კიბოში კიდევ ერთი სიახლე: მეხსიერების კიბოს ვაქცინა
კიბოს წინააღმდეგ იმუნური სისტემის გასააქტიურებლად შექმნილი კიბოს იმუნოთერაპიების მიმართ ინტერესი ყოველდღიურად იზრდება და ახალი მიდგომები გამოიცდება. ქვემოთ ჩანს 5 მთავარი ტიპი. ახალი მიზანია როგორც კომბინირება, ისე მეხსიერების იმუნური უჯრედების გააქტიურებით ხანგრძლივი სამკურნალო პასუხის მიღება.
2011 წლის შემდეგ შემოსულმა, ახლა დაახლოებით 15 ძირითად კიბოში FDA დამტკიცების მქონე იმუნური საკონტროლო წერტილების ინჰიბიტორმა იმუნოთერაპიებმა პრაქტიკა მთლიანად შეცვალა და ამიტომ 2018 წლის მედიცინის ნობელის პრემიითაღინიშნა. თუმცა მხოლოდ ზოგ კიბოში მუშაობს და რეციდივისა თუ რეზისტენტობის რისკი მაინც რჩება. CAR-T უჯრედული თერაპია მყარ სიმსივნეებში ეფექტიანობის მცირე მტკიცებულებას აჩვენებს და მხოლოდ ლეიკემიასა და ლიმფომაში დამტკიცდა.
ქიმიოთერაპიისგან განსხვავებით, მოპასუხეებში იმუნოთერაპიას ხანგრძლივი პასუხი აქვს. მთავარი საინტერესოა მისთვის პაციენტის სიმსივნის სპეციფიკური ადოპტიური უჯრედული მკურნალობის დამატება. მისი ერთ-ერთი სახეობაა მოდიფიცირებული ბუნებრივი მკვლელი (natural killer) უჯრედების თერაპია.
ბუნებრივი მკვლელები კიბოს წინააღმდეგ ძირითად ბუნებრივ დამცავ მექანიზმად მიიჩნევა
7 ნოემბერს 2018 წელს იმუნოთერაპიის ინოვაციურმა კომპანიამ NantKwest ბუნებრივი მკვლელებისა და მეხსიერების კიბოს ვაქცინის იმუნოთერაპიისადამიანთა კვლევის იმედისმომცემი შედეგები გამოაცხადა.
2017 წლის აგვისტოდან 2018 წლის ოქტომბრამდე კვლევის ძირითადი ნიშნებია:
- ჩაერთო სხვადასხვა მეტასტაზური (შორსწასული) რეზისტენტული კიბოს მრავალჯერ ნამკურნალები 30 პაციენტი.
- 30 პაციენტს ვაქცინის 300 დოზა მისცეს.
- არც ერთში უჯრედული თერაპიის შესაძლო მძიმე ეფექტი, ციტოკინების გამოთავისუფლების სინდრომი არ გამოვლენილა.
- მანამდე სულ მცირე 4 ხაზის მიმღებ მეტასტაზურ სამმაგად უარყოფით ძუძუს კიბოს პაციენტებში % 80 დაავადების კონტროლი,
- სულ მცირე 3 ხაზის მიმღებ მეტასტაზურ პანკრეასის კიბოში % 80 კონტროლი და მედიანური 9.5 თვე გადარჩენა მიიღეს. სტანდარტული 1 ხაზის მიმღებებში იგი 8.7 თვეა ცნობილი.
- მეტასტაზური თავისა და კისრის კიბოს მქონე, სულ მცირე 4 ხაზის მიმღებებში % 67 კონტროლი და 1 სრული პასუხი მიიღეს.
- რეზისტენტულ ადრეულ (carcinoma in situ) ბუშტის კიბოში საკუთარი მკვლელების გამააქტიურებელი IL-15 შერწყმული ცილით მარტო % 86 სრული პასუხი მიიღეს.
დასკვნა
IL-15 მსგავსი აქტივატორებით საკუთარი NK და T უჯრედების სტიმულირების გარდა გენური ინჟინერიით ლაბორატორიულად შექმნილი მეხსიერების NK უჯრედების ვაქცინად მიცემა შორსწასულ მყარ სიმსივნეებში შეიძლება ეფექტური იყოს.
წყაროები
NantKwest Announces Promising First in Human Clinical Results of 300 Doses of CD16 Targeted, Off-the-Shelf Cryopreserved Natural Killer Cells (haNK) in a Novel Cancer Memory Vaccine Immunotherapy.
nantkwest.com
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.