Yoqa prostat xərçəngi müalicəsi alan kişilərdə yan təsirləri azaldır və həyat keyfiyyətini artırır

İnteqrativ Onkologiya Cəmiyyətinin 12-ci Beynəlxalq Konfransında təqdim edilən araşdırmaya görə radioterapiya alan prostat xərçəngi xəstələrində yoqa faydalı ola bilər.

İlk belə yeni tədqiqatda intensiv yoqa proqramına qatılan radioterapiya xəstələrinin ümumi həyat keyfiyyətinin daha yaxşı, tez-tez olan yan təsirlərin (yorğunluq, qeyri-sağlam cinsi həyat, sidik qaçırma kimi) daha az olduğu görülmüşdür.

Xərçəng yorğunluğu gündəlik həyatda istirahət və yuxu ilə keçən yorğunluqdan fərqlidir. Xərçəng və ya müalicə yorğunluğu həyat keyfiyyətini hətta ağrıdan çox azaldır. Radioterapiya alanların %60 - %90-ında bu əlamət görülür. Həmçinin bütün prostat xərçəngi xəstələrinin %21-%85-ində ereksiya, %24-ündə sidik qaçırma problemi tapılır.

Xəstəlik və müalicə yorğunluğunu azaltmaq, çanaq (qasıq sahəsi) dibi əzələsini gücləndirmək və qan axınını artırmaq üçün fizioloji məlumatlara əsaslanan işdə yoqanın faydası görülmüşdür. Nəticələr ereksiya və sidik qaçırmaya da kömək edə biləcəyini göstərmişdir. Meditasiyalı qrup fitnesinə qatılmaq psixososial fayda vermiş, ümumi sağlamlığı müsbət dəstəkləmiş və həyat keyfiyyətini artırmışdır.

Digər araşdırmalar da yoqanın xəstələrin sağlamlıq və həyat keyfiyyətinə müsbət təsirini göstərir. Lakin prostat xərçəngində yan təsirləri azaltma roluna dair işlər yetərsizdir. Əsas səbəb kişilərin belə holistik (bütöv) məşqə həvəssiz olacağı düşüncəsidir.

Statistikada yoqa iştirakçılarının %72-si qadın, yalnız % 18-i 55 yaşdan yuxarıdır. Prostat xərçəngi diaqnozunun orta yaşı 66-dır. Buna baxmayaraq 6-9 həftə radioterapiya alan xəstələrdə həftədə 2 dəfə yoqanın mümkün olduğu görülmüşdür.

May 2013 - iyun 2014 arasında 68 prostat xərçəngi xəstəsinin 45-i (%66) həftədə 2 dəfə 75 dəqiqəlik yoqa dərsinə qatılmışdır. Yoqa hərəkət nəzəriyyəsi və kineziologiyadan (əzələ elmi) fikirləri birləşdirib bütün bədənə ötürmək üçün edilir. Çoxu hər dərsdən və proqramdan sonra yaxşı hiss etdiyini bildirmişdir. Xəstələrin çoxunun sonra evdə rutin yoqa istədiyi qeyd edilmişdir.

Təsir yorğunluq, cinsi həyat və ereksiya, sidik qaçırma və ümumi həyat keyfiyyəti suallarına cavablarla ölçülmüşdür. Yorğunluq müalicədə dəyişmiş, gözlənildiyi kimi 4-cü həftədə artmış, sonra yaxşılaşıb normal səviyyədə getmişdir. Ereksiya, sidik qaçırma və ümumi həyat keyfiyyəti sabit qeydə alınmışdır.

Araşdırmaçılar potensial faydaları araşdırmağa davam edirlər. Həyata keçirilmə imkanını araşdıran işin tam nəticələri 2016-cı ilin əvvəlində gözlənilir.