Cobimetinib

10 noyabr 2015 tarixində FDA təsdiqi alan Cobimetinib (Cotellic®) cərrahi yolla çıxarıla bilməyən və ya BRAF V600E, yaxud V600K mutasiyasına (dəyişikliyinə) malik, uzaq toxumalara yayılmış (metastatik)bədxassəli melanomalı xəstələrdə vemurafenib adlı dərmanla birlikdə istifadə olunur. Cobimetinib melanomanın genetik quruluşundan asılı olaraq hər xəstədə istifadə oluna bilmir.

Hüceyrələrin çoxalmasını təmin edən MAPK (mitogen – aktivator zülal kinaz)/MEK1 və MEK2 (hüceyrəxarici siqnalla əlaqəli kinaz) adlı quruluşların işləməsinə mane olan Cobimetinibin ən çox görülən yan təsirləri ishal, ürəkbulanma, yüksək hərarət, qusma və günəş şüalarına həddindən artıq həssaslıqdır.