4-cü mərhələ (metastazlı) mədə xərçəngi xəstələrinin diqqətinə!

Müalicədən sonra xəstəliyi irəliləyən xəstələrdə yeni müalicə seçimi "Ramucirumab (Cyramza)" insani məqsədli erkən çıxış proqramı ilə ölkəmizdə əldə edilə bilir.

Mədə xərçəngi, inkişaf etmiş ölkələrdə və bizdə çox vaxt irəli mərhələdə aşkarlanır. Bütün mərhələlər nəzərə alındıqda xəstələrin yalnız %30-u 5 il və daha çox yaşayır. İrəli (4-cü) mərhələ, metastaz vermiş mədə xərçəngində müalicələrlə həyat keyfiyyətini artırmaqla yanaşı ömür müddətini uzatmağa çalışırıq. Uzun illərdir Sisplatin və 5 Fluorourasil (5FU) kimyaterapiyalarına taksan adlandırdığımız dərmanların əlavə edilməsi ömür müddətinə əlavə töhfə vermişdir. İndiyədək hədəfə yönəlmiş müalicələrdən döş xərçəngində tanıdığımız Trastuzumab tərkibli dərman mədə xərçəngli xəstələrin yalnız %20-sində təsirli tapılmışdır.

Mədə xərçəngi biologiyasının aqressivliyi və müalicə uğurlarının azlığı səbəbindən yeni müalicələrə ən çox ehtiyacı olan xərçəng növüdür

Son illərdə bir çox xərçəng növündə xərçəngin qidalanmasını təmin edən damarların quruluşunu pozan dərmanlar FDA tərəfindən təsdiqlənərək beynəlxalq istifadəyə girmişdir. Mədə xərçəngində isə ilk dəfə 2014-cü ildə dərc edilmiş iki tədqiqatla şişin damar quruluşunu pozan Ramucirumab təsirli tapılmışdır. Hər iki tədqiqatda əvvəl müalicə almış və xəstəliyi irəliləmiş xəstələrdə təkbaşına və ya Paklitaksel adlı kimyaterapiya dərmanı ilə kombinə istifadəsi təsirli olmuşdur. Birinci tədqiqatda (RAINBOW) irəli mərhələ mədə xərçəngli, ilk kimyaterapiyadan (Sisplatin+5FU) sonra xəstəliyi irəliləmiş 665 xəstə iki qrupa ayrılmış, birinə Ramucirumab-Paklitaxel kombinasiyası, digərinə yalnız Paklitaxel kimyaterapiyası tətbiq edilmişdir. Ramucirumab qrupunda xəstəliyə nəzarət və ömür müddətlərində əhəmiyyətli uzanma müəyyən edilmişdir.

Ömür müddətində təxminən 2 ay fərq qısa görünsə də, mədə xərçəngi kimi mübarizəsi çox çətin şiş üçün dəyərli hesab edilərək 2014-cü ildə Amerikada FDA tərəfindən təsdiqlənmişdir.

REGARD adlı ikinci tədqiqatda müalicə ilə xəstəliyi irəliləmiş 355 xəstə iki qrupa ayrılmış, Ramucirumab-ın tək istifadəsi plasebo, yəni saxta dərman verilən qrupla müqayisə edilmiş və xəstəliyə nəzarət müddəti ilə ömür müddətində əhəmiyyətli uzanma əldə edilmişdir.

Bu iki tədqiqatın uğurlu nəticələri mədə xərçəngi müalicəsində yeni dərmanın gündəlik praktikamıza daxil olacağının sübutu olmuşdur

Ölkəmizdə Ramurcirumab üçün insani məqsədli erkən çıxış proqramı başlanmışdır və uyğun hesab etdiyimiz xəstələrdə istifadə icazəsi üçün Səhiyyə Nazirliyinə müraciətlə təmin edilə bilər. İrəli mərhələ mədə xərçəngi səbəbindən müalicə almış, xəstəliyi irəliləmiş və müalicə ala biləcək uyğunluqda olan xəstələr onkoloqları ilə danışaraq məlumat ala bilərlər.

İnsani məqsədli erkən dərman çıxış proqramı nədir?

Ölkəmizdə Səhiyyə Nazirliyinin təsdiqlədiyi müalicələri istifadə edib nəticə ala bilməyən, klinik araşdırmalara çatma şansı olmayan və həyatı təhdid edən xəstəliyi olanlara ölkəmizdə təsdiqlənməyib digər ölkələrdə təsdiqlənmiş dərmanların şirkət tərəfindən pulsuz verilməsinə imkan yaradan qaydadır. Ölkəmizdə bu proqramlara çıxış Səhiyyə Nazirliyinin təsdiqi ilə mümkündür.

Daha ətraflı məlumatı Səhiyyə Nazirliyinin Dərman və Əczaçılıq Baş İdarəsinin İnsani Məqsədli Dərmana Erkən Çıxış Proqramı Təlimatından ala bilərsiniz.