევის შედეგები ერთმანეთს შეადარეს. სხვადასხვა კომპონენტის შედარებისას 20 კვლევიდან 18-ში სიმსუქნე COVID-19 დიაგნოზის რისკს ზრდიდა, ხოლო სხვა 19 კვლევაში ყველგან ჰოსპიტალიზაციის რისკის ზრდა დაფიქსირდა. ამასთან, 22 კვლევიდან 21-ში სიმსუქნის მქონეებში ინტენსიური მკურნალობის გაგრძელების რისკი მეტი იყო, 35-დან 27-ში კი ჭარბი წონა სიკვდილის რისკს ზრდიდა. დამატებით 14 კვლევაში სიმსუქნე ვენტილატორზე შეერთების რისკს ზრდიდა. მკვლევრები ამბობენ, რომ ასეთ მკვეთრ მატებას არ ელოდნენ და შედეგები მათთვისაც უაღრესად გასაკვირი იყო.
კვლევის მონაწილე Dr. Popkin ამბობს: „როდესაც საკითხის ბიოლოგიურ მხარეს ვუყურებთ, იმუნური სისტემასიმსუქნის მქონეებში გაცილებით უფრო სუსტი რომ არის, ვიცით. ამიტომ ჭარბი წონით ფილტვის ფუნქციის დარღვევა COVID-19-ის დიაგნოზის მქონეებში უფრო კრიტიკული და მძიმე მდგომარეობების ნახვის მიზეზი ხდება. ასევე ჭარბმა წონამ შეიძლება COVID-19-ის მკურნალობაში გამოყენებული ACE დამთრგუნველი აგენტების მსგავსი წამლების ეფექტიანობაზეც იმოქმედოს “, — ამ სიტყვებით აღნიშნავს, რომ COVID-19 მოსალოდნელზე ბევრად რთული მდგომარეობაა.
ამ მონაცემებზე დაყრდნობით მკვლევრები ამატებენ: „ინფლუენცის (გრიპის) საწინააღმდეგოდ აცრილ პაციენტებში T უჯრედების პასუხისა და ანტისხეულების გამომუშავების რაოდენობის ჭარბწონიანებში უფრო ნაკლებობას ადასტურებს კვლევები. ასევე ვიცით, რომ სიმსუქნე ორგანიზმში მაღალი ანთების დონეს იწვევს და ორგანიზმს დაუცველს ხდის. აქედან გამომდინარე შეგვიძლია ვთქვათ, რომ COVID-19-ისთვის შექმნილი ვაქცინები, ჭარბწონიანებში იმუნური სისტემის დასუსტების გამო უფრო ნაკლებად ეფექტიანი იქნება. ყველაფრის გათვალისწინებით ვაქცინის კვლევებში პაციენტები სიმსუქნის მქონე და არმქონე ჯგუფებად უნდა დაიყოს და ეფექტიანობა ამ გარემოების შეფასებით განისაზღვროს“.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.