ნუ დაგვავიწყდება, რომ ჰაერის დაბინძურებაც კიბოს იწვევს
ამ სტატიაში
ჰაერის დაბინძურება შეიძლება იცვლებოდეს ჩვენს რეგიონში სხვადასხვა ნივთიერების მრავალფეროვნების, წელიწადის პერიოდისა და ამინდზე დამოკიდებული სხვადასხვა ფაქტორის მიხედვით. ჰაერის დაბინძურების წყარო შეიძლება ადამიანური იყოს, როგორიცაა გამოყენებული ავტოტრანსპორტი, მრეწველობა და დამწვარი ნავთობის კვამლი, ან ბუნებრივი მიზეზებიც, როგორიცაა ჩრდილოეთ აფრიკის უდაბნოს მტვერი.
ჰაერის დაბინძურება ჩვეულებრივ დახურული სივრცისა და გარე ჰაერის დაბინძურებად იყოფა. ორივე სახის ჰაერის დაბინძურება კიბოს რისკს ზრდის, მთავარია ეს რისკი შეძლებისდაგვარად მინიმუმამდე დავიყვანოთ.
ამასთან რისკები მნიშვნელობის მიხედვით უნდა შეფასდეს. სიგარეტის/თამბაქოს მოხმარების ფილტვის კიბოს განვითარების რისკი გარე ჰაერის დაბინძურებაზე ბევრად მაღალია. თუ ეწევით, ჯანმრთელობისთვის საუკეთესო პირველ რიგში მისი შეწყვეტა იქნება. კვლევები აჩვენებს, რომ ჰაერის დაბინძურების ზემოქმედება მსოფლიოს დიდ ნაწილში, ძირითადად მჭიდროდ დასახლებულ სწრაფად ინდუსტრიალიზებულ ქვეყნებში მნიშვნელოვნად გაიზარდა. დაავადებათა გლობალური ტვირთის პროექტის უახლესი მონაცემებით; 2010 წელს მსოფლიოში ჰაერის დაბინძურების გამო 223 ათასი ფილტვის კიბოთი, სულ კი 3.2 მილიონი ადამიანი გარდაიცვალა.
გარე ჰაერის დაბინძურება
ჰაერის დაბინძურება ფილტვის კიბოს მომატებულ რისკს უკავშირდება. ინდივიდუალური კიბოს რისკი მცირეც რომ იყოს, საერთო პოპულაციაში ჩასუნთქული დაბინძურებული ჰაერის გავლენა დიდია. კვლევებით საკმარისი მტკიცებულება არსებობს, რომ ჰაერის დაბინძურება კიბოს რისკს ზრდის და კიბოს კვლევის საერთაშორისო სააგენტოს მიხედვით ჰაერის დაბინძურება ჯგუფი 1 კანცეროგენის კლასს მიეკუთვნება.
დაბინძურებულ მტვრის ნაწილაკებს ჰაერის დასაბინძურებლად 2500 km მანძილზეც შეუძლია ზემოქმედება.
კვლევების შედეგები აჩვენებს, რომ ჰაერის დაბინძურება იწვევს არა მხოლოდ ფილტვის კიბოს, არამედ სხვა დარღვევებსაც, განსაკუთრებით სასუნთქი გზებისა და გულის დაავადებებს.
დახურული სივრცის ჰაერის დაბინძურება
დახურულ სივრცეში ჰაერის დაბინძურების მიზეზებიც განსხვავებულია. მრავალი წყარო შეიძლება ჰქონდეს, მათ შორის სახლისა და სამუშაო ადგილის გათბობის სახეობა და საჭმლის მოსამზადებელი საწვავი. დახურული სივრცის ჰაერის ერთ-ერთი უმნიშვნელოვანესი დამაბინძურებელია სიგარეტის კვამლი.
პასიური – მეორადი და მესამეული – მოწევა
დღეს მილიონობით ადამიანი პასიური მწეველია. განსაკუთრებით სახლებში სიგარეტის კვამლის ზემოქმედებასთან ერთად ნივთებში კვამლის გამჯდარი ნარჩენებით მესამეული მოწევაც კიბოს რისკის მნიშვნელოვნად მომატების ფაქტორთა შორისაა.
ჰაერის დაბინძურებისგან დაცვის პირადი ზომები
- ინდივიდუალურად შეგვიძლია ჩვენი როლი შევასრულოთ დაბინძურების მინიმუმამდე შემცირებაში, მეტი ჰაერის დაბინძურების თავიდან აცილებით.
- ავტოტრანსპორტის ნაცვლად შეძლებისდაგვარად ველოსიპედი და ფეხით სიარული ავირჩიოთ. ამგვარად აქტიური ცხოვრებით კიბოსა და სხვა დაავადებების რისკიც შეგვიძლია შევამციროთ.
- თუ ვეწევით, უნდა შევწყვიტოთ, თუ არ ვეწევით, პასიურ მოწევასა და მესამეულ ზემოქმედებას უნდა მივაქციოთ ყურადღება.
დაკავშირებული თემები:
წყაროები
cancer.org
2. How air pollution can cause cancer.
cancerresearchuk.org
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.