Prostat əməliyyatından əvvəl intensiv hormon basqısı ilə patoloji tam cavab

Regional irəli prostatda, radikal prostatektomiyadanəvvəl, neoadjuvant (kiçildici) müalicə kimi enzalutamid və löprolid ilə hormon basqılanmasına abirateron və prednizon əlavə edilməsi patoloji tam cavab və minimal qalıq xəstəlik göstəricisini artırıb. Araşdırma aprel 2019-da Journal of Clinical Oncology jurnalında verildi.
Açıq çoxmərkəzli, faza-II tədqiqatda, 75 xəstə 2-yə 1 ayrıldı:
- 1-ci qrupda 50-yə, abirateron 1.000 mg / gün, enzalutamid 160 mg / gün, löprolid hər 12 həftə 22.5 mg, prednizon 5 mg / gün, 24 həftə verildi. Sxem, ELAP adlandı.
- 2-ci qrupda 25-yə enzalutamid 160 mg / gün, löprolid hər 12 həftə 22.5 mg, 24 həftə (EL).
- Hər ikisinə sonra radikal prostatektomiya edildi.
- Prostat, maqnit rezonansında görüntüsündə T3 (prostat kapsulunu aşmış şiş) vardı. Limfa vəziləri <20 mm olmalı idi. Gleason balı 4 + 3 = 7 və yuxarı, PSA> 20 ng / mL və ya yuxarı olmalıydı.
Əsas sonlanım əməliyyatla alınan prostat toxumasında heç bir xərçəng hüceyrəsi qalmamasını bildirən patoloji tam cavab və ya ≤5 mm şiş qalması olan minimal qalıq xəstəlik idi. Əksəriyyət (% 87) ABŞ Milli Hərtərəfli Xərçəng Şəbəkəsi (NCCN®) meyarınca yüksək riskli idi.
Cavab
- ELAP-da tam cavab və ya minimal qalıq % 30 idi (50 xəstədən 15). Bu qrupda %10 tam patoloji cavab vardı.
- EL-də tam cavab və ya minimal qalıq %16 idi (% 25 xəstədən 4-ü). Tam cavab % 8 tapıldı. Fərqlər statistik əhəmiyyətə çatmadı (p=0.263).
- Cərrahi sərhəd və limfa müsbətliyi oxşar idi.
- Molekulyar profildə ERG müsbət və PTEN itkili şişlərdə qalıq həcm daha böyük idi. Hər ikisinin pis nəticə ilə əlaqəli olduğu düşünüldü.
Yan təsirlər
- Hər ikisi yaxşı qəbul edildi.
- ELAP-da hər dərəcə və 3-cü hipertoniya, ALT, AST xaric oxşar idi.
- 4-cü (xəstəxana tələb edən) təsir yox idi.
Nəticədə,, bu kiçik iş prostatın neoadjuvant (əməliyyatöncəsi kiçildici) müalicəsində intensiv hormon basqısı ilə indiyədək ən yaxşı nəticə göstərir. Amma ELAP-ın residiv və ümumi sağqalım təsirini qiymətləndirmək üçün uzun izləmə lazımdır.
Mənbələr
Evaluation of Intense Androgen Deprivation Before Prostatectomy: A Randomized Phase II Trial of Enzalutamide and Leuprolide With or Without Abiraterone.
J Clin Oncol. 10 April 2019.
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.