Diş əti — periodontal xəstəlik bir çox xərçəng üçün risk yaradır

Ağız gigiyenası dişlərin qorunmasında və diş əti xəstəliklərinin qarşısının alınmasında vacibdir. Lakin yeni tapıntılar diş fırçalamağın, diş sapından istifadənin və müntəzəm diş yoxlamalarının sağlam təbəssümdən çox daha geniş faydalar verdiyini göstərir. Amerikada bu yaxınlarda tamamlanan genişmiqyaslı tədqiqatda bunu dəstəkləyən güclü məlumatlar paylaşılmışdır. Buna görə periodontal xəstəlik tarixçəsi olan postmenopauzal (menopauzadan sonrakı dövr) qadınlarda xüsusilə döş, qida borusu, ağciyər, öd kisəsi və dəri xərçəngi (melanoma) olmaqla xərçəng üçün ümumi risk artımı olduğu iddia edilir.

Periodontal xəstəlik nədir?

Periodontal xəstəlik, diş əti toxumasına və dişləri dəstəkləyən sümük quruluşuna təsir edən xroniki, iltihablı xəstəlikdir. Müalicə olunmadıqda diş itkisinə də səbəb ola bilər. Dünyada və ölkəmizdə düşünüldüyündən daha çox rast gəlinən bu xəstəlik ABŞ-da 30 yaş və yuxarı böyüklərin %47-sinə təsir edir, 65 yaş və yuxarıda isə %70 nisbətində görülür.

Ümumi xərçəng riskini %14 artırır

Tədqiqatda 66 min postmenopauzal qadın təxminən səkkiz il yarım izlənilmiş, periodontal xəstəlik tarixçəsinin %14 artmış ümumi xərçəng riski ilə əlaqəli olduğu müəyyən edilmişdir. Həmçinin heç siqaret çəkməmiş 34 min şəxsdə periodontal xəstəliyin yenə oxşar şəkildə ümumi xərçəng riskini %12 artırdığı müşahidə edilmişdir.

Tədqiqat nəticələrinə görə;

• Tədqiqatda döş xərçəngi %13, ağciyər xərçəngi %31, qida borusu xərçəngi 3 dəfə, öd kisəsi xərçəngi %73 və dəri xərçəngi melanoma riski %23 artaraq periodontal xəstəliklə nahiyəyə xas xərçənglər arasında fərqli əlaqə müşahidə edilmişdir.
• Mədə xərçəngi ilə sərhəddə əlaqə aşkarlanan tədqiqatda maraqlıdır ki, ağız və ətrafına aid (ağız boşluğu, dodaq, boğaz kimi) xərçənglər arasında riski əhəmiyyətli dərəcədə artıran əlaqə aşkarlanmamışdır. Yenə oxşar şəkildə periodontal xəstəliklə mədəaltı vəzi, qaraciyər, bağırsaq, sidik və cinsiyyət orqanları xərçəngləri arasında əlaqə tapılmamışdır.

Əvvəlki tədqiqatlarda periodontal xəstəliklərin döş xərçəngi, ağızdaxili və qida borusu xərçəngləri üçün risk amili olduğu göstərilmişdi. Lakin bu tədqiqat yenə maraqlı sayıla biləcək şəkildə siqaret çəkmədən asılı olmayaraq periodontal xəstəlik və xərçəng riskinin davam etdiyini göstərmişdir. Bununla belə, siqaret və tütünün ağızdaxili xərçənglərin ən mühüm səbəbi olduğu unudulmamalıdır.

Periodontal xəstəliklər qarşısı alına bilən, idarə olunan və bir çox halda müalicə edilə bilən xəstəlikdir. Təkcə ağız gigiyenasına diqqət belə xərçəng daxil olmaqla bir çox sistemik xəstəliyin qarşısının alınmasında təsirli ola bilər. Ağız baxımı vərdişinin yaranması və daimi olması üçün bu vərdişin kiçik yaşlarda qazanılması vacibdir. Xahiş edirik, bu mövzuda həm özümüz, həm də uşaqlarımız üçün lazımi həssaslığı göstərək.

Marağınızı çəkə bilər:

• Siqareti necə tərgidə bilərəm?