აღმოაჩინეს ახალი ცილა, რომელიც კიბოს იმუნური სისტემისგან გაქცევას უზრუნველყოფს

კიბოს უჯრედების 10 ძირითადი თვისებიდანერთ-ერთია იმუნური სისტემისთვის საკუთარი თავის უხილავად ქცევის სწავლა. იმუნური საკონტროლო წერტილების ცილებისაღმოჩენით რევოლუციური ახალი თაობის იმუნოთერაპიები შეიქმნა. ივლისში 2019 წელს Nature ჟურნალში გამოქვეყნებულ კვლევაში აღმოაჩინეს იმუნური უჯრედებისთვის კიბოს უხილავობის უზრუნველმყოფი CD24 ცილა. ამან შეიძლება საკვერცხისა და ძუძუს კიბოს ეფექტიან მკურნალობას გზა გაუხსნას.
მაკროფაგები, კიბოს აღმომჩენი და გამანადგურებელი იმუნური უჯრედებია. თუმცა კიბოს უჯრედებმა მათგან დასამალად სტრატეგიები შექმნა. ერთ-ერთია ნორმალურ უჯრედებში არსებული ცილების იმუნური სისტემის წინააღმდეგ გამოყენება. ორი ასეთი სიგნალია PD-1 და CTLA-4 , რომლებიც ადრე აღმოაჩინეს. ამან რევოლუციური იმუნური საკონტროლო წერტილების ინჰიბიტორებისშექმნა გახადა შესაძლებელი. გასულ წელს მათ აღმომჩენ ორ მეცნიერს ნობელის პრემია მიენიჭა. ადრე აჩვენეს, რომ PD-L1, CD47 და Beta-2 მიკროგლობულინიც იმუნური სისტემის წინააღმდეგ გამოიყენება. CD47-ის დამბლოკავი ანტისხეულები კლინიკურად გამოიცდება; PD-L1 ან PD-1 სამიზნის პრეპარატები კი სხვადასხვა კიბოში აქტიურად გამოიყენება.
კლინიკურ კვლევებში ზოგ პაციენტს anti-CD47 ანტისხეულზე პასუხი არ ჰქონდა. მკვლევრებმა მათში ალტერნატიული სასიგნალო გზების არსებობა შეამოწმეს. ჯერ კიბოში ჭარბად წარმოებული ცილები შეისწავლეს.
ანალიზით აღმოჩნდა, რომ
- CD24 ცილა, კიბოს უჯრედებში უფრო მეტია.
- სიმსივნემდე მისული მაკროფაგები CD24 სიგნალს SIGLEC-10 სახელწოდების რეცეპტორით იღებდა (იხილეთ სურათი). ასე ისინი კიბოს უჯრედებს მეგობრებად აღიქვამდა. ადამიანის მაკროფაგებისა და კიბოს უჯრედების ანალიზში ლაბორატორიული ანტისხეულით CD24 გზის ბლოკირების შემდეგ მაკროფაგები კიბოს ესხმოდა თავს.
- ძუძუს კიბოს თაგვის მოდელებში CD24 გზის ბლოკირებისას მაკროფაგები ეფექტიანად ესხმოდა კიბოს უჯრედს.
- ასევე დადგინდა, რომ CD24 და CD47 გზები ერთად მუშაობს. საკვერცხისა და ძუძუს კიბო anti-CD27 ანტისხეულებისადმი უფრო მგრძნობიარე აღმოჩნდა.

რას ნიშნავს კვლევა ჩვენთვის?
- აღმოაჩინეს მეორე მთავარი გზა, რომელიც კიბოს იმუნური სისტემისთვის უხილავს ხდის. CD27 და CD24 ცილებმა შეიძლება ახალი ეფექტიანი მკურნალობებისკენ გზა გახსნას.
- უნდა აღინიშნოს, რომ კვლევა ჯერ პრეკლინიკური პრეპარატის შექმნის ეტაპზეა. დამატებითი ანალიზი და კლინიკური კვლევაა საჭირო.
- განსაკუთრებით ძუძუსა და საკვერცხის კიბოს ეფექტიანი იმუნოთერაპია შეიძლება შეიქმნას.
წყაროები
CD24 signalling through macrophage Siglec-10 is a target for cancer immunotherapy.
Nature, 31 July 2019.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.





მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.