Antalyalı Şaxta Baba: xeyirxahlığın simvolu və hekayəsi

Şaxta Baba kimi tanınan Müqəddəs Nikolas’ın Antalya Patara'da doğulduğunu və Demredə yaşadığını bilirdinizmi? Şaxta Babanın tanınan digər adlarından bəziləri Hollandiyada Sinterkoas, Fransada Pere Noel, İngiltərədə Father Christmas, ABŞ-da Santa Claus və Almaniyada Heilige Nikolausdur.

Dünyada Şaxta Baba kimi tanınan, xristian dinində yardımın və təvazökarlığın simvolu olan Müqəddəs Nikolasın Antalyanın Kaş rayonuna yaxın Patara antik şəhərində doğulduğuna inanılır. Bu gün muzeyinin yerləşdiyi Demre rayonu e.ə. 5. əsrdə yaşayış mərkəzinə çevrilmiş Likiya sivilizasiyasının 6 böyük şəhərindən biridir. Müqəddəs Nikolas Demre rayonundakı Likiya paytaxtı olan Myra antik şəhərinə getmiş və orada gənc yaşda yepiskop vəzifəsinə yüksəlmişdir. Yeni ilə girərkən arzuları gerçəkləşdirən, bütün sərvətini yoxsullarla bölüşməyi seçən Müqəddəs Nikolasın müxtəlif mənbələrə görə günümüzə çatan hekayəsini sizinlə qısa şəkildə bölüşmək istəyirik.

Şaxta Baba Müqəddəs Nikolasın hekayəsi

Eramızın 270-ci illərində varlı bir tacirin oğlu kimi dünyaya gəldiyi məlumdur. Atası öldükdən sonra Müqəddəs Nikolas qalan mirasının hamısını yoxsullarla bölüşməyə qərar verir.

Rəvayətə görəbir gün Patarada evlənmək yaşında olan, lakin yoxsulluqdan cehizlərini hazırlaya bilməyən 3 bacıya gizlicə maddi yardım etmək istəyir. Gizlicə pəncərələrindən içəri pul kisəsi atmaq istəyərkən pəncərələrin bağlı olduğunu görən Şaxta Baba pul kisəsini bacadan atır. Şaxta Babanın bacadan girib arzuların gerçəkləşməsinə kömək etməsi hekayəsi belə başlayır. Əfsanələrə görə o, xüsusilə uşaqların, yoxsulların, yolçuların və dənizlərin qoruyucusu olmuşdur.

6 Dekabr 343-cü ildə, 65 yaşında həyatını itirdiyi məlumdur. Demre / Myrada yaşayanlar onun xatirəsinə ölümündən sonra kilsə tikdirmiş və sərdabəsinin burada əbədi qalacağına inanmışlar. Memarlıq və üslub baxımından Bizans dövrünün ən mühüm abidələri arasında sayılır. Demredəki kilsənin divarlarında və tavanında Müqəddəs Nikolasa aid mozaikalar, ikonalar və freskalar (divar rəsmləri) vardır. Bəzi rəsmlərdə müqəddəs şəxslərlə birlikdə təsvir edilmişdir. Dünyanın müxtəlif bölgələrində Şaxta Babaya həsr olunmuş 2000-ə yaxın kilsə vardır.

Şaxta Baba xeyirxah, dindar şəxsiyyəti ilə bütün dünyada qoruyucu və yardımsevər müqəddəs kimi tanınır. Özündən çox başqalarının xoşbəxtliyini və ehtiyaclarını düşünən Şaxta Baba əslində bu gün insan psixologiyasına dair aparılan tədqiqatlara gözəl nümunə sayıla bilər. Yalnız pozitiv düşünmək çox vaxt həyata mənalı töhfə vermədiyi halda, pozitiv/müsbət düşüncələri fədakarlıq və xeyirxahlıqla dəstəkləmək həm öz həyatımızı, həm də başqalarının həyatını gözəlləşdirə bilər.

Arzu edirik ki, yeni ildə xoşbəxtliyiniz və sağlamlığınız sevdiklərinizlə artsın…

Əlaqəli mövzu:

• Fədakar insanlar daha xoşbəxt yaşayır
• Pozitiv münasibət süd vəzi xərçəngi olan şəxslərin ömür uzunluğuna təsir edirmi?