Laparoskopik cərrahiyyə 1981 – Bədənin kamera ilə öyrənilməsində ikinci addım

Laparoskopik cərrahiyyə, həmçinin açar dəliyi cərrahiyyəsi və ya minimal invaziv cərrahiyyə kimi də adlandırılır və kiçik kəsiklər vasitəsilə həyata keçirilir.

Endoskop, mütəxəssislərə adətən ağız kimi mövcud dəlikdən bədənin içinə baxmağa imkan verən boruşəkilli cihazdır. Qarın və ya çanaq cərrahiyyəsində çox vaxt laparoskop istifadə olunur; o, laparoskopun ucuna yerləşdirilən yük əlaqəli cihaz kimi rəqəmsal elektron hissələr ehtiva edir və video görüntülərini qeydə alır. Bundan əlavə, fiber-optik sistem bədənin daxilində işıqlandırma təmin edir. 

Endoskopik prosedurlarda alətlər adətən endoskopun özündəki kiçik kanallardan keçirildiyi halda, laparoskopik cərrahiyyədə alətlər adətən bədənə giriş qapısı kimi istifadə edilən trokarlar (itiuclu cərrahi millər) vasitəsilə keçirilir. Bu, cərrahi alətlərin idarə olunması üçün ayrı kanallar təmin edir. Laparoskopik cərrahiyyənin ənənəvi cərrahiyyə ilə müqayisədə bir neçə potensial üstünlüyü var;

• Daha az qanama,
• Xəstənin daha sürətli sağalması,
• Daha az ağrı 
• Daha az çapıq
• Daha az infeksiya

Laparoskopik prosedurların qabaqcılları arasında bu adlar yer alır;

• Təxminən 1910-cu ildə başlayan isveçli həkim Hans Jacobaeus ilk prosedurları həyata keçirmişdir.
• Alman cərrah Kurt Semm 1981-ci ildə ilk laparoskopik appendektomiyanı həyata keçirdi. 
• Alman cərrah Erich Mühe (1985-ci ildə) və fransız cərrah Philippe Mouret (1987-ci ildə) ilk laparoskopik xolesistektomiyaları (öd kisəsinin çıxarılmasını) həyata keçirdilər. 

Bununla belə, görüntülərin böyüdülərək televiziya ekranlarına ötürülməsinə imkan verən video kompüter çipinin hazırlanmasından sonra laparoskopik cərrahiyyə üsullarının ümumi cərrahiyyəyə inteqrasiyası 1986-cı ildə baş verdi.

Dr. Shelly Spaner və Dr. Garth Warnock belə yazmışdı: "Laparoskopik cərrahiyyə texnikasının əhali tərəfindən sürətlə qəbul edilməsi cərrahiyyə tarixində misilsizdir. Ümumi cərrahiyyə sahəsində hər hansı cərrahi mərhələdən daha köklü və daha sürətli dəyişiklik yaradıb."

Yazıda adı çəkilən tarixi şəxslər: Georg Kelling (1866–1945), Hans Christian Jacobaeus (1879– 1937), Kurt Karl Stephan Semm (1927–2003), Philippe Mouret (1938–2008), Erich Mühe (1938–2005)

• Əvvəlki mövzu: Fetal cərrahiyyə 1981 – Ana bətnindəki körpənin əməliyyat edilməsi
• Sonrakı mövzu: Prionlar 1982 – Anormal zülalların səbəb olduğu xəstəliklər