Əməliyyatla çıxarıla bilməyən və ya 4-cü mərhələ melanoma üçün Opdualag FDA təsdiqi aldı

Əməliyyatla çıxarıla bilməyən və ya metastatik (4-cü mərhələ) bədxassəli melanomalı 12 yaş və yuxarı yetkin və pediatrik xəstələrin birinci xətt sistemli müalicəsi üçün nivolumab və relatlimab-rmbw kombinasiyası (Opdualag, Bristol-Myers Squibb Company) 18 mart 2022-ci ildə FDA (ABŞ Qida və Dərman İdarəsi) təsdiqi alıb. Opdualag, LAG-3 bloklayan anticisim relatlimab ilə proqramlaşdırılmış ölüm reseptoru-1 bloklayan anticisim nivolumabın sabit dozalı kombinasiyasıdır.

Opdualag-ın təsir mexanizmi necədir?

LAG-3 və PD-1 immun sisteminin T hüceyrələrini passivləşdirən iki fərqli immun nəzarət nöqtəsidir. LAG-3 bloklayan relatlimab və PD-1 bloklayan nivolumab kombinasiyasının əvvəl müalicə edilmiş melanomada təhlükəsiz və şişə qarşı fəal olduğu göstərilmişdi; əvvəl müalicə edilməmiş melanomada effektivliyi araşdırmaq üçün II/III faza RELATIVITY-047 tədqiqatı aparılıb.

Aşağıda relatlimab və nivolumabın təsir mexanizmi sadə təsvir edilib:

Opdualag-a FDA təsdiqi gətirən RELATIVITY-047 işinin təfərrüatları

İkiqat kor klinik işə Şimali, Mərkəzi, Cənubi Amerika, Avropa, Avstraliya və Yeni Zelandiyadan 714 xəstə 2018-ci ilin mayından 2020-ci ilin dekabrına qədər relatlimab/nivolumab (355 xəstə) və ya tək nivolumab (359 xəstə) almağa təsadüfi təyin edilib.

Müalicə xəstəlik irəliləyənə və ya qəbuledilməz yan təsirə qədər hər 4 həftədə 160 mg relatlimab və 480 mg nivolumab kombinasiyasından və ya tək 480 nivolumabdan ibarət olub.

Təbəqələndirmə amilləri;

• LAG-3 ifadə statusu (pozitiv boyanan immun hüceyrələrinin ≥ %1-i və ya < %1-i) və
• PD-L1 ifadə statusu (şiş hüceyrələrinin ≥ %1-i və ya < %1-i) kimi müəyyən edilib.

Əsas sonlanma nöqtəsi kor müstəqil mərkəzi qiymətləndirmə ilə ölçülən proqressiyasız sağqalım olub.

Nəticələr

• 2021-ci ilin martında təhlildə median izləmə 13.2 ay olub.
• Median proqressiyasız sağqalım relatlimab/nivolumab qrupunda 10.1 ay (95% etibarlılıq intervalı [EI] = 6.4–15.7 ay), nivolumab qrupunda 4.6 ay (95% EI = 3.4–5.6 ay) olub (risk nisbəti [HR] = 0.75, 95% EI = 0.62–0.92, P = .006).
• 12-ci ayda PFS göstəriciləri 47.7% (95% EI = 41.8%-53.2%) və 36.0% (95% EI = 30.5%-41.6%) olub.
• Kombinə müalicə şiş yükü, LDH səviyyəsi və başqa proqnostik amillərdən asılı olmayaraq daha yaxşı proqressiyasız sağqalım göstərib.

Opdualag yan təsirləri

• Ciddi (3-cü və ya 4-cü dərəcə) yan təsirlər relatlimab/nivolumab qrupunun 40.3%-ündə, nivolumab qrupunun 33.4%-ündə yaranıb; 18.9%-a qarşı 9.7%-də müalicə ilə əlaqəli sayılıb.
• Relatlimab/nivolumab qrupunda hər dərəcədə müalicəyə bağlı ən yayılmış yan təsirlər qaşınma (23.4%-ə qarşı 15.9%), yorğunluq (23.1%-ə qarşı 12.8%) və səpgidir (15.5%-ə qarşı 12.0%); ən yayılmış 3-cü və ya 4-cü dərəcəli yan təsir yorğunluq olub (1.1%-ə qarşı 0.3%).
• İnfuziya ilə əlaqəli reaksiyalar xəstələrin 5,9%-una qarşı 3,6%-sında yaranıb.
• Relatlimab/nivolumab qrupunda hər dərəcədə ən yayılmış immun vasitəli yan təsirlər hipotireoz və ya tiroidit (18.0%-ə qarşı 13.9%), səpgi (9.3%-ə qarşı 6.7%), ishal/kolit (6.8%-ə qarşı 3.1%); ən yayılmış 3-cü və ya 4-cü dərəcəli hadisələr hepatit (3.9%-a qarşı 1.1%) və böyrəküstü vəzi çatışmazlığıdır (1.4%-ə qarşı 0%).

Opdualag dozası

Ən azı 40 kg çəkili 12 yaş və yuxarı yetkin və pediatrik xəstələr üçün tövsiyə olunan doza xəstəlik irəliləyənə və ya qəbuledilməz toksikliyə qədər hər 4 həftədə venadaxili 480 mg nivolumab və 160 mg relatlimabdır. 12 yaş və yuxarı, 40 kg-dan az çəkili pediatrik xəstələr üçün doza müəyyən edilməyib.