Flexner hesabatı 1910 – Tibb təhsilində inqilab

1900-cü ildə Amerika Birləşmiş Ştatlarının böyük hissəsində tibb fakültəsində təhsil kifayət qədər qeyri-rəsmi idi. Qəbul standartları yumşaq idi və bir çox halda yalnız orta məktəb təhsili tələb olunurdu. 

Tibb tarixinin dönüş nöqtələrindən biri amerikalı pedaqoq Abraham Flexnerin apardığı Medical Education in the United States and Canada adlı araşdırmanın 1910-cu ildə nəşr edilməsi ilə baş verdi. Bu gün Amerika tibb təhsilinin böyük hissəsi bu hesabatın tövsiyələrinə əsaslanır.

Flexner araşdırma aparmaq üçün ABŞ və Kanadadakı bütün tibb fakültələrini ziyarət etdi. Ziyarət etdiyi bəzi məktəblər, xüsusilə Johns Hopkins Universitetinin Tibb Fakültəsi və Wake Forest Universitetinin Tibb Fakültəsi yüksək qiymətləndirilsə də, mövcud "özəl" məktəblər narahatlıq doğururdu. Bir neçə həkimin idarə etdiyi, universitet və ya kolleclə əlaqəsi olmayan kiçik kommersiya müəssisələrinə çevrilmiş bu məktəblərdə müəllimlərin çoxu adətən son təcrübə və yeniliklərdən xəbərsiz yerli həkimlər idi.

Flexner hesab edirdi ki, tibb fakültələri orta məktəb təhsili ilə yanaşı, ən azı iki il fundamental elmlərin tədris olunduğu universitet və ya kollec təhsili tələb etməlidir. Hesabata görə, 155 tibb fakültəsindən yalnız 16-sı bu meyarlara uyğun idi. O, həmçinin tibb təhsilinin dörd il davam etməsini təklif etdi- ilk iki il fundamental elmlərə, son iki il isə praktik klinik təhsilə ayrılırdı.- Flexner belə deyirdi: "Tibb təhsili həm öyrənməyi, həm də necə öyrənəcəyini öyrənməyi əhatə edir; tələbə bunu necə edəcəyini bilmədiyi müddətdə səmərəli şəkildə bilik əldə edə bilməz." 1935-ci ilə gəldikdə ABŞ-də yalnız 66 tibb fakültəsi fəaliyyət göstərirdi. Flexner hesabatının mümkün mənfi tərəfi Afrika mənşəli amerikalıları, qadınları və aşağı təbəqədən olan tələbələri qəbul edən kənd yerlərindəki və kiçik özəl məktəblərin məcburi bağlanması idi. Flexnerin tövsiyələri tətbiq edildikdən sonra tibb təhsili adətən yalnız yuxarı təbəqədən olan ağdərili kişilər üçün əlçatan səviyyəyə gəldi. Tibb Fakültəsinə Qəbul Testi (MCAT) tibb fakültələrinə qəbul üçün standartlaşdırılmış test kimi 1928-ci ildə yaradıldı.

Məqalə şəklinin təsviri: 1765-ci ildə Amerika koloniyalarında ilk tibb məktəbi kimi yaradılmış Pennsylvania Tibb Məktəbinin John Morgan binası

Məqalədə adı çəkilən tarixi şəxslər: Abraham Flexner (1866–1959)

• Əvvəlki mövzu: Ehrlichin sehrli güllələri 1910 – Hədəf: Kimyəvi reseptorlar
• Növbəti mövzu: Soyuqdəymə 1914 – Mövsümi qriplər