Akupunktur necə təsir edir sualına mühüm cavab: azot oksidi

Fiziki və psixoloji rahatlama üçün bədənin enerji axını nəzərə alınaraq müəyyən nöqtələrin xüsusi iynələrlə stimullaşdırıldığı müalicə üsuluna akupunktur deyilir. Çinlilər və uyğur türklərinin 5000 ildir tətbiq etdiyi bilinən akupunktur son illərdə daha çox ölkədə istifadə olunmağa başlandı.

Xüsusilə müxtəlif ağrılara yaxşı təsir edən akupunkturun plasebo (tibbi müdaxilə olmasa da, psixoloji təsirlənərək yaxşı hiss etmək) effekti ehtimalı da müzakirə olunur. Lakin May 2017-də Sübuta əsaslanan tamamlayıcı və alternativ tibb jurnalında dərc edilmiş yeni araşdırma akupunkturun elmi yanaşma ilə necə faydalı ola biləcəyindən danışır.

Biokimya və azot oksidi fiziologiyası mütəxəssisi Dr. Sheng-Xing Manın rəhbərliyindəki tədqiqat akupunktura fərqli baxır.

Dr. Ma və komandası 18 ilə 60 yaş arasında təsadüfi seçilmiş 25 qadın və kişi iştirakçıya iynələri yüngül qüvvə ilə, yəni dəri altına yumşaq və az keçəcək şəkildə 20 dəqiqəlik seans etmişlər. İynələr hər 5 dəqiqədən bir 2 dəqiqə ərzində ağrı, keyimə, acı və ya şişmə hiss edilənə qədər əl ilə dərinin altında incə çevrilmişdir. Tədqiqatçılar bununla dəridəki azot oksidininsərbəstləşib dəridən xaric olub-olmayacağını yoxlamışlar. Əsas məqsəd DNAmolekulunu zədələyən azot oksidinin bədəndən xaric edilə bilib-bilməyəcəyini ölçmək olmuş və hazırlanmış vasitə ilə dəridən çıxan azot oksidi səviyyələri ölçülmüşdür.

Sonda akupunkturun tətbiq edildiyi nöqtələrdən azot oksidi ifrazını tətiklədiyi, bunun da yerli qan axınını artıraraq terapiyanın müsbət təsirlərini yaratdığı görülmüşdür.

Bununla akupunkturun elmi dəstəklənməsinə bir qədər yaxınlaşılmışdır. Müxtəlif akupunktur üsulları arasında azot oksidi ifrazı fərqinin ola biləcəyi də sınaqlarla hesablanmışdır, lakin daha çox tədqiqat lazımdır.

Akupunkturxərçəngi müalicə iddiası daşımayan, lakin xərçəngin özünə və ya müalicəsinə bağlı yan təsirlərdə (məsələn, ürəkbulanma, halsızlıq , oynaq ağrıları və menopauzal istilik basmalarında) ciddi töhfə verən tamamlayıcı tibb üsuludur.

Marağınızı çəkə bilər:

• Tamamlayıcı və alternativ tibb üsulları arasındakı fərq nədir?