სტადია 4 თირკმლის კიბოს 1. ხაზის მკურნალობისთვის Cabozantinib-მა FDA-ს ნებართვა მიიღო

19 დეკემბერს, 2017 წელს, აშშ-ის სურსათისა და წამლის ადმინისტრაციამ FDAსტადია 4 თირკმელუჯრედოვანი კიბოს პირველი ხაზის მკურნალობისთვის cabozantinib-ის შემცველი Cabometyx დაამტკიცა.

Cabozantinib 2016 წელს, მანამდე ანტიანგიოგენური მკურნალობის მიმღებ პაციენტებში, ანუ მეორე ხაზში, დამტკიცდა.

შორსწასული (4.) სტადიის თირკმლის კიბოს პირველ ხაზში ადრე დამტკიცებული იყო ინტერფერონი+ბევაციზუმაბი, პაზოპანიბი (Votrient) და სუნიტინიბი (Sutent).

თირკმელუჯრედოვან კარცინომად წოდებული კიბო თირკმლის ყველაზე ხშირი ტიპია და შემთხვევების %90-ს შეადგენს.

ნებართვა ეფუძნება საშუალო და ცუდი რისკის, მანამდე არანამკურნალები თირკმლის კიბოს 157 პაციენტის რანდომიზებულ, ღია, ფაზა 2 მრავალცენტრულ CABOSUN (NCT01835158) კვლევას. პაციენტები პროგრესირებამდე ან მიუღებელ ტოქსიკურობამდე ყოველდღე პერორალურად Cabometyx-ს (79 პირი) 60 mg ან სუნიტინიბს (78 პირი) 50 mg პერორალურად.

Cabometyx-ის მიმღებებში დაავადების კონტროლი (პროგრესირების გარეშე გადარჩენა) 8.6 თვე, სუნიტინიბით 5.3 თვე იყო. Cabozantinib-ის ჯგუფში პროგრესირების რისკი % 52-ით ნაკლები აღმოჩნდა. Cabometyx-ის პროგრამაში ყველაზე ხშირი (≥% 25) მოვლენებია დიარეა, დაღლილობა, გულისრევა, მადის დაქვეითება, ჰიპერტენზია, პალმარულ-პლანტარული ერითროდისესთეზია (ხელ-ფეხის ალერგია/გამონაყარი), წონის კლება, ღებინება და პირის წყლულები. ჰიპერტენზია, დიარეა, ჰიპონატრიემია (ნატრიუმის ნაკლებობა), ჰიპოფოსფატემია (ფოსფატის ნაკლებობა), დაღლილობა, ALT-ის მატება, მადის დაქვეითება, სტომატიტი, ტკივილი, ჰიპოტენზია და სინკოპე (გულის წასვლა) ყველაზე ხშირი ხარისხი 3. - 4. მოვლენებია (≥% 5).

Cabometyx-ის რეკომენდებული დოზაა დღეში ერთხელ პერორალურად 60 mg.

Cabozantinib მედულარული ფარისებრი ჯირკვლის კიბოსთვისაც დამტკიცებულია და Cometriq სახელით იყიდება. Cometriq-სა და Cabometyx-ს განსხვავებული ფორმულაციები აქვს და ურთიერთჩანაცვლებადი არ არის.