სექსუალობა და კიბოს პაციენტები – ამაზე საუბრის დრო არ დადგა?

როგორია თქვენი სქესობრივი ცხოვრება? სინამდვილეში კიბოს პაციენტები ელოდებიან, რომ ონკოლოგები მათ სქესობრივ ცხოვრებაზე ჰკითხავენ და რჩევას ან გაფრთხილებას მისცემენ. თუმცა ამ საკითხს უმეტესად არც პაციენტები და არც ექიმები არ ახსენებენ. სექსუალობა ტაბუდ მიიჩნევა და მასზე საუბარს ხშირად ერიდებიან. ცხოვრების ბუნებრივ ნაწილს, სექსუალობას, კიბოს პაციენტების ცხოვრებაშიც მნიშვნელოვანი ადგილი აქვს.

ძუძუს კიბოს პაციენტთა მხოლოდ 3-დან ერთი საუბრობს საკუთარ სქესობრივ ცხოვრებაზე

აშშ-ში ჩატარებულ 2017 წლის პალიატიური მოვლის ონკოლოგიურ სიმპოზიუმზეგანიხილეს სექსუალობის მნიშვნელობა და კიბოს პაციენტები. აღმოჩნდა, რომ აშშ-ში კიბოს პაციენტთა ნახევარზე ნაკლები (%45) ესაუბრება ჯანმრთელობის სპეციალისტებს სექსუალობაზე; ჩვენს ქვეყანაში ეს მაჩვენებელი დიდი ალბათობით გაცილებით დაბალია.

კიბოს ტიპების მიხედვით ამ საკითხს შეეხო ფილტვის კიბოს პაციენტთა %21, ძუძუს კიბოს მქონეთა %33, მსხვილი ნაწლავის (კოლონისა და სწორი ნაწლავის) კიბოს პაციენტთა %41 და პროსტატის კიბოს მქონეთა %80. ზოგადად მამაკაცები ამაზე ქალებზე მეტს საუბრობდნენ.

არის სექსუალობა მხოლოდ სქესობრივი კავშირი?

სპეციალისტების აზრით, თუ გულისრევისა, შეკრულობის მსგავს საკითხებს არ შეეხებოდნენ, ეს დაუდევრობად ჩაითვლებოდა. მეორე მხრივ, ცხოვრების ხარისხზე საუბარი საკმარისად არ მიიჩნევა, თუმცა სექსუალობა განსახილველი საკითხებიდან ერთ-ერთია. ის მხოლოდ სქესობრივ კავშირს კი არა, სიახლოვეს, შეხებასა და ჩახუტებასაც მოიცავს. ეს მრავალმხრივი გაზიარებაა, რომელიც ფიზიოლოგიას, ქცევას, ემოციას, შემეცნებასა და იდენტობას მოიცავს.

კიბოს სტადიის მიუხედავად სექსუალობის კითხვებზე პასუხის გაცემა შესაძლებელია

დაავადების მსუბუქი თუ მძიმე მიმდინარეობისას სექსუალობის მიმართ მიდგომა თავისუფალი უნდა იყოს; უნდა გვახსოვდეს, რომ ის მთელი სიცოცხლის განმავლობაში ადამიანის ბუნებრივი გამოცდილებაა. მკურნალობაში ჩართვისას სექსუალობას შეუძლია დაავადების პერიოდში დაამშვიდოს, ტკივილი შეამსუბუქოს, ემოციური მდგომარეობა გააუმჯობესოს და, შესაბამისად, ცხოვრების ხარისხი გაზარდოს. მიიჩნევა, რომ მკურნალობისა და მოვლის პროცესში მისი არჩართვისას სირთულეებთან გამკლავება შეიძლება უფრო ძნელი იყოს.

არსებობს კვლევა კიბოს პაციენტებში სქესობრივი ცხოვრების გასაუმჯობესებლად?

კიბოს მქონე ქალებში სქესობრივი ცხოვრების გაუმჯობესებისა და შედეგების შესწავლის ერთ კვლევაში განიხილეს სქესობრივი ჯანმრთელობა, ვაგინალური ჯანმრთელობა და სურვილი. ფიზიკური და ემოციური მოდუნებისა და სქესობრივი ცხოვრების წინ წამოწევის სავარჯიშოების შედეგად ქალთა %97-მა ეს საქმიანობა სასარგებლოდ შეაფასა. აღწერილია, რომ სქესობრივი ფუნქციის მხარდამჭერი ინფორმაციის მიღების შემდეგ ქალებს 2. თვეში სქესობრივი ცხოვრება მნიშვნელოვნად გაუუმჯობესდათ. ამ საპილოტე კვლევაში ასევე დაფიქსირდა გონებრივი კონცენტრაციის, დეპრესიისა და შფოთვითი აშლილობის გაუმჯობესება და ფსიქოლოგიური დისკომფორტის შემცირება.

კიბოს მქონე ადამიანებში სქესობრივი ფუნქციის დარღვევის გასაუმჯობესებელი სხვა კვლევების შედეგებით გაუმჯობესება დაფიქსირდა შფოთვითი აშლილობის, დეპრესიის, სქესობრივი ფუნქციის, განწყობისა და ცხოვრების საერთო ხარისხის თვალსაზრისით.

ონკოლოგების მიერ ამ თემაზე საუბრის აქტიურად არიდების მიზეზებს შორისაა კოლეგების რეაქცია, სასამართლო დავების შიში და არასწორი ინტერპრეტაციის შესაძლებლობა. ამიტომ შეიძლება თემა არ წამოჭრან და პაციენტთა სექსუალობაზე კომუნიკაცია არ აირჩიონ. ახლა უკვე საჭიროა ამ საკითხზე ღია საუბარი. პაციენტთა სექსუალობაზე გაფრთხილებებისა და რჩევების მიცემა ექიმების პასუხისმგებლობაა და პაციენტებსაც დაუფარავად კონსულტაციის შესაძლებლობა უნდა ჰქონდეთ.

დაკავშირებული თემა:

• 5 რამ სექსუალობის შესახებ, რაც კიბოს პაციენტმა და მისმა მეუღლემ უნდა იცოდნენ