ემოციების მართვა კიბოსთან ბრძოლის დროსაც შესაძლებელია: ექსპრესიული ხელოვნების თერაპია!

საფრთხის შეგრძნების მომენტში ტვინის ნაწილი — ამიგდალა უფრო აქტიურად მუშაობს. ის ემოციურ მოვლენებთან დაკავშირებული მეხსიერების ჩამოყალიბებასა და შენახვაში მნიშვნელოვანია. შეიძლება ითქვას, ტრავმირებულთა ტვინმა „გადარჩენისთვის ბრძოლა“ გაიარა. სიცოცხლის დაკარგვის შიშის განცდის შემდეგ, რეალური სასიკვდილო საფრთხის გარეშეც, სტრესისა თუ საფრთხის შეგრძნებისას ტვინი იმ მოგონებას იხსენებს და რეაგირებს. ტრავმის გახსენების ან მისი შემახსენებელი სტიმულისას ინსტინქტურად ერთვება „იბრძოლე — გაიქეცი — გაშეშდი“ პასუხი. ამ დროს გადაწყვეტილების მიმღებ ქერქს შეიძლება აღარ შეეძლოს:

• რაც სათქმელია, სიტყვებით თქვას
• არჩევანი ან გადაწყვეტილება მიიღოს 
• პრობლემები გადაჭრას

სტრესისა და შფოთვისას ტვინი ბევრ აზრსა და გეგმას უკუაგდებს. ამიტომ შიშისა და შფოთვისას ჯანსაღი აზროვნების გაძნელება ბუნებრივია. შეგვიძლია შევჩერდეთ და ვკითხოთ საკუთარ თავს: „რა მიტრიალებს თავში?“, „ახლა ჩემს გონებაში შფოთვა რას ჰგავს?“

ძლიერი შფოთვისა და შიშისას ტვინი ადრენალინის (გულისცემისა და წნევის გამზრდელი ჰორმონის) სიმრავლეში ერთგვარ დახრჩობას განიცდის. ეს არაცნობიერი გამოცდილება თითქმის ყველას გვქონია. კარგი ამბავია, რომ ექსპრესიული ხელოვნებით შიშისა და შფოთვის გაკონტროლება და ემოციების მართვა შეგვიძლია.

1) გონება ავარჯიშეთ: როცა ამას იგრძნობთ, გახსოვდეთ, რომ ბუნებრივია და ბუნების ნაწილია. არჩეული ხელოვნების აქტივობისთვის მოემზადეთ; არავინ ელის, რომ ხელოვანი იყოთ. ხელოვანებიც დიდი ხანია რეალობისგან თავისუფლად ხატავენ. მაგალითად ქვემოთ მოცემული ნახატი

Picasso-ს დახატული თევზის დანახვისას კაცი ამბობს: „ეს თევზს საერთოდ არ ჰგავს“. Picasso: „ის ისედაც თევზი კი არა, ნახატია“

2) სხეულს მოუსმინეთ: ჰკითხეთ თავს, სხეულში ყველაზე მეტად სად გრძნობთ ამ შფოთვასა და დახრჩობას. ადრე განხილული Body Outline; სხეულის კონტურის სავარჯიშო შეიძლება ძალიან სასარგებლო იყოს.

3) იმოქმედეთ: ენერგიის არქონის შემთხვევაშიც სცადეთ მოტივაცია და დიდ ფურცელზე ფერადი ნაკაწრებიც გააკეთეთ. დგომა, ხელების ფართო წრეებით მოძრაობა, ხატვისა და ფერის შესახებ ფიქრის გარეშე მიშვება და მხოლოდ თქვენთვის ყველაზე ლამაზი ფერის თავისუფლად გამოყენება დაგეხმარებათ.

4) გაიმეორეთ: რეგულარულად შესრულებისას უფრო სასარგებლო ხელოვნების აქტივობების მაგალითებისა და პრაქტიკებისთვის ჩვენს წინა სტატიებს შეგიძლიათ მიმართოთ.

შეჯამებით, ექსპრესიული ხელოვნება შფოთვისა და შიშისას, ტრავმის შემდეგ ემოციების მართვის დამხმარე თერაპიას ჰგავს. მაგალითად, ხატვა აირჩიეთ და გინდათ „ფოტოსავით“ ან „ნამდვილივით“ გამოვიდეს. სამწუხაროდ, ემოციებს მხოლოდ მაშინ ვმართავთ, როცა ამგვარად დახატვის შფოთვისგან თავისუფალი და მშვიდი ვართ.

მაშინ ამ მოკლე ამბის გახსენება სასარგებლოა:

სხვა დროს კაცი Picasso-ს ეკითხება: „რატომ არ ხატავთ რეალობის მსგავსად?“ Picasso: „რეალობის მსგავსად რას გულისხმობთ?“ კაცი საფულიდან მეუღლის ფოტოს იღებს და აჩვენებს. Picasso პასუხობს: „თქვენი მეუღლე თქვენც ძალიან პატარა და ცოტა ბრტყელი არ გეჩვენებათ?“