Ağıl zəifliyi - demensiya yaşlılıq demək deyil! Ağıl sağlamlığımızı itirmədən nələr edə bilərik?

Ağıl zəifliyi kimi tanınan demensiya xəstəliyi zehni funksiyaların və bacarıqların zəifləməsidir. Bununla belə, demensiya konkret xəstəlik deyil. Yaddaşın və ya digər düşünmə bacarıqlarının insanın gündəlik fəaliyyətlərini yerinə yetirmə qabiliyyətini azaldacaq qədər ciddi azalması ilə bağlı geniş spektrli əlamətləri təsvir edən ümumi termindir.

Demensiyanın yarıdan çoxunu (%60-80) Alzheimer xəstəliyi təşkil edir. İflic / insultdan sonra yaranan damar demensiyasıikinci ən çox görülən demensiya növüdür. Lakin qalxanabənzər vəzi problemləri və vitamin çatışmazlıqları kimi demensiya əlamətlərinə səbəb ola biləcək bir çox başqa hal vardır. Demensiya çox vaxt yanlış olaraq “yaşlanma” və ya “qocalıq ağıl zəifliyi” adlandırılır; bu ciddi zehni zəifləmənin yaşlanmanın normal hissəsi olduğu yayılmış, lakin yanlış inancdır.

Demensiya 21. əsrdə səhiyyə və sosial xidmətlər üçün ən çətin qlobal xəstəliklərdən biridir: dünyada təxminən 50 milyon insan demensiyaya malikdir və bu sayın 2050-ci ilə qədər üç dəfə artacağı gözlənilir.

Yenidən vurğulamaq lazımdır ki, demensiya yaşlanmanın qaçılmaz nəticəsi deyil və aşağıdakı qrafikdə demensiya ilə əlaqəli 9 sağlamlıq və həyat tərzi amili göstərilir; bunlar aradan qaldırılarsa, demensiyanın qarşısı alına bilər. Demensiya yarandıqdan sonra onu müalicə edəcək terapiyalar hələ mövcud olmasa da, demensiya əlamətlərini idarə etməyə kömək edə biləcək və ya demensiyanın qarşısını ala biləcək müdaxilələri aşağıda tapa bilərsiniz.