კიბოს მკურნალობის ნაკლებად ცნობილი მნიშვნელოვანი გვერდითი მოვლენები

შეიძლება თავად კიბოს ჩივილები ან მკურნალობის გვერდითი მოვლენები გამოვლინდეს. ეს თითქმის ყველამ იცის: მაგალითად თმის ცვენა, წონის მატება ან კლება, გულისრევა. მათ ადამიანის ადამიანის ცხოვრების ხარისხზე მძიმე გავლენა შეიძლება ჰქონდეს. თუმცა ამ კარგად ცნობილი, ძლიერ შემაწუხებელი მოვლენების გარდა არსებობს უფრო იშვიათი და არანაკლებ მნიშვნელოვანი გვერდითი მოვლენები.

ხელისა და ფეხის ბოლოებში წვით, ჩხვლეტითა და დაბუჟებით დამახასიათებელი პერიფერიული ნეიროპათიით გამოწვეული დაცემები

კიბოს მკურნალობის მიმღებ პირებს დაცემის რისკი აქვთ. მართალია ეს რისკი კიბოსთვის სპეციფიკური არ არის, მაგრამ ზოგმა ქიმიოთერაპიამ პერიფერიული ნეიროპათია, ანუ ხელისა და ფეხის ბოლოებში შეგრძნების შემცირება ან ტკივილი შეიძლება გამოიწვიოს, რაც დაცემის რისკს ზრდის. ბევრ პაციენტს, განსაკუთრებით ახალგაზრდებს ან ძლიერად და ჯანმრთელად მყოფებს, ჰგონია, რომ დაცემის რისკი არ აქვთ, მაგრამ ის მაინც არსებობს.

დაცემით მიღებული დაზიანება საშიში შეიძლება იყოს. ჯანდაცვის მსოფლიო ორგანიზაციის მიხედვით, დაცემა მსოფლიოში შემთხვევითი სიკვდილის მიზეზებს შორის მეორე ადგილზეა, ამიტომ მეტი სიფრთხილეა საჭირო.

თუ საავადმყოფოში მკურნალობთ, გარემოსთან შეჩვევამდე გასეირნებისა და ტუალეტში გასვლისას მეტად ფრთხილად უნდა იყოთ. რისკის შემცირების პირველი ნაბიჯი მისი გაცნობიერებაა. თუ საწოლიდან ადგომა გჭირდებათ და სისუსტეს გრძნობთ, თანმხლებ პირს ან სამედიცინო მუშაკს დახმარება სთხოვეთ. შესაძლოა არავის შეწუხება არ გინდოდეთ, მაგრამ თქვენი უსაფრთხოება ბევრად მნიშვნელოვანია.

რისკის შემცირების კიდევ ერთი გზაა მყარად დამჭერი ძირის მქონე ფეხსაცმელი. მაგალითად, თითებს შორის გასაყრელი ჩუსტები არ ჩაიცვათ. საწოლიდან ყოველთვის ნელა და ფრთხილად ადექით. სისუსტის ან თავბრუსხვევისას ახლობელს ან სამედიცინო გუნდს აცნობეთ.

• ქიმიოთერაპიასთან დაკავშირებული ნეიროპათიის (ნერვის დაზიანების) დიაგნოსტიკა და მკურნალობა

კიბოსთან დაკავშირებული დაღლილობა და სისუსტე

დაღლილობა და სისუსტე გვერდითი მოვლენების სახით აქტივობებიდან ჩამოშორებასა და ცხოვრების ხარისხის დაქვეითებას იწვევს. პაციენტებმა ეს ექიმს ან ექთანს უნდა აცნობონ. ექიმმა შეიძლება ამ ეფექტის შემსუბუქებისთვის ზომები მიიღოს.

ზოგჯერ დამატებითი მკურნალობა შეიძლება იყოს რეკომენდებული (მაგალითად აკუპუნქტურა). ასევე არსებობს კვლევები, რომ კიბოს მკურნალობისას კვირაში სულ მცირე სამჯერ 20 წუთით სიარულმა შეიძლება დაღლილობა შეამციროს. სასარგებლოა პროცესის ემოციური ეფექტების გათვალისწინებაც; ფსიქოლოგი ან მხარდამჭერი ჯგუფები შეიძლება დაგეხმაროთ.

• შეიძლება სისუსტე და დაღლილობა კიბოს პირველი ნიშანი იყოს?

კიბოს მკურნალობით გამოწვეული ჰორმონული და სექსუალური ცვლილებები

ძუძუს კიბოს მკურნალობის მიმღები ქალები ჩვეულებრივ ჰორმონების დამთრგუნველ მკურნალობას იღებენ. მან შეიძლება ალები, სექსუალური ინტერესის შემცირება და მენოპაუზის დაწყების მსგავსი არასასურველი მოვლენები გამოიწვიოს. ასევე პროსტატის კიბოსთვის ფართოდ გამოყენებულმა ანდროგენის (კაცის ჰორმონის) დამთრგუნველმა წამლებმა კაცებში ჰორმონულ ბალანსზე შეიძლება იმოქმედოს და სექსუალური სურვილი შეამციროს. ასევე შესაძლებელია მკურნალობით გამოწვეული უნაყოფობა და ერექციული დისფუნქცია.

• სექსუალობა და კიბოს პაციენტები: ამაზე საუბრის დრო არ მოვიდა?

ალებისას დამატებითმა მეთოდებმა, როგორიცაა აკუპუნქტურა, და დამამშვიდებელმა ტექნიკებმა, როგორიცაა ღრმა სუნთქვა და გრილი შხაპი, შვება შეიძლება მოიტანოს.

• აკუპუნქტურა ძუძუს კიბოს პაციენტებში ალების სამკურნალოდ

მოკლევადიანი მეხსიერების პრობლემები (ქიმიოტვინი)

ჩვეულებრივ ქიმიოტვინად წოდებულმა კიბოს მკურნალობის კოგნიტიურმა ეფექტებმა პაციენტებს შეიძლება გაურთულოს ცხოვრება. გონებრივი ცვლილებები უბრალო დავიწყებაზე მეტს მოიცავს და მკურნალობის დასრულების შემდეგაც შეიძლება გაგრძელდეს. მათ შორისაა სწორი სიტყვების პოვნის, ყურადღების მოკრების, ფოკუსირებისა და კონცენტრაციის პრობლემები, რომლებიც ყოველდღიურ ცხოვრებაზე მოქმედებს.

ამისთვის, ტვინის ფუნქციების გასაუმჯობესებლად, გონებრივი სავარჯიშოები შეიძლება გამოიყენონ. ისინი ქიმიოტვინის სიმპტომების შემსუბუქებისთვის სასარგებლო შეიძლება იყოს. მსგავსი მკურნალობა ყოველი ადამიანის საჭიროებებს ერგება.

• როგორ მოქმედებს კიბო და მისი მკურნალობა გონებრივ-კოგნიტიურ ფუნქციებზე?