4. mərhələli böyrək xərçənginin 1. xətt müalicəsində Cabozantinib FDA təsdiqi aldı

19 Dekabr 2017-də ABŞ Qida və Dərman İdarəsi FDA4. mərhələli böyrək hüceyrəli xərçəngin birinci xətt müalicəsi üçün cabozantinib aktiv maddəli Cabometyx adlı dərmana təsdiq verdi.

Cabozantinib 2016-cı ildə daha əvvəl antiangiogen müalicə almış xəstələr üçün, yəni ikinci xətdə təsdiq almışdı.

İrəliləmiş (4.) mərhələli böyrək xərçənginin ilk xətt müalicəsində əvvəl FDA tərəfindən təsdiqlənmiş müalicələr interferon+bevasizumab, pazopanib (Votrient) və sunitinib (Sutent) idi.

Renal hüceyrəli karsinoma da adlandırılan böyrək hüceyrəli xərçəng böyrəyin ən çox görülən xərçəng növüdür və böyrəkdə yaranan xərçənglərin %90-ını təşkil edir.

Bu təsdiq orta və zəif riskli, daha əvvəl heç bir müalicə almamış böyrək xərçəngli 157 xəstənin randomizə edildiyi açıq etiketli, faza 2 çoxmərkəzli tədqiqat olan CABOSUN (NCT01835158) məlumatlarına əsaslanırdı. Xəstələr xəstəlik irəliləyənədək və ya qəbuledilməz toksiklik (yan təsir) yarananadək gündəlik oral (ağızdan) yolla Cabometyx (79 nəfər) 60 mg və ya sunitinib (78 nəfər) 50 mg oral yolla.

Cabometyx istifadə edən xəstələrdə müalicə ilə xəstəliyin nəzarətdə saxlanma müddəti (proqressiyasız sağqalım müddəti) 8.6 ay olduğu halda, sunitinib alan xəstələrdə 5.3 ay idi. Nəticədə Cabozantinib alanlarda xəstəliyin irəliləmə riski % 52 daha az tapıldı. Cabometyx klinik proqramında ən çox bildirilən (≥% 25) yan təsirlər ishal, yorğunluq, ürəkbulanma, iştahanın azalması, hipertoniya, palmar-plantar eritrodizesteziya (əl və ayaqlarda allergiya/səpgi), çəki azalması, qusma və ağız yaralarıdır. Hipertoniya, ishal, hiponatremiya (natriumun azalması), hipofosfatemiya (fosfatın azalması), yorğunluq, ALT artımı, iştahanın azalması, stomatit, ağrı, hipotoniya və sinkop (bayılma) ən çox görülən 3. - 4. dərəcəli yan təsirlərdir (≥% 5 nisbətində).

Tövsiyə edilən Cabometyx dozası gündə bir dəfə ağızdan 60 mg-dır.

Cabozantinib həmçinin medulyar qalxanabənzər vəzi xərçənginin müalicəsində də təsdiqlənmişdir və Cometriq ticarət adı ilə satılır. Cometriq və Cabometyx fərqli tərkib formalarına malikdir və bir-birini əvəz etmək üçün istifadə oluna bilməz.