ადრეული სტადიის სემინომის ოპერაციის შემდეგ: ადიუვანტური კარბოპლატინი თუ აქტიური დაკვირვება?
15 აპრილს, 2016 წელს, Oncology-ში გამოქვეყნებული კვლევის მიხედვით, ადრეული სტადიის სემინომის (სათესლე ჯირკვლის კიბოს) პაციენტებში, რომლებსაც ოპერაციის შემდეგ განმეორების დაბალი ალბათობა აქვთ, ადიუვანტური (დამცავი) ქიმიოთერაპიის ნაცვლად მედიკამენტების გარეშე აქტიური დაკვირვება შეიძლება გამოიყენებოდეს.
სათესლე ჯირკვლის კიბო იშვიათია, თუმცა 15-35 წლის მამაკაცებში ყველაზე ხშირი კიბოა. მისი უმრავლესობა (%90-ზე მეტი) სპერმის წარმომქმნელ, ჩანასახოვან უჯრედებად ცნობილ უჯრედებში ვითარდება. არსებობს ჩანასახოვანუჯრედული სიმსივნის ორი ტიპი:
- სემინომა
- არასემინომა (არასემინომური)
ამ ორი ტიპის უჯრედები მიკროსკოპში ძალიან განსხვავებულად გამოიყურება და მკურნალობის მიდგომებიც განსხვავდება.
სემინომების %95-ზე მეტს კლასიკურ სემინომას უწოდებენ და იგი ყველაზე ხშირად 25-45 წლის მამაკაცებში გვხვდება.
ამ ბმულიდან სათესლე ჯირკვლის კიბოს სიმპტომებისწაკითხვა შეგიძლიათ.
სათესლე ჯირკვლის კიბოს მკურნალობა დაავადების ტიპზე (სემინომა, არასემინომა და შერეული ჩანასახოვანუჯრედული სიმსივნეები) და სტადიაზეა დამოკიდებული.
სტადია-1 (ადრეული) სემინომის სტანდარტული მკურნალობა ორქიექტომიის სახელით ცნობილი ოპერაციის შემდეგ ადიუვანტური (პროფილაქტიკური) ქიმიოთერაპიაა. ვინაიდან ამ პაციენტებში განმეორების ალბათობა დაბალია, პროფილაქტიკური ქიმიოთერაპიის საჭიროება დიდი ხანია კითხვის ნიშნის ქვეშ დგას. სწორედ ამ კითხვაზე იძლევა მნიშვნელოვან პასუხებს ჩვენი სტატიის კვლევა. ეს მრავალცენტრული, პროსპექტიული კვლევა კლინიკური სტადია-1 სემინომის (ადრეული სათესლე ჯირკვლის სიმსივნის) მქონე 897 პაციენტს მოიცავს.
პაციენტები კვლევაში აქტიურად 2007-2010 წლებში ერთვებოდნენ; მედიანური დაკვირვება 5.6 წელი იყო; 469 პაციენტს კარბოპლატინის ერთი დოზა მიეცა, 422 კი მედიკამენტების გარეშე აქტიური დაკვირვების ქვეშ იყო.
კიბოს უჯრედების rete testis-ის უბანში ინვაზია (შეჭრა) და სიმსივნის 4 cm-ზე დიდი დიამეტრი დაავადების განმეორების (რეციდივის) ნიშნებად განისაზღვრა და მათ „რეციდივის მიმანიშნებელი რისკფაქტორები“ ეწოდა.
რისკფაქტორების არმქონეებში განმეორების სიხშირე უმკურნალოდ დაკვირვების ჯგუფში %4, ერთდოზიანი ადიუვანტური კარბოპლატინის ჯგუფში კი %2,2 იყო; ერთი ან ორი რისკფაქტორის მქონეებში რეციდივი უმკურნალოდ დაკვირვებისას %15,5, ქიმიოთერაპიისას კი %9,3 იყო.
დასკვნის სახით, რისკფაქტორების არმქონე ადრეული სტადიის (კლინიკური სტადია-1) სემინომის პაციენტები ოპერაციის შემდგომ სტანდარტულ ადიუვანტურ ქიმიოთერაპია კარბოპლატინს მნიშვნელოვან სარგებელს არ იღებენ და მათ რეციდივის დაბალი ალბათობა აქვთ.
წყაროები
Treatment of stage I seminoma, with one course of adjuvant carboplatin or surveillance, risk-adapted recommendations implementing patient autonomy, a report from the Swedish and Norwegian Testicular Cancer Group (SWENOTECA).
Ann Oncol. 2016 Apr 6. pii: mdw164.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.