იოგა პროსტატის კიბოს მკურნალობისას მამაკაცებში გვერდით მოვლენებს ამცირებს და ცხოვრების ხარისხს ზრდის

ინტეგრაციული ონკოლოგიის საზოგადოების 12-ე საერთაშორისო კონფერენციის კვლევით, პროსტატის კიბოს რადიოთერაპიისას იოგა შეიძლება სასარგებლო იყოს.

ამ პირველ ახალ კვლევაში ინტენსიური იოგის მონაწილეებს უკეთესი საერთო ცხოვრების ხარისხი და ნაკლები ხშირი გვერდითი მოვლენა, მაგალითად დაღლილობა, არაჯანსაღი სქესობრივი ცხოვრება და შარდის შეუკავებლობა ჰქონდათ.

ონკოლოგიური დაღლილობა განსხვავდება ჩვეულებრივი დაღლისგან, რომელიც დასვენებითა და ძილით გადის. იგი ცხოვრების ხარისხს ტკივილზე მეტადაც ამცირებს. კვლევებით რადიოთერაპიის მიმღებთა %60 - %90-ში გვხვდება. გარდა ამისა, პროსტატის კიბოს ყველა პაციენტის %21-%85-ში ერექციის პრობლემა, %24-ში კი შარდის შეუკავებლობაა.

ფიზიოლოგიურ მონაცემებზე დაფუძნებულმა კვლევამ იოგის სარგებელი აჩვენა დაღლილობის შემცირებაში, მენჯის ფსკერის კუნთის გაძლიერებასა და სისხლის ნაკადის ზრდაში. შედეგები ერექციისა და შეუკავებლობის შესაძლო დახმარებასაც აჩვენებს. მედიტაციის შემცველ ჯგუფურ ფიტნესში მონაწილეობას ფსიქოსოციალური სარგებელი ჰქონდა, ზოგად ჯანმრთელობას და შედეგად ცხოვრების ხარისხს აუმჯობესებდა.

სხვა კვლევებშიც კიბოს პაციენტთა ჯანმრთელობასა და ცხოვრების ხარისხზე დადებითი გავლენა გამოვლინდა, თუმცა პროსტატის კიბოში გვერდითი მოვლენების შემცირების კვლევები არასაკმარისია. მთავარი მიზეზია წარმოდგენა, რომ მამაკაცებს ასეთ ჰოლისტურ, მთლიანობით ვარჯიშში მონაწილეობა ნაკლებად სურთ.

სტატისტიკით იოგის მონაწილეთა %72 ქალია და მხოლოდ % 18 არის 55 წელზე უფროსი. პროსტატის კიბოს დიაგნოზის საშუალო ასაკი 66 წელია. ამის მიუხედავად, 6-9 კვირის რადიოთერაპიის მიმღებ პაციენტებში კვირაში 2-ჯერ იოგა შესაძლებელი აღმოჩნდა.

2013 წლის მაისიდან 2014 წლის ივნისამდე კვლევაში 68 პაციენტიდან 45 (%66) კვირაში 2-ჯერ 75-წუთიან იოგას ესწრებოდა. იოგა მოძრაობის თეორიისა და კინეზიოლოგიის, ანუ კუნთების მეცნიერების იდეების შერწყმას და მთელ სხეულზე გავრცელებას ემსახურება. უმეტესობა გაკვეთილისა და პროგრამის შემდეგ თავს კარგად გრძნობდა. ბევრს შემდეგ სახლში რეგულარული ვარჯიში სურდა და ითხოვდა.

ეფექტი გაზომეს პასუხებით კითხვებზე დაღლილობის, სქესობრივი ცხოვრების, ერექციის, შეუკავებლობისა და საერთო ხარისხის შესახებ. დაღლილობა იცვლებოდა და მოსალოდნელად 4-ე კვირაში გაიზარდა, შემდეგ გაუმჯობესდა და ნორმალურ დონეზე იყო. ერექცია, შარდის შეუკავებლობა და ცხოვრების ხარისხი სტაბილურად აღირიცხა.

მკვლევრები პოტენციურ სარგებელს კვლავ სწავლობენ. განხორციელებადობის კვლევის სრული შედეგების გამოქვეყნება 2016 წლის დასაწყისშია მოსალოდნელი.